أخوي لا أتعب نفسك معهم أنت بس قول لهم هالأبيات ..كلٍ يعـوّد لأصل جـدّه ومربـاه
راعي الشرف يشرف والأنذال يهبون
** الفْرع من عوده شرابـه ومسقـاه
والحنظلة مرّه ولو تشـرب مـزون
**
الطّيـب كايـد والمناعيـر تقـواه
والهون هيّن تدنع النفـس وتهـون
** ناسٍ على كسب المراجل مضـرّاه
وناسٍ على كسب الفشيلة يضـرّون
** ..هذا على وضح النقا كـل ممشـاه
وهذا إلى شافـوه ربعـه يصـدون
** ..لا تامن الخوّان لو زخـرف حكـاه
من خان بك مرّه يبي باكـر يخـون
** ..وافطن ترى زول الرّجاجيل تـوّاه
كم واحدٍ يعجبـك زولـه وهـو دون
** ..يا طيّب الشارات من يـوم منشـاه
احذر عدوّك لايغـدرك علـى هـون
** ..ترى عدوك غايتـه فيـك ومنـاه
يزرع بصدرك من قنا رمحه طعـون
** ..والّلي رضع لبـوة عـدوّك توقّـاه
الجرو ولـد اللبـوة الّلـي تعرفـون
** ..للطّير يالصقّـار بالرّيـش مغـواه
الجاهل الّلي بأكثر الريـش مفتـون
** ..للحُـر والشبـوط ماكـر ومجنـاه
والفرق بالأفعال لـو هُـم يطيـرون
*** وأخيرا أقول حفظ الله أبو متعب و ولي عهده و وطننا الحبيب وحمى الله الزعيم اللهم آمين 
