المشكله في التسديد من خارج منطقة الجزاء مو بس بالهلال بدول الخليج كلها مافيه احد تقدر تقول انه خطير ويسدد تمسك مرات مع لاعبين بالصدفه مثل هدف الخثران بالنصر والله اعتقد لو تجيه 10 كور نفس اللي سددها ماراح تجي يم الباب خلقه ..

حنا لاعبينا واتكلم بشكل عام غايب عنه شي كبير وهو الثقافه الكرويه يعني لاعب مجهود وبس مافيه شي اسمه موهبة كرويه واذا فيه ينعدون على اصابع اليد الوحده

مادري بس اتسأل لاعبين اوروبا وامريكا الجنوبيه تلاقي اللاعب يسدد من اي مكان بالمعلب عنده جرأة للتسديد وبنفس الوقت عنده ذكاء كروي وحسن استخدام للطريقه المناسبة للتسديد وتمرين متواضب عندنا ذبحونا بكلمة تكتيك وتدريب على التسديد من كرات ثابته وفي الاخير اذا كانت المباراة في الملز ندور الكور بالحواري اللي قريبه من الملعب واذا في جده بسوق الصواريخ يعني ماعندك احد بالعربي


اعتقد انه بعد ريفالينو .. وموسى نداو ماعتقد مر علينا لاعب استمعتنا من خلال التسديد اهداف تملل بصراحه امنية وربي اشوف اهداف مثل اهداف الدوري الارجنتيني في ملاعبنا حتى المحترفين اللي يجون عندنا احسهم جايين بس يكتون فلوس ويمشون ونوقع بعقود معاهم بشكل مبالغ وتسديده وحده صح مافيه


لي تعليق على كماتشو .. كماتشو نعم لاعب كبير وممتاز بوسط الملعب ولكن وش اللي خلاه يروح من الهلال مافيه قدرة على تجديد عقده .. اللحين مع الشباب والله انه ماسك الوسط ومسوي شغل رهيب واهداف غاية الروعه بس الاصابه له دور في هبوط مستواه...


اتمنى التوفيق للجميع اسف على الاطاله