إقتباس الرسالة الأصلية كتبت بواسطة skroo السلام عليكم وصباح الخير عبدالـرحمن هلا فيك ابوداحم , الحقيقة انا اختلف معك كليا وجذريا بعد من ناحية موجي ! صحيح انه انقفط من ناحية المكالمات , لكن لا تنسى الانجازات اللي كانت بوقت ادارته اول حاجة مارسيلو ليبي , من كان يعرف هالاسم ؟ موجي احضره معه بـ 94 وبعهده كان عصر ذهبي وبعدين صفقات مودجي كانت ولا احلى , والرجل له باع كبير في الصفقات ولا تنسى صفقة ماردونا اللي استغربو العالم منها لكن شف وش صار ماردونا في نابولي والشي الثاني اللاعبين اللي جلبهم للفريق , غالبيتهم كانو لاعبين عاديين ومع الوقت تطورو الى اسم سوبر ستار زيدان ودافدز وديشامب وكونتي وفيرارا ومونتيرو ويوقفتش وباولو سوزا وانزاجي والكثير الكثير ويكفي صفقات اخر المواسم , رئيس مدريد الثري كان يقول ان فييرا مولود علشان يلعب مع مدريد وبالاخير جابه مودجي في اخر ساعه وبسعر رخيص وبرضة كنافارو كان يتمرن مع الانتر وفجأة وقع معه مودجي ولو نعد صفقاته ماراح ننتهي , ولا ننسى ان لقب مودجي كان ( ثعلب الميركاتو ) لانه خبير بالميركاتو ويعرف كيف يجيب لاعبين باع زيدان بمبلغ خرافي وقياسي والكل استغرب , لكن النتيجة كانت ( بوفون + ندفد + كنافارو ) !! وباع انزاجي وعوضه بتريزقيه ونظرته كانت بعيده االمدى , يكفي حركة موتو !! لاعب مطرود من تشيلسي ولكنه وقع معه والكل استغرب والان نشوف موتو وين وصل وكيف صار : اسمه ملك فلورنسا وبيكهام رومانيا وصرح ومدح مودجي وقال انا ممتن له وبرضة بالادينو صرح العام الماضي وقال ان مودجي كان زي ابونا ! ويكون لمعلوميتك , مودجي كان يعمل وحيد مع جيرادو , وكان ماخذ الدعوه تجارة , لكن ادارة سيكو الغفلة يجيها دعم لكن ما تعرف تتصرف , هالموسم جاها 100 مليون يورو !! مودجي صرح وقال لو عندي هالمبلغ ايام ادارتي كان جبت كل البطولات !! وبرضة مودجي محارب من عائلة انليللي يوم مات الشايب , لان الشايب كان خاتم باصبع مودجي ومودجي صرح بهالكلام وقال ان فيه انقسامات في العائلة وهي اللي خلت المكالمات تتسرب !! ويكون للمعلومية , الدوري الايطالي مافيا × مافيا يعني موراتي وبرلسكوني يصلون على طرف ثوبهم من الطهارة ؟ كلهم كفار وملاعين جدف وانواع الخبث من وراء لوراء لكن مودجي هو اللي راح فيها ويكون لمعلوميتك , ماردونا كان انواع المنشطات لكن ما كان ينقفط لان المافيا كانت تحميه لكن بالاخير انقفط يعني المافيا لها دور كبير في ايطاليا واخيرا , الحكم ( ما اذكر اسمه ) صرح وقال جتني مكالمات من مسؤولين ورؤساء اندية ومن ضمنهم الانتر , ليه ما مسكو الا مودجي بس ؟ وموجي صرح وقال كنت ادافع عن جوفنتوس واحميهم , والان تلاحظ الفرق يوم راح مودجي مسخرة روما + نابولي + بارما <=== هذا اللي في بالي الحين غير القرارات والايقافات المبالغ فيها والادارة جالسه تتفرج واهم ما عليها تتصور مع جون الكان ! يعني مودجي اعتبره من رموز ايطاليا مو اليوفي وبس , لانه خدم ايطاليا وقدم لها مواهب ماكانت تحلم فيها مثل زامبروتا وكامورنيزي وشلتهم ! وشكرا لك مقدما على سعة صدرك في النــقاش

وعليكم السلام

اختلافك معي لا يفسد الود .. يا ناصر

موجي قد يكون قدم الكثير لليوفي لكن النهاية كانت سيئة وتحطم كل الشيء مابناه انهار

موجي له اكثر من 12 سنة مع اليوفي ..... بكل تأكيد لابد ان يقدم شيء مميز ..... والادارة الحالية لها سنة ونصف فقط ... من العدل ان لا نحكم عليها الآن

في عهد موجي فرطنا بـلاعبين اصبحوا نجوم ابرزهم تيري هنري ..

موجي كان يأخذ رشاوي في انتقال بعض اللاعبين يعني يقول لنادي معين موافق على البيعة لكن لازم يكون لي مبلغ خاص فوق البيعة ... وهذا مذكور في صحيفة موثوقة وقرأته سابقا ... وبعذر عائلة انللي انه تعاديه


صحيح في وقته اشترى لاعبين بسعر رخيص لكن بالمقابل بوفون كان اغلى صفقة انتقال حارس في العالم وندفيد كان سعره غالي


كنافارو اتفق معه وقال تمشكل مع مدربك علشان يتخلى عنك الفريق ... الانتر قالوا مانبي اللي يسبب مشاكل مع المدرب بعد كذا انتقل لليوفي بطريقة ملتويه

وبعدين ماتلاحظ موجي مسخاها كل فترة طالع ويجلس يمدح نفسه انا سويت وانا كنت واللي يمدح نفسه دائماً كـ...

اذا كنت تعتبر موجي رمز فتذكر دوماً السيريا B

--------

اقتباس

يعني موراتي وبرلسكوني يصلون على طرف ثوبهم من الطهارة ؟

--------

ههههههههههههههه برلسكوني صح لكن موراتي شف وجه يقوطر برائة



وشكراً


والشكر موصول

لندفيد الهلال

و فورزا يوفي

و ولد الزعيم البار

و تورام

على اثارئكم وتفاعلكم