نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - إضراب الكتاب بسبب قلة المردود المادي يؤدي الى إيقاف أشهر المسلسلات و البرامج العالمية من ضمنها " Prison Break " !!

Mr.DL5 · #15 16/11/2007, 01:18 PM

..

ياهلا والله .. يالله حيهم !

- - -

إقتباس


	يعطيك العافية دلخ .. والله يصبرنا هالشهرين تحياتي لك

هلا والله وليد ..

الله يعافيك يالغلا ورده

الله يعيين باقي شهرين على الحلقة التاسعة !!

الله يعطيك العافية وليد على المرور .. ورده

- - -

إقتباس


	هلا والله بدلخ الزعيم قسم بالله خبر فاقع مرارتي مندو مبطي يعني وش ذا الغباء عند المنتجين ليش ما ياخذون الحلقات كلها ثمن يعطون الكتاب حقوقهم ويفتكون منهم وكلها 4 سنت لعنبوه منتج يعطيهم دولار بدل 4 سنت ...قسم انه مدخل مليارات من ورى المسلسل الله يصبرنا !!!!!! مشكور اخوي مستر دلخ على الموضوع التحيف

ياهلا والله أبو ناصر ..

وش أخبارك عساك بخير !!؟

المنتجين ما يقدرون يصورون كل الحلقات ثم يعطون الكتاب حقهم .. لانهم يكتبون السيناريو ثم يصورون على طول عشان الحلقة تنعرض ..

لو انا أجي وأقول لك بـ أعطيك دبل راتبك تراه يعتبر شئ مهوب سهل .. هم يعني كنهم يبون دبل الي ياخذونه .. ولو عطاهم المنتج دولار على كل سيدي ينباع راح يخسر خساير كبيرة ..

انا من وجهة نظري أشوف ان لهم حق يطالبون بـ الزيادة .. لان وسائل البث الجديدة تطلع مليارات من هـ المسلسلات .. ومن الظلم انهم ما ياخذون منها شئ !!

ما أٌقول الا .. الله يصبرنا هـ الشهرين وتنعرض باقي حلقات لـ بريزون بريك .. وتنحل مشكلتهم مع الكتاب ..

أبو ناصر .. الله يعطيك العافية يالغالي على المرور .. ورده

- - -

إقتباس


	يارجال ذا البرسون بريك عجزت اهظمه احس انه بايخ شفت اول حلقتين وحذفت الباقي

مدري بس شكلك تستهبل !!؟

اووما بايخ وعجزت تهضمه !! خخخخخ

أنت شف أول 6 حلقات .. وصدقني بتغير رأيك ..

عموماْ .. الله يعطيك الف عافية يالغلا على المرور .. ورده

- - -

إقتباس


	هلا بأبو الدلاخة كلها ولكم باك يا بعد حيي .. فداك القوم تسلم على توضيح النقطة اللي كانت مؤرقتني وشاغلة تفكيري .. كنت أفكر ليش ولماذا ولعل المسلسل بيوقف شهرين؟ معقولة يتغلون علينا؟ ولا يمكن فيه ممثلة طلعت حامل وينتظرونها تنزل اللي ببطنها ويرجعون يصورون؟ ..!!! لكن بعد موضوعك ذا قلت الحمد لله .. الأمر سهل وبسيط .. الله يعطيك العافية يالغلا .. والحمد لله على السلامة .. تقبل ماي تحيات ورده

هلا والله وغلا سلطان .. ورده

وش أخبارك بشرنا عنك يالغلا !!؟

الله يحييك ويبقيك ..

عقب سالفة الإضراب قناة fox الي تعرض المسلسل تلخبطت أوراقها .. المهم اعادو جدولة البرامج .. وقرروا انهم يبدون عرض باقي الحلقات بعد شهرين .. كودهم يشوفون لهم حل مع الكتاب ويبدون يصورون باقي الحلقات ..

" سارة " .. ما يندرى وش وضعها .. ناس يقولون أنها ما ماتت وناس يقولون خلاص ماتت ..المهم فيه بريفو لـ الحلقة التاسعة بـ أرسل لك الرابط على المسن .. وكنهم لمحوا على ان سارة احتمال انها ما ماتت !!!

لحسوا روسنا وخلونا نحترق شهرين كاملات نحتري الحلقة التاسعة !!

الله يعطيك الف عافية حبيب قلبي سلطان على المرور .. ورده

- - -

لياقتي خلصت

.. شوي وراجع لـ بقية الردود بـ اذن الله ..

..