نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - يالربع من يشتــري ][ تذكـرتي ][ بـ 1000 ريال الحين ][ ياتلحق ياماتلحـق ][ تراني جاد ..!!

leo messi · #1 20/01/2008, 09:18 PM

السلام عليكم ورحمة الله وبركاته ..!!

احبائي عشاق الزعيم

في اصقاع المعمورة << يمديكم على أصقاع

ماراح اتكلم عن المهرجان او عن سامي وليلة الوداع لأسطورة الكرة السعودية ..!!
لأني مهما تتحدثت وكتبت ستظل كلماتي اقل من ان توصف مدى عشقي لهذا النجم ..!!

ولن اتطرق لـ محيطيّ الكرم عبدالله وعبدالرحمن بن مساعد لأن قلمي سيظل مقصرا مهما
طوّع من الكلمات والجمل لهما ولبقية اعضاء شرف الزعيم الاوفياء ..!! الذين احتـلوا
مساحة كبيرة في قلوب عشاق الزعيم نظير مايبذلونه من اجــل الهلال وابنائه ..!!

ولكن سأتكلم عن نصير خان

ذلك الباكستاني وبقية الشله الموقرة واسمحولي
ان اهــذري عليكم بالعامـيه

لأن مخزوني في الفصحى مش ولابد

..!!
الحين ياجماعة الربع الى متى وحنا تستنزف جيوبنا من قبل هالنصابيـن ؟؟؟

والله شيء يقهر ويولد عند الواحد احساس ان يدق موتره سلف ويشكمه بـ واحد

ودردب ينتف باكستاني هو وسيكله

<< تخيلوا العالم يدورون بالشـوارع يصيّدون
باكستانيين

..!! من قوة القهر اللي فيهم على هالاستغلاليين ..!!

لكن يالربـع الحين اللي يصير من سوق سوداء للتـذاكر مســوؤلية من ؟؟؟ موبايلي ؟
والا النادي ؟؟ والا وزارة التجارة او مكافحة الغــش التجــاري ؟؟ وكل هذولي الجهات
اللي اتوقع انها المسوؤلة مكانك سر يعرفون باللي يصير ولاسوو شيء..!!

تصدقون ماالوم نصير خان

<< خلاص لاعاد احد يصدمه تراني عفيت عنه

لأن ماكان خايف يوم يبيع التذاكر ان فيه عقوبه راح تطوله ..!! بالعكس كان يتبجح
علينا ويقول بكره تلقونها بـ 1000

عاد انا قلت لولد عمي اجل انثبر في البيت

ورا ماشريت من امس الصبح

..!!

امنية في اخر موضوعي ..!! الى من اللي يهمه امر التذاكر يلحقون هالمرتزقه

بكره عند الاستاد والله بيجون ناس من برااا الرياض واتوقــع رااح يصلخونــهم
بالاسعار صلخ ..!! لأنهم معاد تفرق معهم السعر لأنهم جاو من مسافات بعيدة ..!!

يعتمد صورة الى : وزراة التجارة والى موبايلي ..!!

انتهى ..!!

كان معكم : ليو ميسي

..!!

حرر في : قبل شوي

دمتم في حفظ الله ..!!

.