الموضوع:
واخيـــــــــــــــــــــــــــــراً اسدل الستـــار عن التوقيـــــــع
مشاهدة مشاركة بصفحة مستقلة
#
11
28/11/2007, 04:52 AM
فرصه ضايعه
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
مدري وش أقول
بس حبيت أشكركم على تفاعلكم السريع
وردودكم اللي تشرح النفس
وكرمكم والله تستاهلون من يتعب لكم ورده
واشكر المشرفين على كرمهم وتثبيتهم موضوعي المتواضع
الله يعطيكم العافيه ورده
حبيت اطمنكم أني الحين الحمد لله بخير
... وصحتي عال العال
الحمد لله يارب
ودي اعلق تعليق بسيط وامر مرور سريع على ردودكم
مع أن الإجابات على بعض اسئلتكم أنا موضحتها بآخر جزء بس ماتصبرون ياحبي لكم
المشاغب
يالله حيه واسعده ورده
إقتباس
الظاهر أول مرة أدخل لموضوع يكون كاتبته فرصة ضايعة ..
وش دعوة ياخوي
نسينا ماكلينا
... وكذبة ابريل نسيتها
عاد مب لهالدرجه انا منقطعه
<<< راحت تشيك على آخر موضوع لها لقت لك رد
إقتباس
ما شاء الله عليك .. أنتي اللي تصورين ؟ ولا أحد غيرك؟ ووش نوع الكاميرا اللي صورتي بها وكم قيمتها؟
اثري مصورة وأنا مدري عن نفسي
<<< برى
والله حسستوني أني شي
الله يجزاكم خير على الترفيع
والله اللي أشوفه أن الصور التقاطها مافيه ولا ذرة إبداع
وأغلبه كنت التقطه والسيارة تمشي بعد
<< عشان تزيدون المدح
فيه لقطه اصبروا عليها بالجزء الثالث بتخقون عندها
كاميرتي كانون Canon Digital IXUS 70
كاميرا عاديه تصلح للناس اللي زينا
فيه أحسن منها بواجد بس كلهن فوق مستوانا
وهذي صورتها
سعرها يوم اشتريها مب غاليه الظاهر طالعه علي بـ1399 ريال بس
الحين أكيد أقل سعرها
إقتباس
خلاص الصيف الجاي رايح سيريلانكا رايح الله لا يعوق بشر .. يمكن هي البلد الوحيدة اللي بآمن على نفسي من الفتنة
هههههههههههههههه
أما من هالناحيه صدقت
... يمكن فيها هالأوربيين بس أغلبهم شيّاب
بلد تستحق الزيارة
لارحت لها لاتنسى تصور لنا
الله يجزاك خير على ردك وإعجابك بالموضوع يزيدني فخر
خلك قريب ورده
نور الشمس
ياهلا ومسهلا فيك يالغلا
إقتباس
استغرب ماشاء الله كيف ركبتي الفيل
ولو ..... اصلا من هنا وأنا معلنه أني بركبه الله لا يعوق بشر
والله وناسه تحسين بشي غريب
وبعدين أهم شي بسيريلانكا ركوبك للفيل
تسلمين لي على متابعتك ورده
بلد الوليد
ياهلا ياهلا
إقتباس
فرصة طالعه برا
لا داخله جوا
إقتباس
حرام عليكم تروحون سرلنكا ولا تروحون المالديف جيرانهم
حنا رحنا بقريه بسيلان نفس الشي تقريبا
يعني منتجع وبحر هذي المالديف بس أن جوها أخيس من سيريلانكا
لأنها رطوبه عظيمه كنها شرقيتنا بأغسطس
لذلك صرفنا النظر عنها
منتظرة تواصلك لاتحرمني منه ورده
برايفت
ردودك دايم تجوز لي
... خلك على هالوازنيه
سيمو
دايم ماتحرجني بتواصلك معي
الله يجزاك خير ورده
إقتباس
وفيه مكان جميل يسمى شاطي كولمبو الهائج ..
فيه مكان أحسن منه
اصبر بتشوفه أن شاء الله
الله يسلمك من الشر ..
وخلك قريب ورده
ابو صقر
ياهلا ومرحبا فيك ... منور
إقتباس
لو تقدرين نزلي كتاب زي كتاب أنيس منصور: حول العالم في 200 يوم
ههههههههههههههههههههههههههههه
أخاف انزله ولا يشتريه أحد
إقتباس
طيب بسألك سؤال:
بصراحة.. هل تصلح سيريلانكا لشباب يسافرونها مع بعض؟
يعني: هل فيها أشياء فلة غير الطبيعة؟
أنا أحسها تصلح للشباب كثير
اللي يهوون المغامرة وحب الطبيعه
ولا يهمهم السفر عشان سنما ولا ملاهي ولا سوق <<< ترى فيه ناس مايسافرون إلا عشان كذا
يعني انس تلقى تطور عندهم
...
