|
انتوا السبب في نكسة الهلال ..
السلام عليكم ..
بدون مقدمات ...
عندما يفوز الهلال ببطولة او اثنيتن .. نشوف الجمهور كله يروح للملعب .. ونشوف الجماهير تكتب في الصحف .. تمدح .. وتتغنى بانجازات الهلال ..
ونشوف الجماهير تروح للنادي تبارك للاعبين .. وتوقف معها .. وقت الفرح ..
ولين انهزم الهلال ... نشوف انواع السب في المنتدى والصحف في اللاعبين .. وانواع الانتقادات .. وانواع التهزيء .. في المدرب واللاعبين .. والاداريين ..
ونبدا ندوّر اعضاء الشرف ونحط الحرة فيهم .. ونقول مافيه رئيس .. ومافيه اداري ... ومافيه لاعب محترف .. ومافيه فلوس ؟؟؟
ونبدا نقاطع التمارين الهلالية .. وما نحضر المباريات .. ...
ولين انهزم .. نرجع للسب والشتم ...... الخ ..
ونقول ...
والجمهور ... مالهم اي دخل ..
الجمهور .. ما تسبب في الهزايم ..
الجمهور مسكين .. يدفع 15 ريال .. يالله يالله يدبرها ... عشان يدخل بها الملعب ..
الجمهور مسكين .. يشترك في الاوربت والART وفي الاخير تضيع البطولة ..
الجمهور .. يحب الهلال .. الجمهور .. يحب الكيان الهلالي ...
الجمهور مستعد يضحي باي شيء عشان الهلال ...
الجمهور مع الهلال على الحلوة والمرة ..
وانا اقول ...
الجمهور جيّد في الكلام بس ...
الجمهور هم احسن ناس في الرخيص اللي ما يودي ولا يجيب ..
الجمهور شاطر في الشتايم والسب ...
الجمهور احسن ناس يقولون هما الكلام ببلاش ...!!
وش الفايدة من الجمهور اذا صار الفريق يجيب بطولات ..
وين تحبون الهلال على الحلوة والمرة .. وهذا حضوركم في مباراة للهلال
[c] [/c]
وين على الحلوة والمرة وهذي صورة الجمهور اللي يتابع التمرين ؟؟
[c] [/c]
الجمهور لازم يكون مع الفريق على الحلوة والمرة ..
والا لين جاب لنا بطولة رحنا نشجعه ونطامر في الشوراع .. ولين انهزم .. جحدنا الفريق وقعدنا نسب هذا ونسفل في هذا ..؟؟
ونقوم نتهاوش مع بعضنا ... ونضيع الفريق ... 
لابد ان نكون مع الفريق .. وهذي مهيب كلمتي .. هذي كلمة سامي الجابر ..
هو اللي قال .. اننا في حاجة لكم قبل ما تكونون في حاجة لنا ..
يقول احنا في حاجة للجمهور اكثر من اي وقت ثاني ...؟؟؟؟؟؟؟؟؟؟؟
وهو اللي قال .. ابيكم انتوا يا جمهور تقدمون لنا نقاط المباراة هدية ..؟؟؟
وين الجمهور ؟؟؟
اللي يقول ان التذاكر غالية واللي يقولون استاد الملك فهد بعيد .. ما عندهم سالفة ..
التذكرة سعرها 15 ريال .. وكل اسبوع مباراة واحدة او ثتين بالكثير ...
اسألكم بالله ... ما فيه جماهير تروح تشوف المباريات في المقاهي .. اللي تبعد عن الرياض اكثر من 30 و 45 كم .؟؟؟؟
وكم يصرفون هالجماهير هناك ؟؟؟ مهوب اقل من 20 او 25 ريال ؟؟؟
هاللي يروحون للقهاوي والمقاهي يدفعون اضعاف التذكرة ..؟؟
واللي يقولون مشوار ؟؟؟ ما اعتقد ان قهاوي طريق القصيم .. او قهاوي الفحص .. اقرب من استاد الملك فهد .. ؟؟ او الملز ..؟؟
من اول كان الجمهور يروح للقصيم .. يروح للخرج .. يروح للشرقية .. عشان يشوفون مباراة ويرجعون ..
