الموضوع: اجــتــماع الأعـضـــــاء (3) ][ لـقـاء الحـب والتوأمة ][ ..!!
مشاهدة مشاركة بصفحة مستقلة
  #3  
قديم 17/12/2007, 09:16 PM
الصورة الرمزية الخاصة بـ الـمـشـاغـب
الـمـشـاغـب الـمـشـاغـب غير متواجد حالياً
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,062
إقتباس
الرسالة الأصلية كتبت بواسطة الـمـشـاغـب
شكرا طال عمرك خخخخخخخخخخخ


وش تبي بعد ياسولتانوه خخخخخخخخخخ

^
^
أولاًً .. ليس أنا بمن كتب هذا الرد .. فأنا بريء منه براءة الذئب

من دم ابن يعقوب

قلت لواحد يحجز لي بيوزري .. بس طريقة حجزه بايخة وتنقص من قدر الموضوع

الله لا يشكر لك فضل يا اللي حجزت لي <<< قليل خاتمة


المهم ..

الحمد لله كثيراًً أني ما ضيعت فرصة الحضور لهذه الاستراحة الطيبة .. ولولا

وجود أعضاء غالين على القلوب لما نجح الملتقى ورده

إلا أقول يا يسلم التعبان .. أنت اللي خسرتنا في البلوت بعد ما كنا

متقدمين عليهم .. كل ما قالوا حكم .. رحت تقول دبل

ومواصل موجود وبيشهد يالنصاب

إلا يا يسلم تعال .. وراك ما ذكرت سالفة المطعم اللي جاب العشاء لقسم

العوايل بنفس استراحتنا؟

توقعنا العضوات مسويات اجتماع من ورانا .. حتى بغيت أتهور وأركب مع

باص المطعم أحط لهن العشاء

------------

الحاتمي

الأخ الحاتمي بصراحة ينحب من أول مرة .. وشخصياً ارتحت معه وتمنيت أنه
يكمل معنا وما يطلع .. لكن الزين ما يكمل ..!

هلالي وإن جار الزمن

أبوريان شخص خطيييييييييير مجرم حرب كل ما رحت ورجعت لقيته
مسيطر على لعبة البلوت .. رجل ثقيل ومحترم نتمنى أن نشوفه من جديد
في المنتدى ..!

عاشق الزعيم من اليمن

صديقي الجامي صلاح يا زين سوالفه ويا زين الحكي معه .. شخص مثقف
ومحترم .. بس عيبه الوحيد هو معرفته بماجد مقبل يا حبي لهم ورده

واحد زاحف

الأطخم والله أني خايف أنه حقد علي
يا ناس هالأدمي طيب بقوووة .. من طيبته ودك تفقع وجهه لأنك تدري أنه بيبتسم بوجهك وما بيرد عليك ورده

S U L A I M A N

المشرف السفّاح
رسمي وأنيق في لبسه بغيت أسأله وين يفصل ثيابه فيه بس استحيت
السلمي يعشق زيدان بجنون وطلب مني المشاركة في العالمية ومدح زيدان . بس رفضت لأني عرفت أنه كمين عشان يوقفوني

أسيــ الزعيم ــر
أول ما قالوا لي هذا أسير الزعيم .. ما سمعت زين حسبتهم يقولون أسيرة الزعيم زميلتنا بالمجلس
نشبت بحلقه قلت أفا تبي تسحب في الخرفان بحركتك البايخة؟ لكنه فهمني وعاد علي اليوزر من جديد
أسير الزعيم بيني وبينه ثأر قديم .. ولولا أنه كان ضيف كان شربت دمه
وانتقمت لإيقافي وإيقاف الكناري << منتب عاقل يا آل كابوني


مولع بالهلال

أبو بلوتوث يا حبي له هو وأهل البكيرية كلهم ورده
ذبحني بالمشاكس يقول وينه وينه؟ وكيف شكله ؟ وكم عمره؟
بيني وبينكم.. خفت منه .. وحاولت أتجنبه قلت ما دامه خاق مع واحد ما شافه أجل وش بيسوي معنا حنا المماليح وحناقدامه؟
بس أشوى أسير وسليمان حلفوا لنا بالمصحف أن نية مولع شريفة
<< معليش متعب .. أنت اللي جبت الشك بنفسك .. ما لقيت غير عبيط تخق معه؟

المستشار

المستشار صديقي اللدود قاهر الدود
يا حبي لك يا شيخ .. الاشراف عطاك شكل غير هالمرة .. صاير كنك وزير

أيمن اليامي

شهادتي في أيمن مجروحة .. فهو الأخ والصديق والأم الحنون
يكفي أن أقول أن أيمن كان ممن حضرت الاستراحة رغم انشغالي لأجلهم ورده

أبو طلال

أبو طلال .. كل لقاء معه يكبر بعيني .. لكنه يحرجنا والله بكرمه وطيبه .. والله موب ناقص غير يوزع علينا شرهات
الله يبيض وجهك يا أبو طلال .. وربي من جد مدري وش أقول لك؟ الله لا يهينك
ويطول عمرك ما قصرت أبد ..!!

