هلا بك Celinish

أفضل محل بالسعودية من ناحية الضمان و الصيانة و الموثوقية هو Compu me بالتأكيد -- لكن المشكلة أسعارهم ضاربة أكثر من غيرهم .. يعني الزين ما يكمل ! أنا تعاملت معهم و الحمد لله ما ندمت أبد.

أو الحل الثاني هو الشراء من الوكيل مباشرة ..
يعني عندك acer و dell هذي كلها عند العالمية.
و compaq أظنها الحين عند مكتبة جرير ، تلقين عندهم أغلب الأنواع و الموديلات.
و sony عند sony طبعا و محلاتهم موجود بالمملكة و الفيصلية و العقارية ، بس أرخص جهاز بأقل مواصفات يمكن سعره 7000

و لقيت لك اختبار مجلة pc magazine العربية !
http://arabic.pcmag-arabia.com/revie...واسيب%20مفكرات
لكن طبعا الأجهزة شوي قديمة ..
طبعا بعد زيادة الميزانية
الحين فيه جهاز كومباك بريزاريو سرعته 2 جيجا ، و الرام 256 و مواصفاته بشكل عام ممتازه ، بسعر 6300 .. طبعا عيبه الوحيد إن الهاردسك 20 جيجابايت بس ! يمكن إذا زاد الهاردسك إلى 30 يصير سعره تقريبا 6800 .. جهاز ممتاز و أنا عندي البريزاريو هذا بس ديسكتوب ما هو لابتوب ، و أقول لك روعة بجد. طبعا فيه كومباك الحين سرعته 2.4 ، لكن مدري يخاف الواحد انه يحتمي بسرعة و البطارية تخلص بسرعة .. يعني 2 جيجا أحسن شوي. يعني معروفة أجهزة كومباك إنها أنيقة و جيدة ، لو بس يخف وزنها.. و أهم شيء المحافظة عليه. بس أخاف إذا انتظرتي لجيتكس تروح ال 6500 !! ، أحسن لك الحين .. و هذا رأيي.
[c][/c]