بصراحه للمعلم دور كبير جدا ودور أساسي وهام في تقبل الطالب للماده اللي يدرسها وبعض الاحيان في حبه للدراسه بشكل عام
فيه مدرسين يخلون الواحد يكره الدراسه ويحقد على مدرسين بأسلوبهم في التدريس. للاسف بعضهم اذا دخل الصف كأنه داخل زريبه الله يكرمكم نفسه في خشمه ويعامل الطلاب كأنهم متخلفين او جايين من الفضا
انا احب اوضح نقطه ان فيه المعلمين للأسف الشديد معقدين ومتخلفين. وانا بنفسي شفت هذا الشي
يوم كنت في الابتدائي كان فيه مدرس تخيلو كيف يعاقب الطلاب . شي ولا في الخيال بالزراديه والله العظيم بالزراديه ووقتها محد اشتكاه ولاشي لأسباب ماحب اذكرها
والثاني دايم طايح اهانات بطلابه .. ليش طيب .. ياخي انت مدرس جاي توصل رساله ..ومع ان وزاره المعارف مانعه الضرب في المدارس لكن للأسف ماعندك احد.
النقطه الثانيه مسأله انك ترد على المعلم او المعلمه او تصحح له اذا كان غلطان. بعض المعلمين بتقبل هالشي وبالعكس ينبسط ( ينعدون على الاصابع) اما الباقي (وهم الاغلبيه) يحققد على الطاالب والله ماينساهاا له طول مده دراسته كأن الطالب مسوي غلط او قاتل اهله وطبعا الاخلاق تنقلب والسبب ان الطالب رد عليه واحرجته قدام زملاؤه ...
المعلـــــــــم والمعلمه لازم ولازم ولازم يكونو متأهلين ومتخصصين في مجالهم قبل ما نحط الطلاب أمانه في يديهم وموب كل من هب ودب صار مدرس

تحياتي