هاردلك

المباراة جميلة رغم نتيجتها القاسية

رانييري مدرب مرحلة فقط وكل الدلائل تشير الى ليبي يا جماعة ما تشوفونه امس قاعد يقطّف في المدرجات اتوقع انه كان يتطمن على احتياط الفريق للموسم القادم وبيلاردي شكله اول من بينشات

خبر دييقو احلى خبر الصراحة مع عودة جوفينكو وجلب دييقو وتواجد سيسوكو ونوتشيرينو كيف بيكون الوسط وربي هبال

تكفى يا سيكو افعلها شف جون الكان معك قلباً وقالباً ازهم على موجي وقل له الدراهم زاهبه وش نسوي نبي نجيب دييقو يا معلمي

شف لك حل يا سيكو المهم جب دييقو

كامو

يا حبي لك يا شيخ قسم بالله اسطورة يا كامو واذا قال لك رانييري شي اقرب جزمة على قفاه الاحمر

امس لو كل الاعبين عندهم روح اليكس والله ان تصير تاريخية بس ما فيه احد مثله لأنه اليكس

الصراحة استغرب هناك حارس كبير مثل تولدو معقولة يكون احتياط للعادي سيزار

امس تولدو فعل اشياء خارقة تذكرت تولدو على عزة صراحة مدري ليه يقولون انتهى


بيلاردي وش تحس به


ستينداردو + لغروتالي

ابداع صراحة امس نيكولا و ستينداردو قدموا مجهود رائع الصراحة بس الخلل كله كان من الباكات مولينارو وبرينديلي الله يرفعه بالعافية

على العموم رانييري شكراً لكن لا تحرج نفسك وتتكلم عن مريكاتو الصيف لأن نهايتك مثل نهاية الوفي دي دي

ادارة اليوفي رغم انها شبة فاشلة وارتكبت اخطاء كثيرة لكن العاطفة ليست في قاموسها ابداً وهذا شي اجابي ويحسب لهم

التحكيم مليت وانا اتكلم عنه اجل الخال الي سجل لهم هدفين معطي نيكولا ضربة مزدوجة حتى كرت ما فيه

بلنتي ايضاً لم يحسب لنا

هدفهم الاول فيه شكه انه خطأ لبرنديلي

بلنتيهم اتوقع انه غير صحيح لان يد حسن كانت ثابته قبل ما يشوت الكورة لاعبهم صحيح انه رافعها لفوق بس واضح انه كان بيغطي وجهه وكانت هذي وضعية يده ولاعبهم يستعد للشوت

على العموم خلهم يوسعون صدورهم شوي كلها كم سنه ونشوف وش بيصير

يعطيكم العافية