حبيبي قلبي المشاغب هلا بك أنت وردك البايخ مثل وجهك

إقتباس مستحيل الرياض تصير بدون زحمة ما فيني حيل أناقش .. خلني أرد على ردود موضوعي اللي ابتلشت فيه أول بس على العموم .. مشكور على الموضوع .. وبانتظار الردود اللي بتجيب الحلول الناجعة لهذه المشكلة المستعصية المشرئبة المتقوقعة حول الذات الأمارة بالسوء <<< لا تشرهون مسكت معي الفصحى بالغلط

يخوي داري إنها زحمه وش جبت من جديد أنا طرحت الموضوع أبي حلول لهذه المشكله المستعصيه المشرئبه المتقوقعه مثل ما تقول حظرتك بس بعذرك لأني عارف نفسيتك هاليومين.

تحيتي لك حبيبي

**************************************************************************************************** ************************

فياض يامرحبا بك

إقتباس مالقى الا حنا يستشيرنا عطه جوه بس

أنا قلت أستشير فياض قلت أستشير كبارية المجلس

نرجع لردك يالجهبذ.

إقتباس ياخي انت ماتقرا الأخبار ماشفت منتزه الربوة الجديد وفي الحكير لاند وفانتزي وستارسيتي وللي جنبهم سيت اسمهم لا ولا تنسى عالم الثلج هههههههههـ هو في بس كله عوائل خلنا فـ الكافيهات بس قايلك تعودنا ع الطفش وهذا سبب الجريات الرئيسي لدى الشباب <<< شطح من يلحقه

يخوي هذي يبي لها سنين حتى تتفعل وتصير على أرض الواقع بس ألحين ماضني حولكم شي ثانيا وشفيكم حاقدين على العوائل وبالذات إنت اتوقع إنك لسا تطلع مع العوائل <<<<أمزح.

فياض لا هنت على المرور ومشكور حبيب ألبي.

برايفت فياض

لاتزعل من بعض المصلطحات الي أستخدمتها بس لأنك قلت لي بالعصر كلمه قلت أرفع ظغطه


***************************************************************

كل الفن هلالي وفي روايه فارس يامرحبا فيك شخبارك حبيبي وش مسوي .


فارس عيوني تقطعت عشان أقرأ ردك ترا أمتحنتني بالمجله وهنا بهالخط غيره بس الي فهمته إنك تبي إجازه وزحمه ياخي وش تبي فيها الدراسه زينه لاهنت يافارس على مرورك الجميل.

****************************************************************
عالم الهلال.

يامرحبا فيك ونورتي الموضوع أختي الكريمه

إقتباس اذا فكرنا صح وخططنا اما اننا نحل المشاكل وقت حدوثها راح ندخل في مشاكل ثانية

متى بنفكر صح أصلا عشان ما نوقع بالمشكله اتوقع يبي لنا سنين .

إقتباس الحل ان السكان يقلون يعني يطورون مناطق ثانية يستقر فيها الناس ولا يفكرون يهاجرون للرياض ويهتمون بها لأن معدل سكان الرياض كبير جدا اعرف ان الحل صعب لكن هذا اللي طلع معي.

مو حل وأنا أخوك فيه حلول لنفس المدينه في تطوير وتوسيع الطرقات وتوزيع المجمعات الحكوميه أما العاصمه فلا بد أن تبقى واجهة المملكة.

إقتباس هذا مربط الفرس الجميع يعرف ان هذي مشكلتنا يالسعوديين يعني معرفة المشكلة نصف الحل حتى الدول الثانية عرفت مشكلتنا قامت توفر هالشي وتجذب السعودييين لها.. لكن متى يحلونها..؟؟

أتوقع في عام الفيل بيحلونها ولا بالله لنا عشرات السنين نتكلم ومكانك راوح خليني ساكت وأنا أخوك

لا هنتي أختي على المرور ومشكوره على الأضافه الطيبه.

دمتي بخير.

****************************************************************

إقتباس وش قصدكـ أي موضوع . . ! ! لايكون أهل الرياض والكورنيش .. والله ياعبدالوهاب الموضوع تسكر متأخر يعني صارت فيه مشادات كلامية .. والله ستر .. وأشكرك ع الموضوع المهم بصراحة .. تحياتي

هلا بك وليد يالله إنك تحييه والله إنك عارف وش أقصد بالموضوع وما نبي نجيب سيرته لجل ما تصير مشادات هنا وكل ديره وأنا أخوك فيها الصالح والطالح.

لاهنت وليد على المرور.
***************************************************************

[QUOTE]بالجنه أن شاء الله[/QUOTE]

إنشاء الله هلالي الرس وجزاك الله كل خير .

******************************************************************

[QUOTE]هو شو يخصه ؟؟؟!!

الزحمه من الشعب وهو واحد من الشعب


وجهة نظر
[/QUOTE]

هلا دلع الأمارات وأنا أخوك هو مسؤول عن راحة الشعب ولازم يوفر لهم هالراحاه .

لاهنتي على المرور ومرحبا الساع .
******************************************************************

إقتباس الله يااااحلوووو الإجااازة ومشكووووور عالموضووووع الحلووو

هلا الدلوعه مشكوره على ردك الحلو على قولك والاجازه مو حلوه وجهة نظري

****************************************************************

إقتباس ان شاءالله ـــــــــــــــــــــــــــــــــــــ هلا وغلا بحبيب البي عبدوووووول والله يا طويل العمر ما فيه حل الا قطارات المترو يحطونها وسط الرياض ويكثروا من ذا الكباري وطرق الفرعيه خصوصا قطارات المترو تفك زنقه غير طبيعيه خصوصا للسحالي ومكان يضبط للخرفنه اخوي عبدالوهاب يسلمووووو على الموضوع التحيف يا تحيف واعذرني على رداءة الرد

هلا مشبب يالله إنك تحييه ولا تحجز مره ثانيه.

أما مترو بالرياض وناسه كان وربي عيال الرياض بيقلبونها مواكب بالمترو .

وأنواع الخرفنه ورئصني ياجدع أنا من أول قايلك بن زلفه يقرب لك كلكم رفيديه .

لاهنت على الرد الرديئ على كلامك