يعني صراحة اعذار واهية مالها معنى الا اننا في بعد عن الفريق .. لم نعش من داخلنا مع الفريق ..
مافيه اخلاص لنادي الهلال ... مافيه حب حقيقي ...
مباراة تكلف الفريق اكثر من الدخل اللي يجي للنادي .. من وين تبون لاعب محترف ؟؟؟
لين متى واعضاء الشرف يدفون من جيوبهم ...؟؟؟ عشان جمهور ما يبي يجي الا مع الفوز ..؟؟؟؟
اذا تبون اعضاء شرف ما يبخلون عليكم بشي ...
اذا تبون يكون لكم كلمة قوية في النادي ... خلووكم مع النادي ...
والا ترا انتو كلكم .. واحد واحد .... مالكم اي كلمة على الفريق ..
ومالكم اي حق تقولون " برم "
يمكن اني قسيت عليكم شوي ...
لكن صدقوني من حبي لكم ... والله العظيم ان وضع الهلال اللي هو فيه .. احنا سبب اساسي فيه ..
وما اقول السبب الوحيد ..
لكن قبل ما نعاتب الناس الثانيين .. خل نعاتب انفسنا ....
وشوفوا حال الفرق الاوربية مع جماهيرهم ...
لانهم يحبون فرقهم .. يحضرون مبارياته .. ولو انهزم الفريق .. يا ويله ويلاه ...
تدرون ليه يكسرون ابواب النادي عند الهزايم ...
لان لهم كلمة .. ولهم وجه يعاتبون ..
لكن احنا مالنا اي وجه نهاوش .. او نعاتب ...
خل نصلح اوضاعنا قبل كل شيء ... وقبل خراب مالطة ..
[c]
احد يشوف لي مكان في هالملعب .. " روما ولاتيسو "
هذا جمهور الانتر يتابع تمرين الفريق ...!!
وهذا جمهور الانتر في المباراة ...
هذي مباراة في البرازيل ... من افقر شعوب العالم
مباراة لمانشستر ..
مباراة في ملعب جوفنتوس
مباراة لبرشلونه
مباراة ثانية لبرشلونه .. شوفوا الملعب كم دور ؟؟
مباراة لميلان ..
[/c]
وهذا حال الهلال والنصر الي يومكم ..
[c]
حسافة هالملعب عليكم ..
[/c]
يا ناس اصحوا عاد .. خلاص يكفي كلام عن حب الزعيم ... وخل نحب الزعيم صدق ...
خل نوقف مع الهلال وقفة رجل واحد ...
الهلال يا ناس يترنح ... وترا البنيان بينهد ...
كونوا انتو سبب في رجوع الزعيم للمنصات ...
رجعوا هيبة الزعيم لمكانها الطبيعي ..
رجعوا الهيبة اللي صارت خيبة ...
رجعوا الهيبة اللي انسلبت وراحت .. وصاروا الكلاب يتكلمون عن حالنا ..!!!!
من متى واحنا نقول ... الحمدلله تعادلنا ..؟؟
من متى نفرح بفوز الهلال على الرائد 2/1 ؟؟؟
[c]
والله حال الهلال يبكي ...
[/c]
خل نرجع مثل اول ..
[c]  [/c]
[c]بالله ما تحسون ان الهلال يخوف كذا ..؟؟؟؟ وانه ممكن يفوز على اي فريق ؟؟؟[/c]
خلونا نتفق من هنا على اننا نرجع ندعم الهلال بقلوبنا قبل كل شيء ..
خل نتفق كلنا على الحضور لكل المباريات اللي نقدر عليها ..
والحين مالكم اي عذر ..
عندكم امير اسمه قريب من الامير عبدالله بن سعد رحمه الله ..
الامير عبدالله بن مساعد .. الامير الشاب اللي طموحه عالي ..
لازم نوقف الى جانبه وندعمه .. وما نسبب له اي احباط ...
اسف على الاطالة وعلى القسوة في الكلمات ..
[c]بس والله من حرقة في قلبي على حالك يا هلال .. [/c]
الموضوع هذا اعدت كتابته مرة اخرى بسبب مناسبته حاليا .. وبسبب ضياع الموضوع في الفترة التي توقف فيها المنتدى لاسباب فنية ..
| 