نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - حملة حذف المواضيع المجرحة للاعبين.....وطردهم

شــاهــيــن · #14 12/01/2008, 07:09 PM

إقتباس

الرسالة الأصلية كتبت بواسطة مغـاط


	وش مقياس التجريح بالنسبة لك ؟! إذا والله النقد ( ما اعجب شخص ما ) خلاه تجريح !! فأقول ( معصي) !! لكن الرد - زي ما قلت - اذا وصل للبذائة وصعبة انك تقول له (للاعب في وجهه) !! فمعك حق !! لكن ما اضن فيه ( مشرف ) يبي يشوف مثل هالرد ويسكت له !! وعشان تريح بالك وانا اخوك .. (( الزين خذه والشين اطمره )) !! والله العظيم ما تسيطر على كتاب المنتديات لو تفحط واللي براسه تخريب !! يبي يخرب ويبي يشغلك !! انت عضو جاي هنا ( توسع الصدر وتفلها ..) وتشوف وش جديد فريقك !! خل المشرفين يتولون المهات الثانية !! لانه للاسف .. تقول شيء .. تقصد به نقد والا توجيه !! يجيك ضروسه طالعات و التشجيع بوادي (فاطمة) وهو بوادي ( ابو قوس) <<--- يحسبه وادي !! ويقول لك : كل تراب لا تجرح اللاعب !! (( شف وشلون الاسلوب)) !! إذن من الاخر !! لازم نعطي ( فرصة ومرونة في الرد ) ولا نسوي نفسنا ( مثاليين بزيادة) أقسم بالله العظيم ما عمري شفت ( اكذب ولا اردى نفس ولا اقذر من مدعيّ المثالية ) !! يا اخي ( خلوا العالم تقول اللي تبي ترد وهي مرتاحه تنتقد .. تقوم اعوجاج اللاعب .. ) ياليت الموضوع صار حملة ( لاخذ الاراء حول - المقياس والحد الفاصل بين التجريح والنقد - ) !! كان يكون ( أبلغ واحسن ) !! لأن لو سوينا هالحملة !! يبي يجونك اللي يتصكعون هنا لا شغل ولا مشغلة !! وتوك تبي تقول رايك !! ويجونك وشوي ( ويطقونك ) !! .. انا اشوف ان ( المشرفين ) هم الحكم في الموضوع !! والمنتدى اللي مابه ( وجهات نظر متباينة ومختلفة ) اسمح لي اقول لك انه منتدى ( بزارين) !! لابد من (الصراحة في بعض الاحيان ) لابد من (الانتقاد سواءا اللاذع او اللي موب لاذع<<--تورط ما يدري وش النوع الثاني) .. لكن كل هذا تحت مضلة ( شروط وقوانين المنتدى ) بحيث ما نتعدى على (شخصيات لهم احترامهم سواءا لاعبين او ناس معروفين ) !! اما حملة !! وشف فلان وش قال وشف علان وش خلا !! بيطلع المنتدى كننا بفصل رابع ابتدائي !! واللي يلقونه معه علك والا يقشم حب !! كلهم يروحون (للوكيل) يعلمون عليه !! عشان يفرشونه بالطابور بكره !! المبزرة !! فيه من يوقفهم عند حدهم لا تخاف .. وغيره !! خلونا نستمتع !! والرد اللي ما يجوز لنا !! لا نطق له خبر لا هو ولا راعيه !! وتوتا توتا وانتهت القصوصا <<--- سوداني عايش في القاهرة ..

يا سلااام عليك

بس أحيانا ً والله يدوخون المشرفين من كثرة العالم

يعني تخيل اليوم خمسين موضوع بس يسألون عن وقت المباراة

وبعضهم يقول صحيح المباراة الساعه ست الا ربع

وخمس مية موضوع يقولون لك المباراة منقولة على السعودية ولا لأ

والمشكلة كل واحد يكتب موضوع على راسه

ويييييين تبيهم يلحقون يفتشون في مواضيع انتقادات اللاعبين ويقرون كل رد اللي بعضها توصل عشرين صفحه

قبل شوي واحد كاتب موضوع يستفسر عن حلم

يا رجال فيه نوعيات هنا الله يخلف بس

ومن شان كذا ياليت تكون فيه تصفيه بالمنتدى

يعطيك العافية