نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - واخيـــــــــــــــــــــــــــــراً اسدل الستـــار عن التوقيـــــــع

فرصه ضايعه · #132 13/12/2007, 04:52 PM

معليش اعتذر عن السحبة الأليمه البارح

بس جيت من برى وماأشوف الدرب

حطيت راسي ونمت

يالله تعالوا خذوا ردودكم

,,,

Bnt alzaeem

ياهلا والله بالغلا
يالله حيها ورده

إقتباس


	بس شكـ ل ـكم ما خلـ ي ـتوا مكان ما رحـ ت ـوا له ما شاء الله علـ ي ـكم

لا والله
فيه أماكن كثيرة مارحنا لمها وتستحق الزيارة

وبعضها تحسفت الحين أني مارحت لها

إقتباس


	ترا سرقت بـ ع ـض الصور وحفـ ظ ـتها عـ ن ـدي

حلالك

شاكرة طلتك معي في الوقت المستقطع

واحتري ردي الثاني عليك

هامور البورصه

ياهلا والله بهالطله الغير

يالله أنك تحييه وتسعده ورده

ماشاء الله ردك يوسع الصدر

بس يخلي الواحد يشيل هم الرد عليه

خلنا نبدا

إقتباس


	بس مو مثل الجزء الاول والثااني فيه كم صووره بااايخه الي هي صور الريااض

قبل مااكمل جملتك
تحطمت قلت بالأخير خربتها ولا جاز لهم التقرير الثالث

ويوم كملته ضحكت

إقتباس


	فرصه يعني هذا اخر جزء والله صرااحه موضوع من افضل المواضيع الي قريتها كل يوم امر عليه ثلاث مرات اقل شي عشان اقراء تعليق الاعضاء على الصور صراحه صور روعه وتعليقاات جميله نزلي جزء رابع دبري لنا صور مابي مابي ابي جزء رابع

للأسف أقولك إيه

وشهادتك والله اعتز فيها ولو ماوراي سفر كان دبرت لك جزء رابع

كم عندنا من هامور

إقتباس


	يعني الحين انتي مخبيه وجه اخوك عشانا مخبين وجيهنا طيب انا ناس مشهورين ومزاين ونخاف من العين لكن انتم مسافرين المفرووض عاادي ماتخبين وجيهم وخلاص يوم الخميس بنطلع وجيهنا بس ترى من الحين ماعلينا منكم اذا انصرعت بنت ولا انهبلت بنت ترى من الحين اقولها كل واحد يقول الشين عندي

هههههههههههههههههههههههههههههههههههههه
هههههههههههههههههههههههههههههه
اولا مب أخوي وهذا خالو

...
وبعدين يعني حليت الموضوع الحين

...
طيب وش دخل لا صرنا مسافرين بتطليع وجيهنا يعني عادي اطلع وجيهنا

الحين ماعرفنالكم مرة مزايين ومرة شيون ارس على شي

إقتباس


	عشان تدروون بس يا شباب الشفاء ان الشفاء اطلق شي ولا تقولون حفريات وقرف وانفااق شوفو سيرلنكا عندهم حفريات بعد <== الله يخلف عليك

هههههههههههههههههههههههههههه
اجل الشفاء كلها حفريات

ياخي عطني حي من الرياض مافيه حفريات

إقتباس


	كاشخ لكم اجل لا هو كان يدري انكم بتمروون <== نااشب الحين هذا وش لابس بنطلون ولا برموده <=== قايلكم نااشب وبقووة بــس حقيقه كشخه يعني يا فرصه تذكري ان المنتدى فيه بنات مراهقات ينحرفن اذا شافن المزيون هذا

أهاااااااا عرفنا معايير الجمال عندكم

أثر الشيون مايختلفون عن المزايين

يعني أنتم مب بعيدين عنه

<<< نشبت لك

تراها تنطبق على جملتك اللي فوق مضبوط

إقتباس


	فرصه كم المسافه ؟ وكم قعدتو من سااعه احسكم دخلتو حدود بنجلادش

والله المسافه قريبه لو أننا بالسعوديه
يعني ماتتعدى 300 اتوقع

بس عشان الطريق كان محيوس وضيق وكله لفلفه لأننا نازلين من منطقه مرتفعه
لمنطقه ساحليه خذ مننا كل هالوقت

إقتباس


	صراحه وحقيقه وفعلاً مالك دااعي تحطين هالصووره اقسم بالله اتمنى هالموقف هالاياام الوسمي جاء وطلع وماجانا مطر الله يستر بس لا يمر هالشتاء ولا يجينا شي شباب صلو يقولون احد اسباب الجفاف الي انا فيه قل الصلاة قبل كم اسبوع يوم صلينا الفجر قال الامام ترى فيه صلاة استسقاء يوم رحت مالقيت الا نااس شوين مايدروون ان فيه صلاة

