يامرحبمبم جميعاً

شكرا لكل من شرفني بحضوره وتعليقه .. ومن ساهم بزيادة عدد المشاهدات والردود في موضوعي المتواضع .. اقوله ربي لايحرمني من هالحضور والمرور ( ورده )

خلونا بالأول نشوف تعليقات الأعضاء الرهيبه والخاصة بتسائلهم واعتراضهم عن فكرة الحروف

كانت تعليقات رائعه .. بحد ذاتها موضوع .. وربي لايحرمني من هالتعليقات والتذمر الكويس واللى انبسطت عليه ... وتأخرت بالرد علشان اجمع لكم اكبر عدد ممكن من هالتعليقات وتكون تلقائيه .. ومابغيت اعلم احد علشان نبتعد عن ( التميلح )

اقتبست لكم كم تعليقه على كم ذبه .. على كم شكوى من سالفة الحروف اللى دوختهم .. وحتى من اعضاء بمنتدى اخر لأني كتبته بأكثر من منتدى :

نبداء من عند ابو شلاخ ..

إقتباس الحين الله يحديكـ قاعد تسحبنا بالموضوع الماوس أنكسر من كثر ما أنزل بالصفحة وآخرتها تقول الأقربون أولى بالمعروف

وعسيريه علقت وهي رابطه راسها بهيلاهوب من الصداع

إقتباس أول شي الله يهديك كآن كتبت اسماء بدآل الحروف ترآي قايمه من الساعه 8 أذآكر ويوم شفت نفسي مآش تعبت دخلت نت وأوول موضوع اقرآه موضوعك عجزت أعرف منهو د ومنهو ج

sky وده يذب اكثر بس مستحي مني .. وأكتفى بهالرد .. بس واضح التذمر على استحياء

إقتباس والله يابو طلال قمت ألخبط بين الحروف ماعاد افرق بين الاب والاولاد

أبو فيصل الرحيمي .. سعيد بحضوره وتعليقه .. عطاني وحده قوية .. بس وش نسوي ابو فيصل المخرج عاوز كده

إقتباس اقتباس: ( ث ) <<< والدة كل من ( أ ) و ( ج ) و ( د ) وزوجة ( ب ) ما تحس إن الفلوس من كثر ما تطلع ما تقضي ما علينا من ذي الحين .

القيصر الرهيب ماقد شفت له رد إلا وله تعليق ووقفه على الكتابة او الموضوع او يكون له شطحه .. بس هالمره كان تعليقه عن الحروف وحسيت انه هالمره معه حق

إقتباس بس تراك لحستنا بالحروف كان سميت واحد علي والثاني علي والثالث علي والرابع علي والخامس عليه موب أريح ?

جرح يشكي .. مدري لقيت رده شطحه مالها داعي بالموضوع بس شكله خبط مع هالحروف ومابغى يطلع وايدينه فاضيه .. حط على هوبا وطلع

إقتباس هلا ابو طلال ما ادري عبدول للحين يزين شماغه ..؟؟

A S D حط التذمر برايفت .. ماوده يحرجني .. رحمني

إقتباس لاكن مثل ما قالوا الأخوان الي قبلي .. لو فكيتنـآ من الحروف .. تصدق كل مآ بديت اقرآ القصه لخبطت و رجعت اقراهآ مره ثآنيه كله بسبب الحروف..

ليش يابعدهم ليش ؟؟ عطاني اياها في البداية ملاحظه .. وفي الاخير صارت طلايب وتكفى ماالومه
بس عندي ملاحظه

إقتباس ماتلاحظ انك خليت الزوجه تاخذ 2000 والعيال كلهم على 500 و200 لا و50 بعد<<يعني كان زودت طلباتهم شوي منتب قليلين شر يعطيك العافيه عالموضوع الحلوو والطرح الاحلى بس تكفى لاتحط حرووف مرره ثانيه انا صدعت

الغدير الأزرق .. لاحيا ولاحشيمة ( وجهن مغسول بمرقه ) عطاني اياها كاش

إقتباس وبعدين ورااك حاطن حروف يعني يقالك تبي تموه دوخت روسنا الله يهديك والله تسنك مدرس رياضيات ماعرف يشرح الدرس لطلابه

المشاغب تعليقة واجد .. بثارة مهيب عن احد غيره .. بس عطاني ذبه قويه .. وحده لي .. والثانيه عطاها فياض .. الله يرجك ياسليطين .. صاير ماينتحارش هاليومين اجل الخدامه تحتريه عند المسجد
4

إقتباس س + 3 ص = 150 د 5 ج + 4 ع - 2 أ = 326 ف <<< يقرأ القصة ويحسبها معادلة ويبي يحلها أبوطلال الله يرجك بس .. أجل حاط حروف يعنني مسوي حركة جديدة في المواضيع عشان يقلدونك لا ومن زود الهياط مسوي نفسك كاش وحاط المبالغ في القصة ميتين وخمس مية وألفين حاس أنك كنت بتتحمس وبتحط ( هـ ) جدهم ويعطي 30 ألف عشان تكمل الهياط بس زين أنك استحيت شوي وأنا متحمس مع القصة وأحاول أربط بين الحروف قلت يمكن يقصد أبوطلال نحل معادلة أو نجمع الحروف مع بعضها حسب تسلسلها وتكررها عشان تطلع الكلمة الضايعة بالأخير يقول : شوفوا أهلكم والأقربون أولى بالمعروف

امي ولدتني هلالي داخ وماالومه

إقتباس بس تدري دخت وانا افكر منهو أ ومنهو ب والبقيه

راكان _20_ دوخه ثانية

إقتباس بس دخت من الحروف يا غلام

leadr-imf سأل عن راتبه .. ؟؟ وهو صادق ماغير يطلع من هالدراهم .. بس تخيل اخوي بالقصة يقول مامعي ؟؟ تخلص القصه ؟!

