نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رابطة عشاق برشلونة ][ ][ 2007

PUYOL Carles · #8984 26/12/2007, 07:15 PM

يالسلمي ..

مايهمك .. الكبير كبير .. وانت ابونا ههههههه .. وماراح نخليك تروح المدرسه وتدخل غرفة المدير واحنا مسويين قلة أدب ههههه .. ولما يجي يوم اجتماع الآباء نبغا تسمع عنا كلام زين

..

===

داق اشاره ..

انا عن جد .. بتعقد منك .. ماادري ليش كله كأنك ماكل فلفل .. وش فيك حريقه .. هدي بالك .. ماحد يكلمك في أي شي .. اعوذ بالله بس .. ترى كلهم مايهموني من اولهم لآخرهم .. تبغاني اسبهم يالله نسب وهي فارقه .. بس انا قلت لك جمله قصدي شريف منها .. والله انا برئ ياجماعه هههه .. ليش الكل متحسس مني .. يالله مومشكله .. براحتك عموما ..

===

القطو الأزرق ..

تشكر على مرورك .. لكن حبيبي .. اعتقد انك شفت الا صار بالعالميه .. ووصلت انها غلط على الأعضاء نفسهم موعلى لاعب او مدرب او شي ..

واحنا هني في الرابطه ماتكلمنا بشي زايد ابد ..

التزمنا الصمت .. مو الى سبب .. ولا لأننا مانقدر نرد او شي .. لكن .. حبينا نخلي عيدكم عيدين .. وتكملو فرحتكم .. لكن الصبر مفتاح الفرج .. ويجي يوم .. موبس يوم .. أيام .. وبنشوف فيها الريال بصوره سلبيه .. ومع ذلك .. مابتشوف اي عضو من هني .. يسوي اي حاجه .. وبنظل نحترمكم ..

يظلو اللاعبين مايهمونا ابدا .. لكن لاتوصل الينا احنا كأعضاء ..

لما فهد جا كلمكم كان يرد على عضو منكم كتب طفيليات .. طيب .. وكان رد فهد جدا عادي ومافي اي شي .. بل بالعكس طالب باحترام الجميع .. وليس التعميم في كلمة طفيليات وهاالشي اعتقد حق مشروع ..

===

فهد ..

صدقني .. بيجي يوم .. بتقدر تضحك فيه حتى الوقوع من على الكرسي

.. لكن صبر جميل حبيبي ..

===

خلاصه ..

كلامي هذا مو ردة فعل الى شي شخصي .. ابدا .. اتكلم بصوره عامه انا الحين ..

قبل سنتين او ثلاث سنين .. كان منتدى العالميه سئ سئ جدا .. واكثر مواضيعه مسخره وتعصب .. وخصوصا بين البارسا والريال .. وحتى في مباراة ( اي سي ميلان - برشلونه ) في التشامبيونز لما انتهت .. كتبت موضوع طالبت في باحترام الأعضاء والامتثال باللاعبين في الروح الرياضيه .. وضربت مثال برابطة الميلان وكيف اعضائها محترمين ..

عموما .. الصوره السلبيه الا في العالميه خفت .. ويمكن اختفت .. بسبب عمل المشرفين .. لكن .. الا شفناه .. انه رجع سئ ..

لما نقول منتدى الزعيم .. يعني نتكلم عن نادي كبير في السعوديه .. اله قاعده جماهيريه كبييره جدا .. طيب .. لما نتكلم عن أعضاءه .. اكيد بنتكلم عن عدد فلكي .. لكن لما نتكلم عن اعضاء نشوف اسمهم بشكل مستمر او شي .. بيكون عدد بسيط مقارنة بأعضاء الشبكه بشكل عام ..

من المفترض .. انه أعضاءه يطلعو الشبكه .. بصوره طيبه .. يكون فيه احترام .. تكون مواضيع العالميه مفيده .. الواحد يجي يقراها يستفيد .. يعني يطلع بشي يفيده خلال متابعته الى أي مباراه مستقبلا ..

وزي ماقلت قبل .. المان يونايتد فاز على الليفر بهدف نظيف .. والمباراه كانت قويه بالفعل .. وخسر الليفر .. مولضعفه .. او سوء مدربه .. لكن المان كان أقوى بكل بساطه .. لكن ماشفنا ابدااااا في رابطة المان اي صوره سلبيه .. بالعكس .. اهتموا بناديهم فقط .. وحتى لوكانوا في شي بيسخرو عليه .. سخروا على لاعبهم ويس براون في صوره من الصور ..