الله يجزاك خير
عساك صليت اليوم بعد

والله أنك صادق جا الوسم وطلع ولا شفناه

الله يتوب علينا كثروا استغفار ياجماعه

إقتباس


	المفروض خلااص اقلمتو على المطر بالعكس تملوون منه

حرام عليك المطر ماينمل منه
إذا كان يرشرش بس ويوقف وتطلع الشمس
اذكر مرة بالشرقيه ماشفنا الشمس اسبوع كامل والمطر ديم وحامت كبودنا
لأن كلش معفط صار <<< لاتسألني وش معناتها

إقتباس


	ابسالك الحين وش معنى كلمة تربصت الارض ؟.. يا شين اختلاف اللهجات

مدري كانك تستهبل ولا من جدك

يعني اللي أخبرة أنها كلمة دارجه بين أهل نجد

تربصت بمعنى ارتوت باللغه العربيه

إقتباس


	مع انهم يعني سيرلنكا <== مستنقصهم الا شوفي يقول بيعطوني مخالفه مهوب عندنا وقف في اي مكان اجل وانت تمشي وماحولك احد ومشغل ابو نوره ولا ياسر الدوسري وفي حالك ماتشوف الا راعي التاكسي لاف عليك وناطل من اول الشاارع ومن اليساار لليمين ويعرض نفسه للخطر والباقي للخطر عشان فيه وااحد قااعد يااشر على الرصيف واخر شي مايتفق معه على السعر ويمشي ويخليه

هههههههههههههههههههههههههههههههههههه
هههههههههههههههههههههههه
خلك على ياسر الدوسري وأنا أختك

اما التكاسي عندنا الله المستعان

إقتباس


	فرررصه تراني امزح والله بس مدري وش جااني تخيلتك وانتي تقولين طيب لا ترفع صوتك

ياخي قهرني

وقسم صرخ علي ذيك الصرخه اللي هبلتني
خير ماسويت شي يستاهل كل ذا

إقتباس


	تكفين عااد ترى كلها 8 ركعات بدقيقتين

وش دعوى !!!
وش ذا الصلاة اللي بدقيقتين

ازيدك من الشعر بيت كنا نقصر بعد
يعني كلهن اربع ركعات بس

إقتباس


	المهم قام ولد خالي متااخر وقعدو يهاوشونه ماصليت حرام عليك وتفووت الولد تبهذل ونشبوو له والغريب ان واحد من العيال نااشب له معهم يوم جاء قبل الفجر الا ويقول استغفر الله مابعد صليت ولا ركعه قلت شلون قال الفجر والظهر والعصر والمغرب والعشاء قلت يقطع وجهك الله يعينك بتقعد سااعه قالي يا رجال اصبر لي دقيقتين عاد اتي كلها ظهر وعصر

خير وين حنا فيه جامع كل الفروض

وش يبي ذا

طيب وش مانعه ماصلاهن ... وتبون ربي ينزل لكم مطر

الله يهديه

إقتباس


	اجل جت تتبرك في اختك يقطع ابو الفله ابروح لهم ثمن بخليهم يتبركون فيني وبصير محب هناك بخليهم يبوسون يدي وراسي وخشمي

هههههههههههههههههههههههه
وع ولا بتقبلهم .. الله يحوم كبدك

إقتباس


	وه بس يا نااس يا حلو بحرهم بحر وطبيعه وشجر مهوب بحركم يالشرقيه لا وتمنون به بعد

يقولون اللي مايطول العنب حامض عنه يقول

أشوى أنكم كل إجازة مسنترين فيه حتى لو هو شين

إقتباس


	وانا مابعد نمت ان شاءالله بكره ارد رد ثااني ايه بنشب لك

مارديت على العالم احتري ردك

<< انواع التصريف

يازين هالمرور وهالتعليقات

اسعدني تواصلك معي وتفاعلك ولو ماوراي سفر
كان نزلت لك بعض الصور المتفرقه تستاهل

ياعساي ماانحرم هالطله ورده

تغريد

ياهلا والله وغلا

يالله حي غرودة ورده

إقتباس


	ياااحليييلك يافرصه استانست بسوالفك والصور حلوه احلى شي يعطيكي العافيه يارب

الله يعافيك يارب ,,
الحمد لله أهم شي انبسطتي

اسعدني تواصلك واطلالتك يالغلا
ياعساي ماانحرم ورده

مهما علا موجك

ياهلا والله وغلا
يالله حيها ورده

إقتباس


	تقرير ولا أروع وتصوير جميل جداً ومناظر خلابه ... سلمت يداك فرصة على هذا الموضوع الشيق الذي استمتعنا به من أول لقطه حتى أخير كلمه سطرتها يداك . بصراحه أنتي مشروع مرشدة سياحيه رائعه ...

لاداعي لاداعي <<< بدت تنغر

الله يسلمك ويجزاك خير على هالكلمات اللي ترفع الراس

اسعدني مرورك وتواصلك
لاتحرميني طلتك يالغلا ورده

والله ودي اكمل بس
جاني شغل ضروري شوي وراجعه بإذن الله ,,