مع كامل احترامي لك (شخصيا) اذا كانت هذي مبرراتك انت لحالك عذرك اقبح من ذنبك !!

اما اذا كانت هذي مبررات باقي مشجعين الزعيم في الرياض ..

ف ارجع واقول مع كامل احترامي لكم عذركم اقبح من ذنبكم !!

انا ماراح ادخل معاك في نقاش وتفاصيل ولكنراح اسألك كم سؤال ع الماشي ..!

ليش جمهور الهلال بالمنطقة الشرقية يحضرون بكثااااافة ؟؟

ليش جمهور الهلال بجدة يحضرون وبكثاااااافة ؟؟

ليش جمهور الهلال بتبوك دمعت عيوننا لم شفناهم ؟؟

بتقول اول مره يلعب النادي بتبوك ولازم يحضرون لانهم متعطشين لشوفة الفريق ؟؟

بقولك طيب اترك جمهورنا بتبوك وجاوبني عالسؤالين اللي فوقهم ؟؟

ياخي ليش الهلال اذا لعب بأي مدينه غير (الرياض) يحضر الجمهور بكثافه وبقوووة ؟؟؟؟

ولا بس جمهور الهلال بالرياض هم اللي يفهمون بالكورة ويعرفون ان الهلال مو بمستواه ؟؟ وباقي جماهير المناطق مايفهمون ؟؟

وقاعدين يشوفون نادي ثاني يلعب بمستويات ممتازه ويشوفونه اخذ الاسيويه والخليجية علشان كذا يحضرون ؟؟

فيه واحد من الاعضاء رد بموضوعك هذا يقول توه داخل البيت قبل شوي يعني بعد الساعه 2 الفجر قريت ليش توه داخل ؟؟

يقولك رايح يحضر المباراه وهو بالشرقيه !!

وانت قاعد في بيتك اول ماخلصت المباراه نزلت لنا هالموضوع الرائع اللي ينحسب ضدك وينحسب ضد اي مشجع هلالي صميم يؤيدك باللي تقوله !!

لو بنمشي على كلامك ماكان بقى بجمهور المسيار الا 2 بمدرجاتهم ومو فقراويين بيطلعون من جمهور النادي المنافس بس مضيعين المدرج !!

وربي موضوعك يضحك ..

ولاتقيس هالشي على مقهى الديوانيه الفقراوي .. لا قيسه على اندية المؤخرة بالدوريات الاوروبيه اللي اكبر انجاز عندهم حصول واحد من لاعبينهم افضل لاعب بالمباراه .. وتلاقي جمهورهم صاك الملعب لآخره ..

وجايني تقول مستوى الهلال ماخلانا نحضر له ..!!!

شف كم مباراة مؤجلة له وشف ترتيبه وين وشف كيف ماشي بشكل تصاعدي ؟؟

وشف كيف عددكم بالحضور بشكل تنازلي ؟؟!!!

اذا مابتحضرون لاتحضرون بس لاتقعدون تبررون بأعذار تنحسب عليكم !!

والله ان كلامك مايقوله هلالي اصيل !

اتمنى تتغير قناعاتك وتحضر وتساند ناديك محتاجك ..

ااااااه ياجمهور الشرقيه وتبوك ليت كل جماهيرنا مثلكم بالحضور تبيضون الوجه ..

اسف ع الاطاله وشاكر لك اخوي وتقبل ردي بكل رحابة صدر ..

اخوك// @هلالي متعالي@