نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

صمت العيون · #1 24/12/2002, 07:23 PM

[c]مساكم الله بالخير

ما ادري من وين ابدا
لكن تمر علي هالايام مشاكل
ونفسيتي متحطمه
وانا اصلا متحطم خلقه لكن بعد هالمشكله زاد التحطيم تحطيما

واتمنى ان تاخذون السالفه على قدي
وداري المفروض ما اكتبها
لكن مالي الا انتم يا بعد طوايفي
واكيد يقدر احد يحلها..ويتفهم وضعي
انا ياشباب صرت اتذكر الماضي وكنت احب

((ملحوظه لا تعلمون شهد تراني ذرووووووق واخاف تنومني برى البيت

))

ايه نعم احب
واللي احبها ما خلاتني مرتااااااااح
قلبت نهاري ليل وليلي نهار
وكنت ابادله شعوري بالحب وهي ولا همها
حاولت اتقرب منه
ودائما تتهرب
رغم انها دبشه ولا تفهم لكن والله العظيم اني احبها موت

واللي قاهرني ابوها هالمذن كل ما حاولت اقرب منها
يهجم علي

قعدت افكر في يوم اكتم حبها لازم اقول لامي وتشوف لي حل
حرام اقعد متعذب
رحت لاميمتي
قلت لها اني احب
ودائما افكر في وحده حلوه ولذيذه
ما عطتني وجهه تحسبني استهبل عليها
قلت يمه لا تعذبيني تكفين وش رايك
ردت على حبتك القراده هذا وقته

وبدت تهاوش وهي قاعده تقهوه بالصاله مير تلحقني بيالة شاهي مع زنجبيل

واروح لغرفتني واقعد اصيح واصارخ تسني مجنون
واقعد افكر وش السوات امي ورفضت وطلعت لي فكره ذهينه

واروح لاختي واقولها
ردت علي
ياربيه ما لقيت الا انا
اقول ضف وجهك لغرفتك

يلعن ابو التحطيم من اختي
واتذهين واروح لولد الجيرااااان
واقوله اني احب وتكفى اقنع امك والا انت تعال معي
رد علي
وراك ما توريني عرض كتوفك ما انا وامي خدامين عندك

شفتوا ولد الجيران هانت عليه العيش والملح اللي بيننا
هانت عليه العشره

على فكره تدرون وش العيش والملح والعشره اللي بيننا
طردي وراء سيارات الغاز<<<متطورين اول الناس يلاحقون سيارات الفليت والحين الغاز
وتفريق الكوره والطردي بوسط الملعب<<<ما قلت متطورين الناس اول مصاقيل وهذولاء كوره
والسوعه والدوجان بالشوارع بالسيكل<<<الناس اول دنينه وذولاء سياكل

المهم ما ادري وش اسوي
وانا قاعد امشي بالشارع وبالسياره
كنت فاتح على MBC_FM <<<<ياهو ذل الاذاعه الظاهر البراهيم بيكفخني
والا اسمع دعااااايه تقول
الطازج الطاااااااااااااااااااازج
ويقولون ان عندهم وجبه بنت المذن

ويتحقق حلمي ولقيت من يزين لي بنت المذن
بعد رفض كل الجهات المعنيه بمساعدتي لقيت الطازج

يلعن ابوداركن يا بنات المذن كل ذا حب لكم

ملحوظه اخيره بنات المذن
هم الدجااااااااااااااج
[/c]
ملحوضات بسيطه على الموضوع
1/ما تلاحظون مزين دعايه للام بي سي اف ام والطازج لكن ما يفيد فيهم
2/الحب بلوه وخاصة للرجل لان اقرب طريق لخطف حب الرجل المعده

((اسمعها من الحريم))
3/بنات المذن ينصح استخدامها مع الكبسه
4/والموضوع كتبته باجرب الوان حقة المنتدى هي زينه والا شينه
5/بنات المذن اروع ما في الحياة واحذركم التعرض لهن باذى
6/الكنز نواف((خالي)) شهد الدلوعه((ام عيالي)) لا يدخلون الموضوع<<<قولوا عني ذروق
7/اتوقع البارق وحبي التيماوي جاييين يقفلون الموضوع بالشمع الاحمر
8/انا باقلب وجهي.... وألله الله بالردود السنعه والا باتمردغ فيكم واحد واحد...وراجع لكم بعد مباراة الاخضر ودعواتكم لهم بالتوفيق