نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أفـواهـ الـبـعـض لا تـحـتـاج إلى دكـتـور .. بـل إلـى سـبّـاك ..!!

الـمـشـاغـب · #12 18/11/2007, 10:57 PM

انجي لردود الصفحة الثانية اللي طالعة من بعضهم ريحة فم تصرع

<< هذا جزاهم أنهم ردوا على موضوعك هاه؟

============

لمشاكس

إقتباس


	يعني تارك اختباراتك .. عشان تكتب لي موضوع عن ريحة الفم .. هلا والله سلطان .. ياخي قبل مدة كنت انا وبعض الشباب بطاريك .. المهم واحد منهم قال : والله ان سلطان هذا آدمي خفيف دم .. عاد انا قلت : يا عمي طييير .. رح العب بعيد الله يصلحك .. قام واحد ثاني قفز بوجهي بقوله : يا رجال وش دراك انت .. والله انه اكثر بني آدم خفة دم مر علي .. عبيط : يا خوي على شحم .. حرام ما عندك ما عند جدتي .. ردوا علي الشباب كلهم من فم واحد : والله انت ماااش يا عبيط .. تسمع اجل بخفة الدم .. عبيط : لا يا لوح انت وياه .. انا معكم انه خفيف دم .. بس انه آدمي معليييييش .. الشباب كلهم : ايه اما في هذي كلنا معك ..

خخخخخخخخخخخخخخخخخخخخخخــ

يا أخي والله أنك رهيب وحبيب وخسيس

دمك وربي عسل ورده

ومو أنا اللي أقول كذا بس .. هناك شخص ما قال ردود المشاكس تضحك مدري وشلون يجيبها كذا

<<< تراه يا راشد يقرأ الرد الحين.. وأكيد ما يبيني أعلم من يكون بيستحي

إقتباس


	الحمد لله على السلامة .. وما ابطأ من جاء .. وهذا حال الدنيا طريق وكلنا سايرين فيه .. ويالله حيهم .. واقلطوا .. ويهناكم المطر .. وفي الحديد ولا فيك .. وخارج من الشر .. وتبلاه بالعافية .. ويعطيك خيره ويكفيك شره .. <<< شف وش يناسبك ورجع الباقي

كلهن مش بطّالات

بس أحلى شي .. تأبط شراً

تذكرني بالنحو

إقتباس


	[CENTER] انا اهديه الى شخصين بس وارسل لهم معه بطاقة مكتوب فيها .. " واللي يرحم ام خلفتكم .. اطلعوا من حياتي " ..

يا حظك بس اثنين .. عاد أنا وش أسوي بهالكم الهائل من الشلة الخايسة؟

إقتباس


	والله انا من وجهة نظري .. انه اي رائحة كريهة .. لازم صاحبها يشوف لها حل .. من روائح الدخان .. الى المعسلات والشيش .. الى بعض الاذواق المخيسة في العطور .. وانت ماشي ..

أحسنت

<<< الله يذكر الماسة بالخير

الله يعطيك العافية يالغالي على مرورك المختلف دائماً .. وترى إن احتجت أفكار لمواضيع .. ترى حاضرين

تقبل تحياتي وقبلاتي

--------------------------

إقتباس

الرسالة الأصلية كتبت بواسطة asim 9


	ورده مشكور والظاهر انك تاذيت من روائح الفم الصراحة الموضوع كاني انا الي اقوله لاني يما شميت روائح فم الله لايوريك عاااد مرة ايام كنت بثالث ثانوي جا المدرس وقال يافلان اطلع حل المسالة المهم طلعت والمدرس مو معفن المعفن واشم ذيك الريحة كانها ريحة جثث وانا الي اقولها في وجهه اوووف وش ذي الريحة الخايسة عاد الرجال حقد علي حقد الين اخر السنةوهو حاقد

الله يعافيك يا بعدي .. وكلنا متأذين .. الله يصبرنا بس

أما موقفك مع المدرس فيه تهور بقوووة .. خلك على أخوياك يا حليلهم لا تحتك بالكبار

شاكر لك مرورك يا دب ..!! ورده

-----------------------------

فرصه ضايعه

إقتباس


	ورده لك <<< مستانسين على الحركه الجديده المشاغب انت ارهب واحد ياخي موضوعك بالصميم تصدق عاد أنا زي ريري حسبت الموضوع قبل لا ادخله عن الحش وتقطيع الناس بس يوم دخلته ولاه شي يخليك تحمس تكتب رد عشان تفضفض شوي

