السلام عليكم ..



انتهت المباراة بهزيمة الزعيم بالتعادل ..



اجمالا مستوى الزعيم باااااااااهت من الحراسة الى الهجوم ..



فيه بعض الاجتهادات من الاعبين لكن دون تركيز ..



الحراسة :

الدعيع انقذ كور ولكن بعض الكور ربي ستر ، والهدف غلطة الدعيع 100%..



ياليت يراجع حساباته لانه فعلا مستواه هابط ..



الدفاع :

سلمولي على الشريدة والسليمان ولو ان عليهم بعض الاخطاء ، لكن حسناتهم اكثر من سيئاتهم ، ويعتبرون احسن السيئين ..



بالنسبه لذياب مجرشي ، ابدع في بداية الدوري ، والحين جاء الوقت اللي يريح شوي ( تقريبا الى نهاية الموسم ) ويجي بداله طيب الذكر وباني الهجمات ( الدوخي ) ..



بالنسبة للخثران اتوقع انه لعب في غير مركزة ومركزه الاساسي وسط ايسر ..



الوسط :

حدث ولا حرج ،، كرات مقطوعه ،، عدم تركيز ،، انعدام القالية على الكرة ،، انانية واااااضحه ،، جميع لاعبي الوسط سيئين وعدم مسانتدهم للهجوم ( لطف ، والعامودي ، وعزيز ، والصالح )




ولايوجد من يصنع اللعب ويمول المهاجمين بالكرات الماكرة والخطيرة سواء عن طريق الاطراف او العمق ..



الهجوم :


انانية واضحه بين سامي والعلي وعدم التفاهم بينهم ، ولاحظت كثيرا على سامي قتله للهجمات وعدم التحرك بالكرة بسرعه ،،


المدرب :


انا من شفت المدرب رجع حسين ديفيدز وانا قايل الله يستر ، يلعب حسين وهو ماقد لمس الكورة لا وقدام النصر !!!!!!!!!!!!!!!!!!!!!!!!!



وبعدين ليش مجلس صوماليا في الاحتياط ؟؟؟؟؟؟؟؟؟؟؟؟؟؟؟؟؟؟؟؟


المفروض التغييرات اللي يسويها هي :

تشويت الصالح ويدخل ابو يعقوب كصانع لعب ..

تشويت العمودي ويدخل صوماليا ويرجع سامي وسط ..

تشويت لطف ويدخل الجري ويلعب الخثران مكان لطف ..




ياليت المدرب يراجع حساباته ..



واذا كنت اقول ان السبب الرئيسي وراء التعادل هو تغييرات المدرب الخاطئه ، وخط الوسط ، والاظهرة المتهالكة ..



وان شاءالله نشوف ابو بندر والدوخي والشلهوب قدام الاتحاد ..


وشكرا للجميع ..