نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رابطة عشاق اليوفي .. ][ زعيم إيطاليا ][ :: 2007/2008 ::

skroo · #1 07/12/2007, 11:39 AM

السلام عليكم ورحمة الله وبركاته
قبل لا نروح نصلي الجمعه خلونا نخمبق هنا

على قولة ابويعقوب المستوى امس مطاريس
وانا ازود واقول مطاريس + بربسه + خنبقة + حواق +

رانييري حاقها امس وبزيادة , اي واحد بالشارع يقولك ان تياجو والميرون ما ينفعون مع بعض , وابو الشباب ملعبهم مع بعض !!

الحارس ما ينلام بالاهداف , الدفاع ما ادري وش يبي !!!
كرشكو لازم يعيرونه ويخلونه يلتح اكل لين يتضخم شوي
ليوقراتللي ماله نفس لان المباراة كاس !
براندللي ظاهرتنا واسطورتنا ورمزنا وفوق النقد

جرجيرا انواع الحواق امس يالله نتحمله يمين يروح رانييري ويلعبه يسار

الوسط
الميرون

ما ادري وش يبي !! اداءه 0%
ولا تمريره صح طول المباراة , ويوم انطرد الفريق لعب صح
تياجو مسكين يحاول يثبت نفسه ولا قدر لانه يلعب بخطة ما تخدمه
ماركيوني الف علامة استفهام مستوى غريب جدا جدا
حسن

عليك برانييري اللي يالله قدر يوظفك يمين يروح يلعبك يسار !!

دل دل عيبه يحتفظ بالكورة كثير ويعطل هجمات , كابيلو عرف له يوم يخليه احتياط

بالا الهبالا

انا اعلن انضمامي لحزب ضد التيار , ولا شي صح والظاهر اخذ فرصته وكفاية
والمدرب له نصيب من اللوم من ناحية مستوى بالادنيو , يلعبه وسط ايسر وبعدين راس حربة !!

المباراة هذي نتائجها ان شاء الله ايجابيها ووضحت الكثير من العيوب والخلل في احتياط جوفنتوس
والان اختبار رانييري الحقيقي هل بيستفيد ويعدل والا لا

بس صراحة يوم شفت حوسة الوسط تذكرت لاعب مظلوووم جدا :

التفريط فيه كان غريب !!؟ خبير بالكالشيو يعني ما يحتاج نجيب فلان والا علان وننتظرهم يتأقلمون