لاتزعلون على كلامي ومهما صار وبيصير بنكون حبايب

وهذا الجزء الحادي والعشرين 000
مرت دانه على المشعوذه علشان اتعرف متى العمل او السحر بيبدأ مفعوله
دانه : ترى هالسحر مانفع في خالد
المشعوذه : اصبري يا بنت وبتشوفين بعدين وانا اذا سويت شي لازم فيه فايده
دانه : يعني متى وهم من الامس مع بعض
المشعوذه : عطي السحر وقت ياخذ له مكان في قلب خالد وبعدين ترى هذا السحر
مهب سهل وبتشوفين بعدين
وراحت دانه وقلبها مملوء غضب على خالد .. والكره عمى عينها عن كل شي
حتى عن احساس اختها
وتكلمت نوره في فترة غياب دانه وامل عن خالد ... بانه ماقربها حتى الحين
واستغربت الام من الخبر وقالت يمكن كم يوم وبعدين بيكون زين
ولكن نوره دخل في قلبها الشك ... وتذكرت كلام اختها دانه ... يوم قالت لها بانه
خطيب امل يعني لازم بيحن لها ... وهذا الشي زلزل توازن حب نوره لخالد
ووصل خالد للمشعوذ .....
خالد : ياشيخ ساعدني انا حاسس فيني شي غريب مهب صاحي
المشعوذ : اشفيك .. نوره واخذتها وش فيك بعد
خالد : كيف دريت عن الزواج
المشعوذ : ليش تحسب انت اني ما اعرف شي عنك
خالد : اذا كنت اتعرف عني كل شي ... لازم اتقول لي وش فيني
المشعوذ : انا اقدر اقول لك بس لاتسألني من اللي عمل لك السحر
خالد : سحر ... وهو مستغرب من الكلام ... اي سحر
المشعوذ : شوف ياخالد انا كنت اتابع اخبارك من بعيد وادري بكل شي
وانت مسحور من شراب شربته وقت العرس وهذا الشي هو اللي مأثر عليك
خالد : من يعني بيسحرني وانا احب كل الناس ولا اكره احد .... يمكن يكون
ابو نوره ....
المشعوذ : لا ياخالد ... انا قلت لك ما اقدر اقول لك من ... بس اقول لك بانك
شربت شي فيه سحر وحتى نوره اشربت بعد بس نوره غير عنك
خالد : كيف يعني غير عني وكلنا وانت تقول باننا كلنا شربنا مع بعض من السحر
المشعوذ : انا اللي اعرفه بانه اثر فيك لشفافية روحك ولكن نوره ... الحمدلله
ما صابها هذا الشي
خالد : طيب وكيف اتفكني منه
المشعوذ : هذا العمل قوي ومخشوش في مكان يمكن يكون مقبره ....
لانه يبين عندي ظلام .... بس انت عطني وقت وانا بحاول اعرف وين
وراح خالد وهو يبكي على حظه العاثر في كل شي حتى في اللي يحبها اسحروه
.... هموم وهموم تكونت على قلب خالد ... ونوره المسكينه بعد اتعبت من
بلاوي قبل والحين بلوه جديده وهي اتفكر بانها بلوة اختها امل مع خالد .....
واعرفت دانه بالموضوع ... وقلبه سعيد وحزين في نفس الوقت لانه حرب
بين النفس الاماره بالسوء وبين فطرة الايمان اللي الله اوجدها في قلب كل
انسان .... ولكن الشيطان غلب دانه في حربها واخسرت ... رضى الله ...
الايمان .... اختها نوره ......... خالد ..... عملها الباطل
مرت الايام وخالد على نفس المصيبه وحالته اتسوء كل يوم والمشعوذ تاخر
عليه ونوره اتظن ان حبه لامل هو اللي تعبه .... حتى تكلمت نوره ....
نوره : اسمع ياخالد انا اشك انك ماتحبني وانك اخذتني علشان تنتقم من امل
خالد : وش هالكلام يانوره ... حرام عليك عقب هالعذاب اللي ذقته تقولين لي
هذا الكلام ... انا بعت كل شي علشانك
نوره : احنا من تزوجنا الحين اكثر من اسبوعين وانت ماتقربني ليش
خالد : يانوره انا امر بحاله نفسيه صعبه واتمنى انك تفهميني
نوره : وش هالحاله النفسيه .... تكلم قول ريحني من العذاب
خالد : انت اصبري علي شوي والله بيفرجها ان شاءالله قريب
وراح خالد للمشعوذ وهو مهموم والوجه شاحب ... من التعب ومن خجله من
نوره ... كانه يحس انه مهب رجال ... وهذا اتعبه كثير ... وحالته النفسيه
تزداد كل يوم وهو حتى مارجع للسعوديه مع عروسته ... وهله ينتظرونه
ولكنه اتصل لهم وقال انه بيروح بيسافر في رحلة شهر العسل ,,,,, اي عسل
هذا اللي بيروح له خالد وهو مكسور الخاطر ومنحرج من نوره ....
خالد : ها اش سويت في موضوعي
المشعوذ : مثل ماقلت لك ... العمل مخشوش في مقبره وهذا يبغي له وقت
علشان انعرف المكان بالضبط
خالد : يعني اشلون ... خلاص اتم على هالحال حتى اخر العمر
المشعوذ : لا ياخالد والله انا احاول اساعدك بكل ما استطيع بس يبغي له صبر
.... وراح خالد والدمهع تسبق عينه ... وف عقله نوره وهو خجول منها ....
ففكر بالسفر يمكن يتغير شوي ....
*********
وللجروح بقيه 0