| والله ياشباب الفكرة هذي المفروض من زماااااان
الحقيقة في اغلب المباريات يتكفل مشجعان شهيران بين مشجعين الهلال وهم
ابو علي (ابو نظارة) والاخ فواز (المتين) ويقومون بترديد الاهازيج لكنهم يتعبون
وبعض الاحيان مايجدون التفاعل المناسب من بعض الجماهير وانا بحكي لكم موقف
حدث في مباراة المطر امام الطائي العام الماضي كان الجمهور واقف يشجع ومتحمسين
طمر علينا بعض الشباب من ورانا يقولون اجلسو حنا جايين هنا عشان نوقف ....!
وش تتوقعون من هالاشكال ...؟ المفروض يقعدون في بيوتهم والا يجون يشجعون
والله هذه الثلة انها رفعت ضغطتي في تلك المباراة لا والمشكلة ينفخون كنهم على حق
انا اقول اذا هالنوعية من الجمهور تحضر وشهو له رابطة خلوهم يجلسون وجيبو لهم حب
وشاهي وجيبو لهم الاعادات في ساعة الملعب ونعطيهم بوسة راس بعد اذا جا هدف ;)
واتمنى ان يخلونا نغير هذه النظرة فيهم وآسف للإطالة والاسهاب
تقبلو تحياتي | 