بس عندهم منطاد
وقارب مطاطي بوسط نهر جاري
اللي دايم نشوفه بالتلفزيون وينقلبون على صخور
عرفته ولا أجيب له صوره
اسمه الظاهر RAFTING
تعال شفه
وصخرة سيجيريا
ونهايه العالم كلها تصلح للشباب
طرقهم اخيس شي لأن ماعندهم مطارات بمدنهم غير كولومبو العاصمه
يعني بعض الطرق تقعد حول الست ساعات وأنت تمشي
طبعا أكيد يتخللها وقفات كثير
بس والله ماتحس فيها لأنك مغير تشوف هالطبيعه اللي ترد الروح
اتمنى اكون افدتك
ولو تبي مواقع كاتبه تقارير شامله أحسن مني عطيتك
خلك قريب ورده
هامور البورصه
أجل أنا مغبرة
شكلك ارتحت يوم عرفت وش سالفة التوقيع
يعطيك العافيه على تواصلك خلك متابع ورده
106sarona106
عليك اسم معقد
هي بالطبيعه أحلى من ماليزيا
خضارها تحسينه فسفوري
<<< تخق لاشافته
بس وش تقصدين هنا مافهمت
إقتباس
بس يوم شفت
البرص
بغيت ارجع وراح كل الكلام
وعادي أنا الحمد لله ماتفرق معي المرتفعات
عشان كذا ماخذه راحتي
الله يسلمك خليك متابعه ورده
متلثمة بشال الهلال
يالله حيها واسعدها
تابعي ولي الشرف ياوخيه ورده
ريري هكتور
هلا وغلا بالغاليه
الحمد لله ابشرك أني بخير
تايلند فيها بلاوي متلتله لذلك صارفين النظر عنها
بالعربي ماتصلح لنا
إقتباس
بس عاد احس ماليزيا اكثر نظافه وتطور منها
تطور ايه أنا معك
بس نظافه كلهن نفس الشي
إقتباس
وراتس مالقطتي صورة العريسه ... خليتينا نشوف المكياج والطرحه
لا تحرجيني مابي احط فتن هنا
كانك ملزمه ارسلت لك بالخاص تصوير الفيديو
إقتباس
تقول متنا جوع ناكل من ماكدونالدز وحنا شاكين انه الذبح مو اسلامي
كنتاكي عندهم كاتب على الباب حلال وش كبرها
إقتباس
هو بالمناطق هذي مافيه شي شين الا الأكل وشوية مضايقات للمسلمين وبس والا الباقي
الحمد لله ماتعبنا بالأكل كثير يمكن لأننا كنا متوقعين أكثر من كذا
والمضايقات ماشفنا شي الحمد لله
إقتباس
بروح لأهلي واسوي دعايات لسيرلانكا ..
ايه روحي يابعدي خليك زيي
إقتباس
واي حاجه بدك اياها انا تحت أمرك بمساعدتك
توك تقدمين المساعده
مب علي يوم دريتي أني مخلصه كلش قلتي
عندك مساعده
مب علي هالحركات
امزح يالغلا والله ماتقصرين تسلمين ورده
خليك متابعه
الماسه الزرقاء
ياهلا وغلا
ياقدمك ياشيخه وينك ماتنشافين
إقتباس
لكن مدري عن خدماتهم وفنادقهم ومطاعمهم وأماكن الترفيه ,
إلا كيف النوم ؟ تحسين إنك تنامين مرتاحة !! يعني تحسين الأماكن نظيفة ؟! لأن عندنا ناس موسوسين
فنادقهم حلوة ومرتبه وزي ماشفتي الهيلتون
وايرلس بكاندي بالطريق جايك يهبل
وواحد سكناه ماودك تطلعين منه من زينه
والله النظافه فيه فنادق سكناها بزابيز الماء تلاصف مافيها ولا قطرة
ترى حنا موسوسين مثلكم لا تشيلين هم
اهم شي تختارين صح بس
والنوم والله من رحنا هناك ونومنا وش زينه ومتواصل
أجي منهد حيلي بين عشوين والله بعض المرات يالله اتعشى
واصكها نومه الين يذن الفجر ومتواصله ولا فيها قطعات زي نومي هنا
كانك تبين أكثر عطيتك حاضرين للحبايب ورده
متابعتك شرف لي خليك جمبي
قرقاص
يالله حي الشيبان
تو مانورت مواضيعنا
إقتباس
ذكرني بموضوع نزلته قبل 5 سنين عن رحلتي لجزيرة موريشيوس
شايفته وقسم
صجيت اهلي ذيك السنه نروح لها كله من تقريرك
إقتباس
رغم ان عندي صور ناوي انزلها عن ماليزيا وتايلند ولاس فيغاس
والنمسا
والمانيا بس ماهنا وقت
أهم شي ذي اللي بالأحمر تراها ماكله عقلي
إقتباس
الا وش كان يطبخ ؟؟ جريش ولا سليق؟
كاتبه بالتقرير يطبخ رز بس الكبر شين
أنتم لو شفتوا وشلون شخلوا الرز
كان حرمتوا تاكلونه
الكريمات أنواع وأشكال لدرجه وهو يشرح معطينا ورقه نكتب عليها وش فايده كل مرهم
وكل مستحضر عنده
حتى فيه حق ذاك وذاك
وخاص بالرجال
<<< أكيد فهمتوا
تسلم والله على متابعتك ..
خلك قريب ورده
عالم الهلال
ياهلا وغلا والله
انتي زيي اعشق التصوير بس ماحسيت أني تطورت
على كثر ماأدخل مواقع واحاول اطور نفسي بس احس الألتقاط فن
مب أي واحد يجيده
إقتباس
..<< ان شاء الله سوني حاطة عيني عليها
تبين نصيحتي
غير كانون ونيكون لا تقربين
سوني مع خالي
وقسم متحسف أنه شاريها لأني اصور أنا وهو نفس المناظر
أنا تطلع ألواني نفس الطبيعه وهو لا مسوده بقوة
نوعها شوفيه فوق بردي على المشاغب
الله يسلمك متابعتك تهمني
خليك قريبه ورده
A.K.N 505
ياهلا فيك أخوي
صادق الطبيعه عندهم ودك بس لو تجيب نصها هنا
يعطيك العافيه ورده
خلك متابع
الحمد لله خلصنا ردود الصفحه الأولى
بريح شوي وارجع لحبايبي
خلوكم بالجوار ورده
فرصه ضايعه
مشاهدة الملف الشخصي
البحث عن كافة المشاركات التي كتبت بواسطة فرصه ضايعه