ولكموووووووووووو ورده

وأنتي أرهب واحدة

فضفضي ياوخيتي فضفضي

إقتباس


	الله لا يجعلني بوجه واحد زيك تروع <<< شكت بعمرها من الحين

أذكر قبل كم سنة كنت عاقل وأستحي

بس مدري وش فيني بعدين تغيرت .. شكلي زحلقت وغطست في قدر مرق لين راح الحياء؟

صدق مدري وش غيرني

إقتباس


	ذبه أليمه ... بس والله توجع صاحبها بس كانها بتفيد معه يستاهل

والله ما قلناها لأحد إلا وهو يستاهل

جابوا لنا القرف

إقتباس


	من وين تجيب هالذبات الله يستر علينا منك

هذي طال عمرك أشتريها بالكيلو

لا بس لما تصير تعاني من شي وتفكر فيه كثير راح تجيك ذبات في الصميم

إقتباس


	هذي صارت لي يوم مسابقتنا الرمضانيه انهبلت أمي مني تقول غرفتك تصرع من ريحة فمك <<< ساكته طول الوقت وماتاكل ولا شي وماتبي فمها يخيس والله أني افرش وكلش بس يوم رحت للمستوصف قالت من الحاله النفسيه عاد صارت لي يومين تقريبا وبوقت المسابقه بس الله لا يعيدها أنا الحمد لله عندي أمي تطقها بوجيهنا عشان مانتفشل مع الناس ولا قد قالت لي إلا ذيك المرة <<< ماتبيكم تمسكونها عليها أنا اضفت سبب عاشر كملت لك العشرة اللي هو الحاله النفسيه

خخخخخخخخخخخخخخخخخخخــ

أنا أشك أن فرق البنات اللي بالمسابقة كلهم صابهم ( بخر الفم )

فريق الزهور والسمو والكونغرس وفريق ليز وريري وسوسو مدري وش اسمه وفريق العباقرة ..!!

الله لا يبلانا ولا يعيد هالمسابقة إلا إذا كان فيها تنظيم جيد هالمرة

إقتباس


	يعطيك العافيه مشاغبنا موضوعك جريء وفي الصميم أجبرني على الرد مع أني متوهقه أنواع الضغط عندي سلااااااااااااااااااااام ,,

الله يعافيك فرصتنا الضايعة

ولا هنتي على المرور الجميل والرائع ..

متشكر أوي أوي لحضرتك

-------------------------------

اليزابيث هيرلي

إقتباس


	يالله .. وش ريحة العود و البخور الفايحه من موضوعك تنادي الغادي ..

هذي ريحتك وريحة المشاكس وريري وفرصة ضايعة طال عمرك

إقتباس


	من جد موضوع حساس .. رائحة الفم ماتنطاق خصوصا عند العيال .. أذكر وحده تطلق على أي مراهق ( أبو ريحه) لما سألتها ليه قالت من روائحهم العطره ..

أكاد أتفق معك .. لأن البنات 24 ساعة يتكلمن مثل ما ذكر الكناري

عشان كذا اللعاب يسيل ولا تتكون الجراثيم في الفم .. فتخف رائحة الفم ..!!

أما الأولاد يا عميري مساكين .. مؤدبين وشاطرين ما يتكلمون .. عشان كذا هم خايسين

إقتباس


	الحمدلله أفرشهن قبل و بعد ما أنام لا و كراتين العلوك لازم بدروج المعلمات .. ماتشوفهن إلا يتطايرن بالهواء كل وحده تجدع على الثانيه .. ناهيك عن التروش بالعطور كل بعد حصة ..

الله أعلم

إقتباس


	أنت متضايق من ريحة الفم وش رايك بـ ريحة فم + ريحة عرق + شيبس >> وياقلب لاتحزن .. ((أحلى تحية لمعلمات أول متوسط الله ياجركم ..

وعععععععع وععععععععععع

الله يحوم تسبدك .. حامت تسبدي

لو أدري أن ردك كذا ما كتبت الموضوع

<< يااااااي

إقتباس


	شكرا المشاغب على هالطرح المعطر بأجمل العطور الباريسيه >>> سبحان الله الخالق الناطق أنت ..

العفو يا الأبلة البلها

ومشكووورة على مرورك الطيب ... ومشكورة أكثر على تشبيهي بالسمايل اللي أحبه

------------------------------------

إقتباس

الرسالة الأصلية كتبت بواسطة MR.DL5


	.. هلا والله بقلبي سلطان .. كنك داري عن واحد دايم يجلس قدامي في الجامعة .. من دون ما يلتفت .. ريحته توصل لي !! المشكلة انه ما يداني شئ أسمه علك !! أول محاضرة أصير متلطم من هـ الي قدامي !! حايمه تسبدي من هـ الي قدامي ! المشكلة ما أمون عليه .. لا كان زبدت له ! سلطان .. تسلم يالغلا على هـ الموضوع .. كود الي قدامي في الجامعة يقراء بـ الغلط هـ الموضوع ويفكر انه يفرش قبل لا ينوم ولا يشوف له حل !

