إقتباس الرسالة الأصلية كتبت بواسطة الزيرابوعزيز طيب احنا ننتقد صحفي وش صار؟ والصحفي ما يخطيء اللاعب هو اللي يخطيء بس؟ والشلهوب لو ماكان مبدع مع الهلال ما استدعوه المنتخب وتحسر عليه انجوس في كاس اسيا واحنا ماقلنا له اسكت تقولنا اشياء ما قلناها احنا نقول له هذا مو اسلوب نقد وقلت قبل هذا رأيي البسيط يعني بتقنعني ان كلامه منطقي الشلهوب بوابة هجمات النصر هو دفاع والا محور والاظهير وبعدين هذه اول مباراة يلعبها اساسي بعد الاصابة والضروف اللي كلنا نعرفها ولو الشلهوب مقصر بتعمد ما طلع ونظرة الحزن عليه لأنه لم يقدم ما يتأمل به يا خي لو يقول الشلهوب اقل عطاء من زملائه اللاعبين ونتأمل من الشلهوب ان يرجع الى مستوياته المعروفه كان افضل وانتم من مباراة والاموسم خلاص تقولون له اجلس بالبيت نسينا ما مر على سامي من صيام عن التسجيل موسم كامل ومع وقفة الجماهير معه والصحفيين الواعين حسم لنا النهائي

في البداية انا ارد على الموضوع وما حفل به من ردود تهريجية للرد على صحفي متابعته للهلال اكبر من متابعة اغلب الي ردوا والي فاهمين السالفة فزعة مع اللعيبة وهذا ينتقد نجمنا خلونا نهاجمه عشان يسكت

انت موضوعك يتحمل سالفة الرأي والرأي الاخر لكن فيه ردود ما تدري وش تبي

عموما ما علينا

لا الصحفي بعد يخطأ لكن صالح السليمان ما اخطأ هالمرة والشلهوب هو المقصر ويستحق النقد لو كان الصحفي تبلى على اللاعب وهو مستواه ممتاز من حقك تنتقده لكن اذا كان اللاعب اسوء لاعب في الفريقين ويلعب لي على الواقف فطبيعي ينتقده

ما دام اللاعب دخل ارضية الملعب فاقل واجباته انه يجري ويتحرك بدون كرة هذه ابسط الاساسيات والباقي نقول توفيق من رب العالمين

يجيني لاعب بيلعب على الواقف زي الشلهوب هالفترة ولا نواف الموسم الفائت الا اقل شي في حقه ان ينتقد فاذا كان الشلهوب غالي عندكم فالهلال اغلى


انا ما يهمني ان كان التقصير متعمد ولا مش متعمد النتيجة وحدة وانا اخوك ان الفريق يعاني بسبب لاعب مش جالس يجري ولا جالس يتحرك تنتظر منه يكون الافضل لامكانياته الكبيرة فيفاجئك بانه الاسوء ليس فقط ب


اوكي بتحمل اللاعب كذا مباراة مباراتين ثلاث وبغض النظر عنه لكن ان واصل على هذا المنوال كل مباراة لا حماس ولا حركة فطبيعي ينتقده صالح سليمان وغيره


مسئلة انه يتمنى الافضل فصالح السليمان ترى صحفي هلالي يحب الهلال مثل ما انت تحبه وبسبب الهلال تعرض لهجمات كثيرة من جماهير الاندية الاخرى فما يحتاج يكتب هالجملة عشان يثبت لك ولا يثبت لغيرك حسن النية فهي موجودة من الصحفيين امثال صالح السليمان الي هلاليتهم لا جدال فيها حتى لو انتقدوا لعيبتكم المفضلين