إقتباس سياسة النادي تغيرت كثير .. يعني اول ايام موجي .. لين جينا نشتري لاعب .. يموه بأسامي ثانيه .. وما تفرق معه مليون مليونين ثلاثه !!! ولعلك تذكر صفقة ابرا وكن كن .. اللي جابهم بليلة وحده !!! ميليتو .. فرنقز .. سيسوكو .. ايفانوفيتش .... غير مسلسلات ديل بييرو ونيدفيد وتريزيقيه و كامو !!!!!!!!!! يعني لين صار فيه طقاق جددوا ..!! ولين صار اللاعب صفقته هينة راح علينا ..!!! زي بيبي كنا بنجيبه والاداره تأخرت بالرد اليييين شروه مدريد .. ومتزلدر نفس الشي !!! والاداره قاعده تبحث عن لاعبين بالمجان مثل صالحاميدتش وقريقيرا .. وعلى فكره ترا السويسري ماقنين مجاني !!!

سياسة النادي ماتغيرت للآن ،، لكن الوضع هو اللي تغيــر !!!

اليوفي كان ثاني اغنى نادي وهاللحين الـسابع مادري كم بالضبط لكن اختلف الوضع المادي

مادري شلون حكمت ان ســياسة النادي تغيرت .. يمكن الأسماء في الإدارة تغيرت !!

لكــن اشوف السياسه للآن هي لم تتغيـر ..!! والدليل على كلامي الأسماء اللي ذكرتها

ميليـتو ،، عرض عليه اليوفي 16 مليـون واشوف انه كثير عليه .. دخـل ريال مدريد

وبرشلـونه ووصلـوا سعره لـ 20 مليون وانسحب ريـال مدريد ،، وبالتالي انتقل للبرسا

بيبــي ،، عرض اليوفي عليـه كان مايقارب العشريـن مليون وانتقل للريال بـ 30 مليون

وأشـوف انه مبلغ كبير في بيبـي .. مدافع ممتاز لـكن هالمبلغ كثير عليــه !!!

فرينقـز ،، كان اليوفي محتـاجه وعرض عليه راتب شهـري خيـالي ولكن الحنـون رفضت زوجته !!

متلزدر ،، عرض اليوفي وريـال مدريد / بصفقه مجانيه لآنتهاء عقده وإنتقل للريـال لان الريال

بيلعب في دوري الأبطــــال ،، وإيفانوفيتش .. للآن مجرد تكهنـات صحفيــه !!

سعـد اللي حبيت اقوله لك ، ان سياسة مودجي للآن اشوفها .. في النادي لكـن الوضع المادي

هو اللي يجبر النـادي على البحث عن لاعبين مغموريـن ،، !!

إقتباس سياسة النادي تغيرت .. موجي خبير وثعلب .. هل يقارن موجي .. ببلانك وسيكو مع بعض !!

لا ماتقـــارن ،، بكل بساطه لانك تقارن موجي .. والنادي في افضـل حالاته الماديه

بـ سيكو وبلانك .. والنادي في اصعب وضع مادي !!


اصبر موسم ، موسمين .. ونقــارن بينهم سوا ؟

إقتباس موجي ناظر صفقاته بالتاريخ كلها .. من مارادونا الى آخر لاعب شراه مع اليوفي .. جاب موتو وهو يتعاطى الكوكايين وعالجوه وشف وش صار الحين !! لانه يعرف قدرات موتو !! والى الآن موتو يقول ادين الكثير لموجي !! موجي غير .. وبلانك وسيكو غيير !! هذولي سياستهم الرخص .. بالله عليكم اسأل أسأل اي يوفينتيني .. هل كان يطمح بأندرادي ؟؟؟؟؟ لاعب مصاب 9 شهور ومالعب ولا مباراة الموسم الماضي .. والحين اصيب مع نفس الركبة !! اندرادي ماكان طموحنا ابداً !! كان طموحنا ميليتو واختلفو الفريقين على نص مليون وشروه برشلونة مع انه عدوا لسرقسطة !!! يكفيك ان اللاعب كان يقول انه يبي اليوفي .. ومحد عطاه وجه وقال ابي العب مع ميسي !!!!!!!!!!!!!

ابي افهم .. شـلون تجيب لي صفقات موجي الناجحـــه .. في عهـده .. وتقارنها

بـ صفقات بلانك وسيكـو .. في موسم واحد .. وغير كذا النادي طالع من السيريا ب ؟؟؟؟


ياعزيزي .. سيكو وبلانك .. ياكونتا .. اندرادي .. الميرون .. تيـاقو .. حمديتش .. صفقات كويسه

بالنظر إلى ان الفريـق صاعد للسيريا اي .. خمس لاعبين .. في في الهجوم والدفاع والوسط !!

إقتباس وميزانية ميركاتو الصيف 100 مليون يورو ..!!

اتمنى تذكر ان صيانة الديلــي .. 65 مليون ميركاتو اليوفي .. والباقي صيانه

لـ ملعبنا الديلــــــي !! 65 مليون .. !! وخمس لاعبين مثل اللي ذكرتهم أعلى

صراحه شي ممتــاز .. !! انا مادري .. اذا تبي يجيبون بالـ 65 مليـون هذه ميسـي

رونالدينو .. شيفاا .. جيررارد .. وفانديرفارت ؟؟ !!

إقتباس والنادي ماهو خسران .. الا منتعش اقتصادياً .. 900 مليون يورو من ورا حقوق البث !!!!!!!!

ممكن اعرف كيـف اكتشفت ان النادي منتعـــش اقتصاديا ً .. والخساره ماكانت في حقـوق

البــث فقط .؟ نسيت إعلان شركة تامويل .. ؟ اللي كانت راعية لليوفي .. وثاني اغلى شركه

ترعى نــادي بعد ريال مدريد ؟؟ كانت تعطي النادي سنويا ً 320 تقريبا ً سنويا ً ؟

إقتباس يعني لو جبنا فان دير فارت .. ولامبارد .. اعرنا الميرون وبعنا تياقو !! واعرنا ماركيوني ولا صالح !!! ولو جبنا ميرا .. نعطي شتوتقارت بوموسونق لانهم طالبينه .. وندفع لهم الفرق .. لكن موب معقول تكون محتاج مدافعين وتقعد تكاسر وتتغلى ..!! انت اللي محتاج .. انت اللي لازم توافق على طوول !!!! اصلاً لو جبنا لامبارد من يناير لين نهاية الموسم بعشرة مليون يورو .. بينباع في الصيف بعشرين مليون يورو على الاقل ..!!!! يعني لامبارد مكسب لليوفي ولو ما لعب !!! من حيث فنايله تنباع .. والاعلانات !! غير الحظور الجماهيري اللي بيزداد .. يعني الزبده لامبارد نبي نشتريه ولو كان بـ 15 مليون يورو .. لأنك قاعد تشتري لامبارد موب فان دير فارت اللي ادارته طالبين فوق 20 مليون !!!

تعير فلان وتحــط فـلان ويالله يانت تلعـب بلايستيشـن !! سعـد يابعدي هاللحين

يوم تقـول ان شتوتغارت طلب بوم بوم واليوفي يبي فانديرفارت .. شي طبيعي ان الإداره

تبي تستغــل وتقايض بينهم بس المشكــله .. في هالإشاعات .!! اي خبر تترجمونه تصدقونه !!

قبل اسبـوع اليوفي يبي بيرلـو .. وقبل يومين يبي شيفا .. ؟ وكان يبي سميتش ؟ لا تصدق كلام الصحف


.. سعد اهلكتـني .. الله يعطيك العافيه !!