..][.. في حجرات الملابس مع : شون رايت فيليبس ..][..





هذا لقاء نقلته لكم من مجلة أجنبية دائمًا ما تقدم لقاءات مع اللاعبين في الدوري الانجليزي , القاء ليس كروي بل هو ترفيهي الغرض منه أن يعرف المتابع أكثر عن فريقه المفضل.


س1 : من أكثر من يتدرب في النادي ؟

رايت فيليبس : بالتأكيد جون تيري , يتدرب كل مرة بنفس الحماس , وما يهمه مباراة ودية في الكأس في الدوري , دايما تلاقيه يتدرب بنفس الحماس وما يرضى بأن يقدم أقل من 100 % , ويحمس أيضًا كل اللاعبين ويخليهم يجتهدون مثله , وبيصارخ عليك لو ضيعت كورة سهلة , دايما يحب يفوز ويكره الخسارة مرة , حتى في السوني .


س2 : من أكثر اللاعبين صلابة في تشلسي ؟

رايت فيليبس : أكيد جون تيري صلب , لكنني بأختار إيسيان , كنا نسميه (بايسن ) , لكن الحين نسميه (القطار ) , لأنه ممكن يجري طول اليوم في الملعب يروح قدام ويرجع وما عنده مشكلة , هو شخص عادي وجنتل , بس إذا دخل الملعب انتبه , تراه مثل البلوك صلب زيادة عن اللزوم .


س3 : من اللي يخليك تضحك ؟

رايت فيليبس : ما أعتقد إنه يتعمد , لكن كارفالهو دايمًا ما يضحكني , يطلعلك بكلمات غريبة من لهجته المضحكة , لازم يربيله شنب , وودي أشوفه مرة بسروال سباحة .


س4 : من اللي تحاول تتفاداه في التمارين ؟

رايت فيليبس : جون أوبي ميكيل أول ما تشوفه تعرف كيف هو , أول مرة أشوف شخص عمره 20 سنة وضخم لهالدرجة , إيش كان ياكل وهو صغير ؟ , ودي شوي من اللي كان ياكله , أعتقد أهله كانوا يوقفوه تحت شجرة وهو صغير ويربطونه فيها كل ما نمت الشجرة ينمو معاها .


س5 : من أكثر اللاعبين مهارة ؟

رايت فيليبس : سالومان كالو مميز قليلا , سريع جدًا ويسيطر على الكرة بطريقة رائعة , ويتلاعب بالكرة بشكل مدهش للغاية , لدرجة أني أحيانًا أوقف تمريني عشان أشوف وش يسوي .


س6 : مين يتكلم أسوأ لغة إنجليزية ؟

رايت فيليبس : كل الشباب يتكلمون تمام , لكن كلود ماكليلي له سنوات هنا ومو قادر يتكلم إنجليزي زي الناس , لكنه نجم , ويؤدي أداء رائع في الملعب , حتى إن الناس صاروا يسمون شغلته بـ(وظيفة ماكليلي) , إيش أحسن من كذا ؟ بس لو يحسن الانجليزي تبعه .


س7 : من يشغل الموسيقى في غرفة الملابس ؟

رايت فيليبس : مافي أحد بالتحديد , كلنا عندنا iPod ونشغل اللي نبي نسمعه , حتى لو واحد حط أغنية بايخة , نغيرها بجهاز ثاني فيه أغنية جيدة.


س8 : مين خويك في غرفة الملابس ؟

رايت فيليبس : أنا وجو كول أقرب اثنين لبعض , هو نجم للجميع , ودايمًا ما أتعلم منه أشياء كثيرة , ونتكلم دايًما عن كل الأمور في الحياة , وأهم شي إننا نستمتع مع بعض , أما بالنسبة لأداؤه فهو رائع ودايمًا ما يذهلني في تشلسي أو حتى في المنتخب الانجليزي.