| انا اتفق معك ميه بالميه
دعوه يحترف خلوه يروح ياجماعه خلوا مدى نضركم بعيد
لاتغركم الهلال بكره ولابعده ولا موسم ولا اثنين احتراف ياسر وان شاء الله نجاحه وهو قادر راح يفتح عيون الانديه الاوربيه على لاعبين اخرين
وراح يعطي المجال لغيره من لاعبين الهلال والنصر واللاتحاد والاهلي وكل الانديه وهذا فيه مصلحه للدوري والمنتخب اللي راح يكونون فيه لاعبين محترفين ميه في الميه مو مثل الان احتراف 50 في الميه
الاحتراف راح يطور تفكير ياسر الكروي لأنه راح يكون محترف بحق وحقيقه تمارين محترفين تغذيه سليمه وكل الامور هذي وان شاء الله ينجح وعلى المدى الطويل راح يساهم في ارتقاء فكر الاعب السعودي
لاتقولون نتضر الانتقالات الشتويه مدريه كيف او لين ينتهي الموسم ولنا في احتراف نواف عبره وعضه يوم جاء النادي الهولندي الى الرياض رغبة في التوقيع لنواف لكن قالوا نأجلها الى كاس العالم والنتيجه بعدها مافي اي نادي يفكر انه يتعاقد معه بعد البطوله
على فكره مسألة اختلافي في وجهة نضري مع البعض ليست معناها اني ضدهم لا بالعكس
الاختلاف في الرأي لايفسد للود قضيه | 