نفسي بس نشيل التعصب من تفكيرنا .. نفسي نشيل كلمة anti - something .. ونفكر بحياديه ونحاول نشوف السلبيات والايجابيات في كل شي ..

لكن الله كريم .. هكذا هي الحياه ..

===

نرجع لريكارد والفريق وجماعة الشحاتين البرشلونيه كلها

..

انا ماتكلمت .. سواء بشكل دفاعي او شي من هالقبيل .. لاجعل ريكارد معصوم .. او اشيل منه اي جانب سلبي ..

ريكارد اله سلبياته .. واحنا في الوقت الحالي نتكلم عن تاريخ ريكارد وليس ريكارد الحالي .. يعني الشي الوحيد الا مخلينه نتحمل ريكارد .. هو تاريخ معانا .. وليس الوضع الحالي ..

انا اعترفت بخطأ ريكارد .. وكتبت .. وابوسلطان كتب .. والكل كتب وتوصلنا لسلبياته في مباراة الريال ..

لكن .. لسبب ما .. ومااقدر اوصل له بالضبط .. يمكن حب .. يمك عشق .. مع اني ماادري وش احب فيه ههه .. باظل ادافع عنه .. لكن ليس على حساب البارسا ..

احنا نتكلم .. نقول انه ريكارد غلط الموسم الماضي .. طيب حلو .. قلنا انه جابوا اله لاعبين عشان يرقع المناطق الضعيفه .. حلو .. شغلنا عدل الى هني ..

طيب كتبنا اسماء اللاعبين .. وطالبنا بنتايج .. طيب ..

هل هاللاعبين شفناهم حاضرين ..

ايتو مصاب ..

رونالدينيو صاكينه بعين

..

هنري .. لازم نحط في بالنا انه جاي من البريمير ليق .. وفرق شاسع بين الليقا والبريمير .. وبرضو كان راجع من اصابه .. وبرضو .. وقع لبرشلونه وطلق مرته .. ترى هنري بشر ياجماعه .. عنده نفسيه حاله من حالكم .. انا موعايش معاه .. بس ليش مايكون انه متضايق مثلا .. عادي جدا ..

طيب .. وصلنا الحين الى شي .. انه الوحيد الا كان في الفورمه هو ميسي .. وش سوا ريكارد .. حط انييستا في مركز الجناح الأيسر ( اول واحد يحطه ريكارد ) .. يعني يحسب اله انه حاول يرقع .. حلو ..

طيب .. شوي وانصاب توريه .. شوي وانصاب ماركيز .. شوي وانصاب ديكو .. شوي وزامبروتا يدخل دوامة الاصابات برضو ..

غير اصابات طلبات السيارات

الا تخلص بسرعه .. امثال تورام او ميليتو ..

او رجوع بويول من الاصابه .. ودخوله في اصابه سريعه مباشرة ..

معناتها اسلحه كثيره .. واوراق كثيره طارت من ريكارد .. وهاالشي بيأثر على أي تنوع في التكتيك .. او في نشاط الفريق البدني ..

قد تكون الاصابات .. لأسباب عده .. ممكن حظ .. ممكن نفس قدرات اللاعب الطبيعيه ضعيفه ( يعني من الله ) .. وقد تكون بسبب الاعداد البدني او المتابعه البدنيه او الطبيه الضعيفه ..

طيب .. ريكارد مدرب .. من المفترض انه مسؤول عن كل شي .. لكن مولهالدرجه احمله المسؤوليه المطلقه .. فيه ايضا ناس ثانيين مسؤولين عن الاعداد والتاهيل البدني .. وايضا فيه جهاز طبي .. ووو .. مو كل شي يطب على ريكارد في النهايه ..

يعني في سلبيات كثييييره في برشلونه .. وريكارد يعيش في ضغط كبير .. ويدري انه ممكن يطير من النادي في أي لحظه .. واذا سوا خطأ من هالضغط هذا .. بيكون شئ سئ بالنسبه لينا .. لكن يعتبر شي طبيعي علميا نتيجة للضغط الا يعيشه ..