نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - *** استـــــــــراحـــة الـــــــــزعـــيــم (3) ***

LBa your heart · #256 22/12/2007, 02:07 AM

والله ياليوم تعذبت .. طلعنا البر بأول يوم بالعيد بعد صلاة المغرب..

صباح اول يوم لنا بالبر عدا على خير .. بس اليوم الثاني اللي هو يوم الجمعه صحيت الفجر على صوت المطر... قلت زيين اجل الجو بيطلع حلو كملت نومتي لاني دايخ .. ويوم صحيت الساعه 9 عجزت أحرك نفسي ولا اقدر اشوف شي.. لاني مغطي علي البطانيه تعرفون البرد ذابحنا

يوم شلت البطانيه لقيت الخيمه طايحه علينا..

من التعب ماحسينا بشي يوم طاحت الخيمه .. الشباب كملوا نومتهم والخيمه فوقهم شلت فراشي وكملت النوم بالسياره

انسدحت نص ساعه ويوم صحيت لقيت الخيمه والشباب مدفونين .. لان فيه عج (هوا قوي مع تراب )

صحيت الشباب .. واحد منهم من النذاله شغل سيارته مشى للرياض ( ما ألومه) .

باقي معي ثلاثه من الشله ..بس فيه مشكله كبيره

السيارتيين كلها مغرزه وكل وحده اقوى من الثانيه ..
كل اثنين ركب له سياره قلنا الين يهدى الجو .. يمكن جلسنا من بعد صلاة الجمعه الييين ست المغرب واحنا بالسيارات لان الجو ماهدى. معنا جهاز كنود حاولنا ننادي لنا واحد يجي يسحب السيارات بس كلهم ماصدقوا

..

نزلنا من السيارات وطلعنا الخيمه من تحت التراب ( وانتم بكرامه) وجمعنا اغراضنا.. تصدقون يوم جيت اكب دلة القهوه طلع من تراب .. من قوة العج

.. بعدها استلمنا وحده من السيارات وحاولنا فيه لما طلعت وركبنا ورحنا ندور لنا واحد معه جيب عشان يسحب السياره .. الحمدلله لقيت واحد واحنا راجعين لخيمتنا نزلنا من فوق طعس وضربت السياره بالارض.. الصدام راح فيها واللي راكب قدام ضرب بالقزاز وطبعت جبهته بالقزازه وتشعرت

..
ماشاء الله جبهته ماصار فيها شي سحبنا السياره وطلعت ووصلنا للخيمه وسحبنا السياره الثانيه والحمدلله طلعت.. والله يا أنا سبحت بهالنفود بطني كله تراب وانتم بكرامه من كثر ماافتح فمي بالعج

شلنا اغراضنا وعلى طول للرياض .. وهذا انا اكتب لكم والمنشفه فوق راسي

ادري ان نصكم مو قاري هالقصه لان الشات داعس

ولاحد يدقق