بعطيك العافية أخوي عمر ..


بالفعل جميع الفرق المنافسة للانتر تعرضت للظلم ..


نبدا باليوفي ..

رجع اليوفي للسيريا a وكانت عودته قوية بـ خماسية على ليفورنو .. وتعادل الانتر مع اودينيزي ، فخافوا موراتي وربعه ولخبطت أوراقهم وحساباتهم ..

وعلى طول من الاسبوع اللي بعده ..

مباراة كالياري واليوفي ..

3 بلنتيات حسبها الحكم .. والحمدلله ان الحكم المساعد فيه خير والغى واحد .. أكذب عليك لو قلتلك بلنتي زبينا موب بلنتي .. لكن ما كان يستحق لاطرد ولا إنذار بعد ..

أما البلنتي الاول ماهو بلنتي .. والكل يتذكر كيليني كيف تنكس من القهر !!

انطرد زبينا .. و رايح يطلع من الملعب .. وجا مصور السكاي واستفزه بطريقه واضحه وزبينا ما وصله ..

وجا زبينا وعطاه كف زي كفوف البزارين ..

ووقفوه خمس مباريات !!!!


المباراة اللي بعدها مباراة اودينيزي في تورينو .. ركلة جزاء لديل بييرو لم تحتسب .. وهدف ياكوينتا صحيح .. لم يحتسب .. بداعي التسلل ..

وبعدين جت مباراة روما ..

توتي يسجل الهدف الاول لروما وهو في حالة تسلل وأسقط كريشيتو .. والحكم مشاها .. وجابها قول ..

وفي مباراة بارما .. ضربة جزاء لبارما من الخيال .. و هدف التقدم لليوفي في آخر دقيقه الغي بسبب ياكوينتا دف لاعب بارما ..!!!!!!!!!!!!!!!!!!!


في مباراة نابولي .. كانت مباراة نابولي تسبق مباراة اليوفي والانتر .. يعني لو فاز اليوفي يصير الفرق بينه وبين الانتر نقطه ..

ركلتي جزاء لنابولي من الخيال .. وايقاف زلاييتا اللي انبطح على بعد كيلو عن بوفون .. لكن ثاني يوم بعد المباراه تم الغاء ايقاف زلاييتا ..!!!!!

خسر اليوفي المباراة .. وصار الفرق بينه وبين الانتر 4 نقاط يعني حتى لو فازوا يصير الفرق نقطه !!!!

وفي مباراة الانتر كرت احمر لتشيفو ... وبلنتي لديل بييرو .. ولكن لا حياة لمن تنادي !!

وأيضاً مباراة سامبادوريا .. ركلتي جزاء صحيحه وواضحه لم تحتسب لليوفي ..!!!


مباراة كاتانيا .. هدف كاتانيا الاول تسلل واضح .. لكن اليوفي تعادل عن طريق ديل بييرو آخر الدقائق ..



للأسف حال الكالتشيو أسوؤ من الماضي بكثير ..!!!

ولو تلاحظ المباريات اللي يكون فيها ظلم على اليوفي ويفوز اليوفي فيها .. يكون في تغاضي او نسيان لما حدث !!!


أتمنى من اللي يقول اليوفي ما أنظلم يتابع مباريات اليوفي كل هالموسم .. ويشوف القرارات ويحكم عليها بحياديه !!!

...

أليساندرو ألتوبيلي لاعب الانتر سابقاً .. ويعشق نادي الانتر .. فكيف تبونه يقول ان فيه نقطه سوداء في تاريخ الانتر !!!؟؟؟

إقتباس

إقتباس انطونيو ماتاريزي : الحكام إرتكبوا أخطاء .. ولكن هذا لا يعني أن بإمكان رؤساء الفرق التهجم على الحكام .. بل يجب عليهم إيقاف ذلك , سأرفع قضايا على كل من يدعي ان هناك رشاوي و ملابسات غير قانونية , جيراردي " رئيس بارما " اتصل بي واضح بأنه مستاء من التحكيم وقمت انا بنقل هذه الاحتجاجات الى غسوني .

لـيـه ؟؟

عشان ما يتطور الموضوع .. ويوصل الى فضائح موراتي !!!

الغريب اني كم مره دخلت رابطة الانتر .. وأشوفهم يقولون ان الانتر مظلوم تحكيمياً السنة هذي ..!!!

وأن اليوفي تلقى هدايا من الحكام !!

طبعاً هذا رأيهم ولهم الحق في طرحه !!


لكن من وجهة نظري .. ان الانتر هو اللي اخذ الهدايا سواء في مبارياته او مباريات غيره مثل اليوفي والفيولا والميلان ..!!




مافي أحد في إيطاليا يبي كولينا بهالمنصب ..!!



أخوي عمر .. مره أخرى .. يعطيك العافية ..