| أشكرك على الموضوع الأكثر من رائع .
بعدين أنا بتكلم بصراحه وبدون ماحد يجي يقول ماعندي سالفه الا الشغل عيب وشق جيب اسمح لي لو اننا دولة فقيره كان اقول مافيها شي اشتغل سباك ، حلاق ، ان شاء الله بلدي مايهمني .
لكني ادخل على الشركات احصل اللبناني والمصري والسوري راتبه خمس الآف على عشرة الآف وانا الفين وخمسمائة اقول معصي هنا أنا اولى منه
اجي القى ابو يمن فاتح بنشر او محطة بنزين ويلعب بالسعر على كيفه اقول معصي هنا
أجل هندي يشتغل في البنك الأمريكي راتبه خمس وستين الف ويوم حل مكانه سعودي وبنفس المميزات صار راتبه خمسة عشر الآف .
ياناس وربي خلاص الأجانب أكلونا واحنا نقول الشغل موب عيب أنا اتحدى عبداللطيف جميل او غازي القصيبي او غيرهم من المسؤولين الكبار يخلي ولده يشتغل كاشير ، او يقدم قهوه في مقهى كوفي شوب ، او يكون سباك يالله خل أحد اولادك يشتغل الشغله ذي وشوف ردة فعله
وربي وربي وربي ابو متعب واخوانه وآل سعود كلهم مايدرون عن المهازل هاذي لأنها اذا وصلت المسؤولين خلوها في سلة المحذوفات لكن املنا في الله ثم في ابو متعب .
مشكور على الموضوع اخوي ويعطيك الف عافية | 