بسم الله الرحمن الرحيم .. وعلى بركة الله نبداء مع اول نقطه :

إقتباس زوجه مشفره من غرائب العادات الموجوده في مملكتنا الحبيبة هي تلك العاده التي لاتسمح للزوج بمشاهده زوجته ولايرى منها إلا عيناها بل يتعدى الامر الى ان ابوها لايراها كذلك وهنا السؤال وش الفائده أتزوج وحده مقفلة البث

إذا قصدك اثناء الخطبة .. مااحد يقدر يمنعك لافي السعوديه ولا غيرها ... وتكون بعض التصرفات المتشدده من بعض الآباء المحافظين لكن مأأن يعلم وبفتوى شرعيه بأن من حق الزوج رؤية زوجة المستقبل كما جاء بالحديث الشريف
فإنه لايعارض ..
من حق الاب ان يجد صعوبة الموافقه في مثل هالموضوع .. يعني وده ان يتم الزواج من غير هالرؤية !! ( وده يعني ) خصوصا مع استهتار الشباب .. وأهالي الشباب في الخطوبه وكأن البنت سلعه
أما ان البنت ماغير تمرمر قدام خطيبها .. وتروح وتجي معه قبل ماتملٌك هذا مايجوز .. ومااحد يقبل فيها .. ( اقصد باللى يدور رضى ربه ويبحث عن الطرق الشرعيه ) اما كلامي لايشمل من يبحث عن ( الحريه المزعومه .. والتحرر .. والقيقهيه )

إقتباس غسالة وشغاله مره وانا طفشان عاد اقلب بهالقنوات وجدي بجنبي تعرفون القنوات كلها اغاني والعياذ بالله علق الريموت على قناة فيها اغنية لنانسي عجرم اللي تغسل فيها الملابس في القردل. شافها جدي قال شوف وانا جدك هذي البنيه الصالحه اللي تغسل ملابسها بيدها مو زي بنات هاليومين اللي وحده عندها غسالة وماتسوي شي يالله تكملها غسالة وشغالة

جدك يبي يكسب وقت بالكلام والنصايح لين ماتخلص الأغنيه>>> فرصه يقز
زوجوه وإلا صكوا جواز السفر عنه

إقتباس طحينية بدون خبز تعرفون ياجماعة الخير الواحد مع البرد معاد وده يتحرك من مكانه شبرين كيف لو كانت المحلات مقفلة تالي الليل وفيه محطه بعيده شوي وماعنده سيارة اكيد برد على بقايا البيت المهم ماطول عليكم كنت جيعان وقلت بدور الثلاجه اذا فيها شي ء نسخنه وناكله مالقيت إلا طحينية قلت يالله ماشي الحال بس يبيلها خبز ادور على الخبز مني مناك مافي , يمكن ياولد جنب واحد من هالقدور برضوا مافية . قلت أفا والله انها جات علي اليوم شكلي باكل طحينية بدون خبز . بس يمدحون العيدان حقت الماكرونه تذكرني بعيدان اهل الصين المهم مالقيت الا طحينيه

حلاتها من العلبه للمائده .. احب الطحينيه بالفستق من غير خبز ( لعبتي )
بالعافيه

إقتباس هيبة ام خيبه ذات مره قال لي احد اصدقائي يجب ان تفرض سيطرتك على المراة من اول ليلة وتفرض شخصيتك يقول خذ عند انا ثاني يوم واحنا بنشرب شاي كبيت الشاي على الأرض متعمد بدون ماتلاحظ اني كبيته متعمد وخليتها تمسح الشاي المسكوب

يسمع بفرض السيطره ..
اللى همه وشغله الشاغل شلون يسيطر على الناس عمره مايسيطر .. ويتعب .. ويدخل بمشاكل لها اول مالها تالي ..

إقتباس مقالب أبو عبدالله ( هذه المقالب حقيقة وواقعية ) أيام التطبيق في ثانوية الفتح بأبها سألني أحد الطلاب سؤال في النحو وأنا ادرسهم أدب السؤال كان عباراه عن اعراب آية قرآنية وتعرفون المطبقين قدراتهم على النحو فيها وفيها المهم الحين ابي اتخلص من السؤال فقلت للطالب هل هذا السؤال واجب ؟ اجاب الطالب بنعم . قلت اجل مقدر اجاوبه احتمال مدرسكم عطاكم السؤال عشان يشوف من الفاهم اللي بيحل السؤال

اللى تكسبه إلعبه .. تعجبني

إقتباس خليك مكاني تخيل وانت جالس بالبيت لوحدك بغرفة النوم سمعت طربقة ناس بالبيت فتحت الباب الا وهما اربعة حراميه وكل واحد منهم بيده مسدس الحين انت ماعندك جوالك ولا تلفون ولامعاك احد بالبيت وشفتهم وماشافوك . وش بتسوي بتقفل الباب وتأمنه وزي مايسرقوا يسرقوا ؟ ولا عندك حل ثاني بس خلي بالك كل واحد معاه مسدس يعني خليك مكاني وجاوب

ماحطيت خيار ( انحاش مع الشباك )


شكرا لك ابو عبد الله وتقبل تعليقاتي ومروري على متصفحك الجميل
والله يوسع صدرك بالعافيه
اخوك الصغير ابو طلال