| بغض النظر عن العقليات اللي قاعده تعطي لاعبينا هالمسميات كن الالقاب انتهت !!
إلا اني أقول .. ((الغرب أحسن منا بمليون مرحلة !! )) وليتنا نجي ربعهم !! مشكلتنا (( اسلام بلا مسلمين )) تعاليم دينية لو تتطبق في كل زمان ومكان جابت نتايجها !! لكن ربعك (ياخذون من الدين اللي على هواهم ويخدم مصالحهم )) !!
هناك ((النظام نظام )) والانسان انسان !! لك كامل احترامك !! لو احد تلفظ عليك بألفاظ مثل اللي نشوفها هنا للاسف (( اقلها محاكمة وتاخذ الصاع صاعين )) !!
ليتنا نجي على الغرب بانضباطيته !! بتعاملهم مع بعض !!
نحتفظ بعادتنا بتقاليدنا هذا (شيء سامي ومطلوب ) !! لكن اننا يكون عندنا (عقدة منهم ) بدعوى اننا احسن منهم فهذا مخالف للمنطق وهم سابقينا في كثير من المجالات اللي مالها حصر !! ياليت نساير ونقتبس الاشياء اللي ما تتصادم مع عاداتنا وديننا !! ونترك عنا التشنج من محاكاتنا لهم !!
شعب عملي !! قاعد يعمر ويبني وينتج !! وحنا جالسين (( نتكلم )) بس نسولف !! بس نخربط !! بس ننتقد !! بنيان ما فيه !!
بالرغم من ان (العقول موجودة ) .. ورغم وجود ديننا اللي هو مصدر عزنا (يدعونا ) لهالشيء لعمار الارض !! للتسامح !! للنهوض !! لتطهير العقليات !! للارتقاء !! لكن معطلين هالمصدر .. وماخذين منه ((بعض اللي نحتاجه )) والباقي في عرض الحائط !!
ليه يتشبهون فيك الغرب !! وش عندك يتشبهون فيك !! ما عندك الا القرق والكلام !! وتحب تعبي (هالكرشة رز ) وتتسدح في هالاستراحات <<-- الغالبية الساحقة من المجتمع !!
لكن لو رجعنا وتمسكنا بهالدين الصح !! اللي يحفز على العمل !! في كل مجالات الحياة !! وغيرنا من (واقعنا المخجل ) .. بوقتها نقدر نفرض ونملي شروطنا واراءنا !! لكن في هالوقت الحاضر ما اضن ابد ابد !!
يبي لنا كل واحد يبدأ بنفسه !! وشوي شوي ونرتقي !! بدون تشنج !! وبواقعية !!  | 