مساكم الله بالخير جميعا..

يا جماعة الخير ارحموا نفسكم و ارحموا الرجال (بالاتشي) !!!! فيه اكثر من سبب يشفع لبالاتشي

على مستوى الهلال في الوقت الراهن..

1- بالاتشي استلم الفريق و هو في حاله يرثى لها..لا انضباط من اللاعبين ولا راحة نفسية للجميع

تساعد على انتاج عمل جيد و مستوى يليق بالزعيم..ادارة جديدة..فريق ثلثه مصاب و ثلثه غارق في

مشاكل مع الاداره..و الثلث الثالث شباب يحتاجون وقت مع اي مدرب جديد و طريقة مختلفة..انا ما

اقول المدرب يجهل اللاعبين لكن اقول اللاعبين الجدد يجهلون المدرب !!!

2- في اول مباراتين مع بالاتشي فاز الهلال على الشعله و الاتفاق و احرز هجوم الهلال ستة

اهداف..اصبح بعدها بالاتشي اطلق و اخطر مدرب في الحاره !!! مع العلم انه استلم الفريق

قبلها بكم يوم و مستحيل و لو بعصاة سحرية يكون قلب الفريق 180 درجه

3-بالاتشي طول عمره يعشق اللعب الهجومي و هو مدرب مغامر لكنه الان يلعب بالامكانيات الموجودة

عنده...لو لاحظنا نجد انه يلعب بخطة 5\4\1 و هي خطة دفاعية تعتمد على السرعة في الهجمات

المرتدة و حاليا ما عندك احد يطبق هالخطة صح...وين صانع الالعاب و راس الحربة القناص اللي

يحتاج في هالنوع من الخطط الى مهاجم ثاني يلعب عالجناح و هو افضل ما يؤديه سامي حاليا...اي

ان سامي يحتاج الى مهاجم قناص يساعده ..و كلنا نعرف ان الجمعان توه راجع و العلي مره

فووووق و مره صب قهوة..و لو لاحظتوا بالاتشي اول ما استلم الفرق كان يشارك بالعلي كراس

حربة اساسي ثابت..

4- اذا اكتمل الفرق ( اقصد عدديا و عناصريا و كل لاعب عاد لمستواه و عادت له حساسيته

عالكورة) ستجدون بالاتشي يلعب بخطة 4\5\1 و هي المختلفة اختلاف كلي عن الخطة الحالية..حيث

انها خطة هجومية بحته !!!

5- خطة بالاتشي المفضلة تحتاج للعناصر الهجومية اللي ذكرتها و تحتاج لمحور يتقن تغطية

الاظهرة عند تقدمهم و يضمن ربط الدفاع بالوسط..بالاضافة الى لاعبي وسط عالاطراف يجيدون

مساندة الهجمة و اللعب كأجنحة.. ولو لاحظنا نجد ان الثنيان لا يستطيع اللعب 90 دقيقة بنفس

العطاء و العمودي كلنا شفناه مع النصر مرتبك و اكثر كراته مقطوعه !! و لطف مجتهد لكن ليس

لاعب جناح ممتاز و صانع العاب كما كان في السابق...الشلهوب توه راجع و التمياط ايضا و بدرا

توه واصل و يحتاج وقت...يعني اصبروا عالرجال و ان شاء الله انشاء الله ترجع ايام الاربعات و

الخمسات اللي في البطولة العربية و الدوري ايام الكاتو كان هداف.....و مع مييييييين.. مع بالاتشي

6- يا جماعة الخير مستحييييييل فريق مهما كاااان انه يستمر في افضل حالاته طول الموسم و بعدين

عادي اننا نتعادل او ننهزم في كم مباراة خاصة اذا كان الوضع مثل ماهو الحين و مثل ما قلت عن

المدرب و طريقته و اللاعبين...!!!

في الاخير...انا هلالي وواحد منكم نحب نشوف الهلال دايم في القمة و دايم منتصر بس يا ليت نكون

شوي واقعيين و نصبر...

اسف عالاطالة...و ارجع و اقول الاختلاف في الراي لا يفسد للود قضية...;) ;)

الى لقاء اخر قريب باذن الله