القناة الثالثة ليتهم يخلونها للأطفال وافلام كرتون بدل الرياضة والله انه اصرف لا الاطفال ما يدققون على دقة مواعيد ولا نقل مباريات وغيره ما جاهم تابعوه.

لكن الكلام مهوب على القناة ولا وزارة الاعلام ولا على اللي يديرون هالقناة على كيفهم الكلام على ثقيل هالطينة السماري وبقول لكم على موقفين تطيحه من عين نفسه قبل ما تطيحه من عيون اللي يقرون له:
الموقف الاول من زماااان ايام قبل الجوالات ما كان يكتب في المسائية آخر صفحة باسم ابو شيخه انتقد فيها دول مثل الامارات وقطر ودول الخليج على انظمة الجوال اللي عندهم وانها رخيصة لان الخدمة رديئة وان اللي عندنا ويقصد الهاتف السيار صحيح غالي لكن الخدمة عالية وووووبربره ترفع الضغط مع العلم ان التليفون السيار عندنا بخمسين الف وعندهم النظام الحديث وبخمسة الاف وبعدها بفترة غير آراءه وقام يطبل للجوال ويمدح في في الوزارة وانها جابت احدث النظم للجوال...... يا ثقل طينته
الموقف الثاني واللي لو حصل لاي صحفي يحترم نفسه حتى لو توه مبتدئ كان ترك الكتابة وشلون عاد بواحد يكتب قابل لا ينولد ثلاثة ارباع اعضاء شبكة الزعيم هو يوم كتب مقال انتقد فيه الاعضاء السعوديين في الاتحاد الاسيوي رجع بعدها بكم يوم وكتب مقال في نفس المكان من جريدة الجزيرة وكتب مقال اعتذار مهين تراجع فيه عن اراءة في اقل من اسبوع وكان عنوان هالمقال مهين ايضا وهو "عندما يخطئ الصحفي".

انا راضي ضمير اي واحد يقرا جرايد حتى لو كان ما يقرا غير الكاريكاتير هل هالانسان يستحق ان تقرأ له او حتى يستحق ان يكتب اسمه فوق او حتى تحت اي عمود صحفي بل اعتقد ان وجود اسمه في اي صحيفة حتى لو كانت صحيفة حائط هو اهانة لمجلس ادارة الصحيفة والعاملين فيها من رئيس التحرير الى موزع الصحيفة كما اعتقد انها اهانة لصاحب البيت ولاهل البيت التي توجد فيه الصحيفة المكتوب فيها اسم هذا المتلون.
انا اسف على الانفعال يا اخوان لكن هالموضوع طلع اللي بقلبي عليه لانه من سنين وانا اشوف هالمواقف واللي يقهرني انه ماخذ وضع ما يستحقه كل هذا لانه ماخذ الهلال وسيلة للصعود والهلاليين بطيب نيه مصدقينه وهو يسيء لهم وانا واحد منهم احس بالاهانه اذا تناقشت مع اي انسان وقال شف نوعية صحفيينكم ....... عموما عذرا على الاطالة والاخطاء الاملائية بس تعبت من الكتابة ولا عندي نيه اراجع واعدل
سلام