هلا والله وغلا بحبيب القلب مستر دلخ

يا بعد قلبي والله حاس بمعاناتك لأني أعاني نفس المعاناة بالجامعة

الله يسلمك يا أبوالدلاخة كلها على تشريفك الموضوع البسيط

وان شاء الله خويك يقرأ الموضوع عشان يزود الجرعات الكيماوية لك .. كود الدلاخة تطلع من مخك وتتعالج

تقبل تحياتي ورده

---------------------------------

إقتباس

الرسالة الأصلية كتبت بواسطة جرح يشكي


	يا ليل القرف ورده سلطان قصم اني ما تغديت ، وشكلي بـ اصوم بعد موضوعك قلت المواضيع ..!! سلطان طس بس طس <<< هذا العضو بالخارج هع هع

هلا وغلا بالجرح اللي يشكي

يا أخي أكرهك أنا مدري ليه؟

يالله يا رب دووووم هالقرف

تحياتي لك..! ورده

----------------------------------

إقتباس

الرسالة الأصلية كتبت بواسطة بلد الوليد


	ورده --> قصمن ياهي حركه سولتان اهب يا وجهه امس بالليل اكلمك ولا حولك طاري موضوع امداك تنزله تبي الصدق ما اقول الا ماشاء الله موضوع مفيد لكن باسلوب مشبع باللعانه والنذاله ياخي شوي شوي على الناس تقبل مروري غصبن عنك بعد ما بقا الا هي انا اقول لسلطان تقبل مروري

هلا هلا هلا هلا وغلا وغلا وغلا وغلا ببلد القلق

يا أخوي .. تدري وش سالفة الموضوع؟

كنت أسولف معكم وما لي نية أبد أنزل الموضوع

بس والله أول ما تعبت ونعست .. وكنت أبي أنام كلمني خالي من الهم وقلت له بأطس أنام..

قال نوم العوافي .. قلت : ولا تدري؟ مسكت معي أكتب موضوع

قال تكفى نم .. قلت خلاص بأنام .. وقال أنه بيدق علي عشان يتأكد أني نايم .. << غبي ما يدري أني ما برد عليه

ورحت أكتب موضوع .. وبس هذي السالفة

بالنسبة للعانة .. فهذي نتعلمها من حضرتكم طال عمركم

فيصل صديقي وحبيبي .. تقبل تحياتي يالطلي

------------------------------------

[QUOTE=الهنوووف;6816372]ورده

والله وناااسه مافي قلب

>>هذا المستخدم متلثم حامت تسبدي

برجع لين تخف الريحه

باكــ
والله ياخيو الي ذكرته شي للاسف نعاني منه من البعض الله يهديهم
مير انتو اهون تقدرون تتلثموون وتقوولوون اسناني تعورني

واكثر مانعاني منه برمضاااان

وبعض الاطفال بعد
للاسف البعض يهتم باالشكل الخارجي بس يلبس زين وخلاااص
يعني لانظافه ولاشي
وش رايك نقط ونشتري فرشاه ومعجووون نوزعهااا على البيوت

يعطيك العافيه اخوووي
موضوع متكامل

بس سؤال
وشلون قدرت تكتب موووضووع بعد انقطاع وتنزله
لي 7 شهوور اكتب واذا جيت بنزله اهوون

/QUOTE]

هلا وغلا الهنوووف ..!!

وش حامت تسبدك منه؟ الموضوع والردود كلها حلاوة وعسل

بس أختلف معك أنكم تعانون أكثر .. لأنكم أنتم يالبنات تتغطون .. فتقدرون تمنعون الريحة عنكم بدون ما أحد

يحس فيكم .. لكن حنا صعبة نتلطم بالشماغ قدام الرجال بيشك في الوضع وبيتحسس

بالنسبة لاقتراحك والله رهيب .. بس ما بنبالغ بالقطة .. راح نخلي القطة للشباب اللي بيحضرون الاستراحة عشان

ما يكسرون روسنا بريحتهم

بالنسبة لسؤالك ..

الجواب : هو أني ما أفكر أني لازم أنزل موضوع يكسر الدنيا .. أو يتثبت .. عشان كذا ما أشيل هم المواضيع كثير ..

الكسل من الرد على الردود هو اللي يخليني أتكسل في سدح الموضوع ..!!

تصدقين؟ حتى مواضيعي اللي راحت المميزة ما فكرت وأنا أكتبها أنها تروح المميزة .. والله تفاجأت أنها راحت المميزة..

مو شرط أني إذا كتبت موضوع حلو .. لازم الموضوع الثاني يجي أحلى منه .. لا ..!! عشان كذا كتبت هذا الموضوع الخفيف

هذي وجهة نظري بالنسبة لنفسي ... وأنتي أدرى بنفسك..!!

شكراً لمرورك العطر ..!! ورده

-----------------------------------------

هنا أتوقف ... الكناري الأزرق يا هلا والله وغلا يا بعدي .. راجع لك يالشين .. بس أبي أرتاح شوي

عشان أرجع لك برد يناسب عودتك يا بعدي