بسم الله الرحمن الرحيم
الحمد لله والصلاة والسلام على رسول الله صلى الله عليه وسلم

نخش في الموضوع على طول ونبدأ المحاور بالأول ..
المحور الأول :ـ
من ناحية الضغط النفسي ورد الأعتبار أنا أقول أن فيه كبار في نادي الهلال وخبرة سواء من لاعبين أو أعضاء شرف يعرفون يتعاملون مع هذه المواقف وأن شاء الله الهلال ما عليه خوف من هذه الناحية وان شاء الله تشوفها من صالح اللاعبين لأن الأتفاق غابت عنه الروح الرياضية في المباراة السابقة وان شاء الله الهلال بيعلمهم كيف تلعب الكرة يوم الأثنين وبيعلهم الأدب .
ومن ناحية الخطة 4ـ 5 ـ 1 ولكن مع الضغط المستمر على حامل الكرة أتوقع الهلال بياكلك حبه حبه أن شاءالله . أتمنى ياسر القحطاني ما يلعب إلا لما يتعافى بشكل دائم من الإصابه ومن ناحية المشاركين في الألومبي وعدم مشاركتهم بصراحه لاعبين الألومبي أتمنى مشاركتهم لأنهم في المستقبل بنشوفهم بشكل دائم أن شاء الله مثل الزوري والدوسري والفريدي والكلثم والغنام وكلهم فيهم الخير والبركه ومستقبلهم أن شاءا لله يطمن بالخير والموجودين في الفريق الأول أن شاء الله ما عليهم خوف سواء شارك لاعبين الأولمبي أو ما شاركو .

المحور الثاني :ـ
على كلام أغلب المحللين والمتابعين للهلال وعلى كلام المدرب كوزمبين أنه بيزج بالتشكليه اللي لعبت أمام الوطني
اللاعب خالد عزيز والغنام لاعبين كبار وأكيد تأثيرهم كبير على الهلال بس الموجودين فيهم الخير والبركه وما يهزك ريح يا زعم الأرض .

المحور الثالث :ـ
نادي الهلال بيلقى نقاط ضعف كثيرة في نادي الإتفاق وان شاء الله هو قادر على الضفر بالمباراة مع العلم أن نادي الإتفاق فريق مزاجي على حسب مزاجه يلعب وان شاءا لله ما يعطيه الهلال هذي الفرصة ويضغط عليه وبيلقى فرص للفوز كثيرة .
أتمنى يكون ياسر القحطاني والتمياط هم الورقات الرابحه مع بداية الشوط الثاني .
التشكيله في المباراة السابقة تشكيله مثالية مع مشاركة المرشدي وأقول المرشدي ليس تقليلا بالمفرج ولكن المرشدي أثبت وجوده في المباراتين السابقتين وأتمنى المدرب يريح شوي المفرج ألين نحتاجه ويذهب الإرهاق عن المفرج حتى لا تعود على اللاعب إنتكاسه أكبر من كذا .

المحور الرابع :ـ
أتمنى أن أحنا نشوف مباراة تليق بالفريق الهلالي ونعلم الإتفاق من يكون الزعيم وأتمنى يكون هناك لاعب ثاني للهلال مع المحترف الجديد ليلو مثل تقدم الكلثم أو إشراك العنبر مع إن إحتماليتها قليله .. كذلك أتمنى تكون الروح الرياضية والروح القتالية موجوده لدى اللاعبين والإبتعاد عن الشحن النفسي الذي يودي مئة بالمئة إلى الخسارة
.... خاطره صغيره أتمنى ما أحد يزعل منها وهي أن هناك لاعب ما أدري وش موقعه من الإعراب ألا وهو اللاعب سلطان البرقان مع إحترامي له ولأخلاقه أنا أتمنى أنه ما يلعب في أي مباراة حاسمة للهلال وإشراكه وتجربته مع الوطني ونجران والحزم حتى يقوى على التغطيه وأقول تغطيه لأني أشوفه يترك اللاعب يخترق من خانته بكل أسف ويسبب الضغط على المدافعين ويسبب لنا كلام أحنا مستغنين عنه .

المحور الخامس :ـ
من ناحية الجمهور ما يبيلهم دعوة وأنا إن شاء الله أول الحاضرين من الدوام للملعب على طول ومعي واحد بعد .

المحور السادس :ـ
تحياتي وأشواقي لكل محب أو منتمي أو مؤيد لنادي القرن ونادي آسيا وزعيم كل الأندية .
بالتوفيق للزعيم