السلام عليكم ..

صباح الخير .. مادام باقي ع المحاضره ساعه خل نطيرها هنا

إقتباس الرسالة الأصلية كتبت بواسطة أسيــ الزعيم ــر طبعا ً فيه مباراتين اليوم ممكن تغير نجم الجولة وافضل هدف

تغيرت

مباراة السبيرز والهامرز طبعاً انتهت 1-1 الهدف جاء بخطأ من يونس قابول اللي كان
عاله أمس على المباراه ككل .. واستفاد منه بوا مورتي اللي أخر الكوره ومررها
لـ سولانو اللي فتح له بسرعة البرق وعرضها لـ كول اللي ماصدق لقى المرمى مفتووح

والتعادل جاء عن طريق كره ثابته رفعها جيناس داخل المنطقه للمتألق داوسون
اللي ضربها براسه من فوق غرين حارس المرمى اللي يتحمل هالهدف بسبب خروجه
الغير مبرر وترا داوسون هو نفسه اللي سجل هدف التعادل في تشلسي في المباراه
اللي انتهت 2-1 للسبيرز ( مياكليلي , داوسون , لينون )

مباراة أمس تستحق افضل مباراه في الجوله واللي تابعها اكيد ماعرف يشوف مباراة
منتخبنا ..

إثارهـ + فرص أهداف بالكوم + تكتيك عالي من المدربين خصوصاً خواندي + لياقه
ساهمت بخروج المباراه بمستوى واحد من البدايه للنهايه + جمهور ناري + معلق
مجنووون ..

المباراه بدت وسط افضليه للسبيرز الى ان جاء الهدف الاول للهامرز بعدها استلم
الهامرز المباراه بفضل أفضلية خط وسطه وخطورة بوا مورتي وغياب خط وسط
السبيرز وارتباك سنتر الغفله قابوول

من بعد الهدف لنهاية الشوط ماكان لتوتنهام اي فرصه فعليه سوى انفرادة روبي كين
اللي حاول ياكل الحارس ويوم طالت الكوره رمى نفسه وطالب بضربة جزاء لكن
الحكم كان صاحي

الشوط الثاني بدا شغل المدربين .. خواندي سحب قابول السيء وادخل بينت واعتمد على
طريقة 3-5-2 بحيث عاد زوكورا وشيمبوندا للخلف بجانب داوسون وتقدم غاريث
بيل للوسط مع جيناس ومالبرانك وبيرباتوف زلينون .. ومسك الكوره اكثر

بينما كربشلي ضعف الهجوم عنده بخروج بوا مورتي اللي كان مسبب قلق لدفاع توتنهام
اللي ارتاح كثير بهالتغيير الغير منطقي

ويست هام اصطدم بروبنسون اللي اخرج اكثر من كوره خطيره ومحققه .. واظاهر
الانجليز ما يبدعون الا اذا صفروالهم جماهير الانديه اللي ضدهم .. روبنسون امس
سوا الهوايل ويستحق نجومية المباراه وبعده زوكورا وبوا مورتي وداوسون على التوالي

توتنهام اعتمد على سرعة ومهارة بيل وضعف الظهير الايسر للهامرز ووصل اكثر من
مره من الجهه اليسرى .. وايضاً في اخر الدقايق كاد توتنهام يخطف الفوز بعد اختراق
جيرمان ديفو ( اللي دخل بديل لروبي كين ) وحصل على ضربة جزاء سددها بنفسه
وتصدى لها غرين ومسح خطأه تبع هدف التعادل

أفضل مباراة شاهدتها .؟

توتنهام vs ويست هام


أفضل هدف شاهدته .؟

جيرارد

نجم الجولة من وجهة نظرك .؟

روبينسون وجيرارد بالتساوي

وهذي من عندي افضل مدرب .؟

راموس

مشكورين على هالفكره الرووعه .. واتمنى يستمر هالاستديو الى نهاية
البريمير

فمان الله