نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - إعادة تعريف.. (( للرياض وما شابهها - إن وجد!

فرصه ضايعه · #3 20/11/2007, 10:27 AM

أبو صقر

ماشاء الله إبداع ورى إبداع

الله لا يضرك

بقولك عن نفسي

أنا من عشاقها

ويمكن مامرت علي فترة وانقطعت عنها
واكثر شي يمر علينا شهر

يمكن وننهبل لو مارحنا لمها

بس اكتشفت أن حبي لها مب عشانها الرياض بس

عشان أهلنا هناك وأخوالي وجميع أقربانا

يعني نروح وحنا شفقانين ونبي نشوفهم

يعني مرة كنا فيها وكانوا أخوالي مسافرين وقسم حسيت أننا مكتومين

ندور على اي شي نروح له نرفه عن انفسنا

مع اننا مانطلع لشي يوم اخوالي فيه وكنا مبسوطين

وعذرت العالم اللي هنا مايحبونها

أنا كنت ادافع وبقوة عنها لا قالوا مافيها شي ينحب

الحين أهلي يطرون السكن فيها

بس أحس أن فيني شي يجذبني للشرقيه

يمكن لأني من ولدت وأنا فيها
يوم كنا صغار دايم نقول لأبوي ليش ساكنين هنا

وش اللي مطيرك عن أهلك ومسكنك بعيد عنهم

لأننا بالعطل والأعياد لازم نسافر لهم

بس الحين ماتفرق معنا لأننا حبينا ديرتنا وشرقيتنا
والله أنها تفرق واجد عن الرياض

بقولك مثال بسيط بس

في الرياض اخوالي مايعرفون جيرانهم لأنهم بكل بساطه متشبعين على قولتهم
ومايحتاجون لهم دام أن أهلهم قريبين منهم

أما حنا الحمد لله بالعكس
احس أهل الشرقيه عندهم الجار شي عظيم

وهو المفروض اللي يصير لأن الرسول موصينا
يعني حنا لنا كم سنه ساكنين بيت جديد بس والله أن اغلب الجيران نعرفهم

وفيه تواصل بينا

...

مع ذلك أحبها

نصك بمجمله رائع أخوي فيصل

ولكن فيه عبارات استوقفتني اكثر وحبيتها كثير

منها

إقتباس


	إن همُ لمزوا الحنين بـ (لا بحر ).. وتناسوا ما حوى صدرك من نور وروح وفضائل.. ها أنا أكشف صدري ليروا فيه أمواجا على كف الظهيرة وليروا في صحاريكِ سواحل في دمي الأسماك يسكنها حنين للسواحل!

إقتباس


	ربع قرن أو أقل ربما قد مر أكثر! ما حسبت السنة الأولى ولا عشرا تلتها.. ما عرفت العد إلا في غيابــِك..! فحسبت الخمس ألفا.. وألفت الدمع ضيفا.. وأنست الحلم في الأسحار قصفا! في غيابــِك كل نور ٍ كالعتيم كل صبح ٍ صار مشجا من ظلام وجحيم

هنيئاً لنا بكاتب بيننا يكتب هكذا إبداع

دمت متألقاً

سلاااااااااااااااااااااااام ,,