03/01/2008, 05:56 AM
|
| زعيــم فعــال | | تاريخ التسجيل: 17/03/2007 المكان: بين احرف سامي
مشاركات: 263
| |
بسم الله الرحمن الرحيم احب اقول لكل اللي يتكلمون عن نفسية ياسر ترا ياسر لاعب محترف وقبلها هو رجال فما اعتقد فشل الاحتراف المزعوم واكرر المزعوم بتاثر عليه لان عليه واجبات لناديه قبل كل شي ومرتبط بعقد معه لمدة خمس سنوات ... ثاني شي اذا فعلا ياسر يبغى لاحتراف فالمفروض يثبت نفسه ويشد حيله بالتدريبات والتواجد الذهني اللي للاسف اغلب لمباريات يكون مشتت فيها وبدل مايروح مع ظاهرته ويعرضون على الانجليزالبضاعه يجون هم ويقدرونها ... اللاعب في الدوري الاوربي يتدرب ست ساعات ونظام نوم محدد وغذاء صحي وللاسف هذا الشي يفتقده كل لاعبيننا واولهم ياسر بتقولون وش عرفك ان ياسر يسهر بقول لكم ارجعوا لمنتدى ياسر وشوفوا المواضيع اللي ينزلها وركزو على الوقت مره ينزلها 2 الفجر ومره 5 الفجر؟ بالله متى ينام ومتى يصحى؟ لا نضحك على انفسنا ونقول احتراف خارجي بالاول على اللاعب السعودي فهم معنى الاحتراف وتطبييقه بعدين يجي ويقول ابحترف والا بخرب... وفيه نقطه ثانيه ياسر مو اول ولا اخر لاعب تفشل صفقته اذا كانت بالفعل فشلت فيه لاعبين كبار وبدوريات عالميه فشلت صفقاتهم ومع ذلك ماشفنا معنوياتهم نزلت ولا استهتروا بالعكس بذلوا اكثر من اللي يبذلونه علشان يثبتون انهم الافضل وان اللي رفضهم خسر ... لكن للاسف عندنا هنا كله تطبيل بتطبيل والكل يسال ليش ننتقد ياسر ونقسى عليه الجواب بكل بساطه لان ياسر بعدالله هو املنا من الموسم اللي فات الدور الثاني وياسر مختفي عذرناه وقلنا مرهق والموسم انتهى بخيره وشره ابتدا الموسم الجديد وشفنا كيف ياسر استعاد جزء من مستواه وتاملنا خير ابتدت مباريات الهلال وللاسف مالقينا ياسر صبرنا وصبرنا وصبرنا لكن كل مره طالع لنا ياسر بموضوع؟؟؟مره يحطها بالفريق وانخفاض مستواه ومره يطلع لنا بالجائزه الاسيويه ومره بالاحتراف والحين النفسيه؟ وبينتهي الموسم واحنا فريقين فريق يقسى على ياسر وفريق يطبل لياسر والضحيه الاولى والاخيره هو الهلال... اقسم بالله اعرف ان ياسر مو خارق ولا يملك المعجزات لكن اللي واثقه فيه ان ياسر فنان وعنده الشي الكثير بس شوية حماس وروح منه مع شوية قسوه وقرصة اذن من لاداره ويمكن ينصلح الحال اختكم حروف تخضع لسامي  |