إقتباس التقصير كله في ذا الي جالس يكب من ذي الفلوس هو ( ب ) كم راتبه .. << ملقووووووووووووووف بعدين كلهم يطلعون إلا هو مسنتر على طول في البيت ..

كل الفن هلالي .. المسكين من الحوسه لخبط بين الشاكوش والإبن البكر <(أ).. ركز يافارس وراك اختبارات

إقتباس منتازة جدا جدا وسلمني على (أ) هذا الشاكوش ولا بلاش

f*y*d راعي الخدامه الله يرجك ياسلطان قال وحده .. حقت التوقيع .. ضحكني ابن اللذينا امنو

إقتباس ياخي والله عارفين ما يحتاج تنزل موضوع طويل عريض وتتعب نفسك بالتنسيق عشان هالجملة كان كتبتها بتوقيعك وارتحت :p

ريري هكتور انظمت إلى مجموعة المتذمرين

إقتباس أ- ب - ت- ث دار راسي وانا اجمعهم

المشاكس حسبته فهم الموضوع يوم قالي بدعت يابو طلال .. بس ناظروا وش كان تفسيره للموضوع ..
انلحس مخك يابعدي ؟

إقتباس يعني الحين ( جـ ) تزوجت ( د ) .. وفي حفل زواجهم حضر (ض) و ( ع ) و ( ك ) و ( ط ) ..

الهنوف تلقاها من الاختبارات والا من هالموضوع .. بس ماقصرت وردت مع تعليق بسيط ارحم من تعليق الغدير الازرق

إقتباس الله يصلحك شفت هالمعادلات وتوني بسب وبشتم احس راسي مصدع الله يعين وننتهي على خير

هلالي متيم 20 .. جاي متأخر بس عرفت ليه متأخر علينا .. كان يحاول يفهم ويقارب بين الرموز .. لايطلع ( ج ) و ( د ) متزوجين على قولة المشاكس .. ولا ( أ ) هو الشاكوش على قولة كل الفن هلالي

إقتباس لـــــــعـــــــنـــــــبو أبليسك هــــــــــو ... من قوة صحايتي أنك تكتب الحـــــــــــوار ــ برموز ــ والله . . .. أني مــــــادري أتفاعل مع الموضوع . أو أفهم أصحاب هالرموز . وقارب بينهم بكل الحوارات .

نقف عند هذا الرد من اخوي هلالي متيم 20 ..

ونبداء مع ردود اخرى من منتدى اخر اكثر فضاعه وتعليقات وتذمر ودوخه وبقتبس الردود من غير ذكر الأسامي مع العلم انا هناك برضه ابو طلال

إقتباس هلا ابوطلال ياخي ذا موضوع هادف .. وإلا لغز ..

رد آخر

إقتباس وعلى فكره تراني لخبطت بين (ب) و (ج) انا ودي تجيب معهم اختهم (س)

7777 الإختبارات ذبحت العالم ياخي

إقتباس تصدق انك لحست مخي ابي افهم شي ما فهمت الى (ب) و(ج) بس على العموم برجع واحاول افهم السالفه لا تواخذونا توني قايم من النوم

دوكم هالرد بس .. اخرتها طلع توقعه كذا

إقتباس اتوقع [ ب ] و [ ج ] اخوالهم

وهذا يحسبني مدرس رياضيات

إقتباس هلا أبو طلال .. ما أدري ليش راودني احساس انك مدرس .. لا ومدرس رياضيات بعد

ضحكة هيستيريه >>>>>>>>

إقتباس هههههههههههههههههههههههههههههه هلا بك اخوي أبو طلال والله انقلب راسي مع كثرة هالحروف اللي بموضوعك بس زين اللي لقيت له خاتمه وموضوع رائع بس ليتك تخلي توصيف المعلومه أسهل من كذا تشكراتي

دوكم هالرد بس

إقتباس ممكن حذف اجابتين

كسرت خاطري هالمسكينه

إقتباس ابو طلال عوافي وقصتك لها هدف ,,,بس تعور الرأس الواحد معوره رأسه مع هالأختبارات وكفايه ,, بدل هالحروف الهجائيه الي صفيتها من "أ إلى ه" لو وضعت أسماء أفضل ,,,

وكان هذا اخر رد فيه ذبه وتعليقه مضحك

إقتباس أنا اتوقع إن (ب و ث =2<س) و(أ تساوي ص2 س1 ) هذا والله اعلم

طبعاً انا اقتبست فقط التعليق اللى فيه تذمر لطيف ... لكن يلي تعليقهم تعليق جميل عن لموضوع ومناقشه جميله وهادفه .. وحضور رائع مفيد

لذا اشكر جميع من اتحفنا بتعليقاته الجميله والمضحكه والى تحمل نوع من الفكاهه .. واللى غيرت من جو الموضوع الممل والمكرر .. والتقليدي .. اتحفونا دائما بمثل هذه التعليقات وتراكم تمونون كلكم


لي عودة للرد على باقي تعليقات الاعضاء بالدور إن شالله ..

لكم مني كل الشكر والتقدير ...