وعليكم السلام ورحمة الله وبركاته ..

وصباح ورده ورده ورده أخوي راكان ..

بقولك سالفتي من طق طق لسلام عليكم << ودها تسولف

هذا سلامك الله أول مادخل النت بيتنا تقريباً عام 2004 م

والكل بالبيت متسندر على ساحة الاقلاع قلت ورا ما أدخل معهم ياصابت يا خابت ..

وللأسف إنها خابت وفي فترة وجيزة تم فيها نتف ريشي وتلحيطي بسجن الملز فرع النساء ...

كرهت النت والمنتديات وانتقلت لمواقع الصور وهاتك ياتجميع في الصور << شغلة غبية وما منها فايدة ...

بس برضو ما طولت حتى جا اليوم اللي لقيت بالرياضية موقع الزعيم ...

واهـ بس يوم لقيته تقول مدري وش لقيت ..

لعيونه رحت ابحث وادور كيف اسوي لي بريد

لأن اللي تعرف عندنا بالبيت لعمل البريد رفضت رفضاً قطعياً تسجيلي بالزعيم لعدة اعتبارات ..

المهم بعد عدة مشاورات ومناقشات سجلت وطيران على الجمهور ...

وجلست وكنت قارئة فقط حتى جا العام الماضي وانحلت عقدتي ...

برضو الجمهور ما إرتحت فيه بس كنت لابدة فيه ما أطلع ..

حتى تلقيت رسالة فيها دعوة للمجلس العام الله يجزى رعيها كل خير ..

ومن يومها وإلى الأن وأنا بالمجلس

واللي أحس ناقصني شيء كبير لو مادخلته ..

وسلامتك ..

والله يعطيك ألف عافية

دمت بكل الخير .

ورده