نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - هـذيٍ قصـهَ حصلــت معيٍ بالخآرج ( تفآجأة بهآ ) .. لمــن شكك بجمآهيرية الهلآلٍ ..

A V A L O N · #1 07/02/2008, 05:18 AM

بســم الله الرحمــن الرحيــم

:
:
:

أبخــش بالموضوع بدون مقدمآت ..

صآرت ليٍ سآلفه في البحــرين , ومــن جد صآرت ليٍ حجه قويه في من شكك بجمآهيرة الزعيــم ..

واللي خلآني أتذكر السآلفه .. موضوع الأخ ( عاشق الازرق البراق ) <_ بحريني ..

وكتب موضوع . بأنه رآح يجي الريآض .. بس عشآن يشوف مبآرآة الديربي بين ( الهلآل والنصر ) ..

وهذآ رآبط موضوعه _> ( أرعص وبشدهـ هونيآ ) ..

الوكآد .. أني كنت جآلس بمطعم ( هآرديز )

.. علىآ الطآوله .. وكآن بالطآوله اللي ورآي 6 بحرينيين ..

فكآنوآ ملزقين بطآولتي .. يعني غصبن علي أسمع وش اللي يقولون ..

المهم .. وأنآ أسولف مع خويي .. ألآ وأسمع كلمة ( هلآل ) .. فحآولت .. أستمع وش اللي قآعدين يقولونه عن ( هلآلنآ ) ..

وكآن اللي يتكلم شآب أعطي عمرهـ بالعشرينآت .. ويقول : ( أنآ هلآلي والثنين اللي جمبي هلآليين .. وأنتم من تشجعوون بالسعوديه؟! .. ) <_ يقصد اللي معه بالطآوله ..

فدآر الحوآر معهم .. عن الهلآل وجمآهيريته بالسعوديه .. وأنه أفظل فريق سعودي ..

وأنهم من أشد المعجبين بهذآ الكيآن .. وبلآعبينه الدوليين ..

وبيني وبينكم مآ حبية أسترق السمع أكثر من كذآ .. <_ بعد أيش ..

:
:
:

ومن بعد هذي السآلفه .. يآ أن رآسي كبر ..

أيه وتذكرت .. عندنآ بالكوفي .. أثنين بنغآليه .. يآ أنهم يموتون بشي أسمه ( الهلآل ) ..

ومن محبين هذآ النآدي أكثر من 6 سنوآت ..

وهذآ مهوب شي .. وفيه يمنيين أعرفهم .. مآ يخلون مبآرآة تفوتهم عن ( الهلآل ) ..

وبرضوو مصريين .. وسودآنيين <_ مع أن السوديآنيين أكثرهم نصرآويه <_ تعرفون عشآن مين ..

:
:

كلآمي هذآ .. مهوب من نسج خيآلي .. هذآ اللي أنآ عشته وشفته ..

ومن بعد هذآ الكلآم .. و الله مآ أشكك بجمآهيرية الهلآل في آسيآ ..

:
:

وعلىآ الخير نلتقي ..

أفآلــون