alhawey

يا لبى قلبه عبدالرحمن (قلب) .. وش أقول؟ كل شي فيه عاجبني .. شكله
ورسمه وطبعه وخلقه وكلش كلش .. مهما قلت ما راح أعبر عن اللي بقلبي له ..!! ورده

هلالي الظهران

عمر ورده تفاجأت بحضوره الاستراحة لانه ما كان عندي علم باللي بيحضر أو ما بيحضر .. مفاجأة مفرحة لي جعلتني أستقبله استقبال غير وأمسك
بيده وأعرف الأعضاء عليه وكأنني أعرفهم على القيرل فريند حقي
لا عدمتك عموري ورده

خالي من الهم

عبدالوهاب والله أني غسلت يدي من ماجد بعد ما علمني أنه أنت اللي دفعت
الـ 200 ريال المرة الأولى حط فلوسه مع فلوس الاستراحة .. والمرة هذي ما يدري من وين جات الفلوس .. لا وبعد ياخذ منك الـ 50 بختام الاستراحة ..
الله يرجك يا ماجد الظاهر أنك بتفلس بالشركة اللي تشتغل فيها

iq1399

للأسف ما مدانا نتعرف أكثر بالغالي آي كيو .. لكن إن شاء الله الجايات أكثر وما يسافر فيها

مواصل من عام 1413هـ

لما أتكلم عن مواصل أحس أني قاعد أتكلم عن نفسي وأجامل .. ورده
مواصل يعرف قدره عندي ولو أنه شايب بس أحاول أتغاضى عن الفرق في العمر
فديت خشتك يا مواصل يبو بنشر على وش الصبح

مهند

مهند فعلاً هادي هالمرة .. مدري ليه؟ حتى بالمنتدى ما يشارك يقول التيرم هذا صعب شوي .. الله يوفقه وينجح بتقدير امتياز ورده

واحد مهجول

واحد مهجول هو نفسه المندس ولا لا؟ إذا كان هو فأطالب بايقافه ليكون عبرة لمن يعتبر
والله شخص محترم في كلامه وفي نقاشه .. بس يا خوفي ما يكون هو اللي أناأقصده

جرح يشكي

يا لبى خشيشته بس .. والله من أول ما حضرت الاستراحة سألت عنك يا محمد ورده
بس أشوفك مستحي من الدقن .. أجل وش تقول عني اللي قسم بالله جيت كذا على طول بدون ما أمر الحلاق وأتضبط؟ ما صدقت على الله أهرب من عند أهلي
وأجي الاستراحة .. ترى الرجال مخابر موب مناظر
أحبك يا مهجول يا معفن

leo messi

ليو ميسي وما أدراك ما ليو ميسي .. هو وماجد مقبل من أهم ركائز الاجتماع .. الله يبيض وجهك يا يسلم على كل شي .. ما راح أمدحك أكثر لأنك تعرف الكلام اللي بقلبي عنك
لا عدمتك يا بعد خشتي ورده

مرسول الهلال

مرسول يا مرسول .. ما تعرف تذب أنت وخشتك إلا علي
تصدق أنت ووجهك أني حبيتك؟
مالت عليك وش اللي خلاني أحبك يالزلابة؟
<< تكفى لا عاد تحب أحد أنت وهالسب

G o L d E s T

قولديست راعي الفضايح والاعترافات بجلسة الاعتراف الثلاثية
يا زين القعدة معك ويا زين سوالفك يالرومانسي ورده
بس أحلى شي أنك منتب خروف مثل هاللي يحطون أرقامهم بالبلوتوث

نـ15ــمر

متعب يا حلوك بالثوب .. طالع سعودي
تدري وش اللي قاهرني ؟ أن الانبراشة ما ضبطت عليك كانت طالعة من قلب
يا حبي لك يا ولد جامعتنا ( خمسة قلوب + قلب سلف من ماجد مقبل )

الـمـشـاغـب

قسم بالله أني أموووت فيه هالمشاغب

ماجد مقبل

آآآآآآآهـ يا ماجد .. آآآآآهـ لو أنك بنت كان لقيتنا طوابير عند بيتكم نتسابق نخطبك من عند أهلك
من جد يا حظك بمحبة كل هالناس لك .. الله يحفظك من الحسد والعين ورده
ماجد :
أهواك .. وأتمنى لو أنساك .. وأنسى روحي وياك ورده

بلد الوليد وفياض وأول العنقود ..

الحين اكتشفت وشلون نقدر نشوفكم .. راح نحط الاستراحة الجاية بملاهي الحكير

كل الفن هلالي ..

والله والله أننا نتمنى نشوفك .. لكن ترى الدعوة كانت عامة .. واللي نسيناه سأل عن الاستراحة وعلمناه
وكان المفروض أنك تسأل .. لأن الشباب مرتبكين وما يدرون يعلمون مين ولا مين ..
أنت شفت توقيع جرح يشكي صح؟ كان عن الاستراحة .. ليش ما سألت عنها؟
أنا ما عزمت ولا واحد ما عدا أبوصقر .. لأني ما كنت راح أحضر أصلاً ..
لكن إن شاء الله يالغالي الوعد الاستراحة الجاية .. ولا يدخل خاطرك شي يا بعدهم ورده


خلاص تعبت ورده
اضافة رد مع اقتباس