الموضوع: ][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][
مشاهدة مشاركة بصفحة مستقلة
  #4  
قديم 08/11/2007, 03:14 AM
الصورة الرمزية الخاصة بـ S U L A I M A N
S U L A I M A N S U L A I M A N غير متواجد حالياً
مشرف سابق بمنتدى الرياضه العربيه والعالميه
تاريخ التسجيل: 30/08/2003
المكان: الرياض
مشاركات: 7,618


السلام عليكم


ألف مبروك الفوز والمستوى ياشباب .. ذئاب كتلونيا مازالوا يأكدون على ان الداخل فيها مفقود والخارج منها مولود .. الرينجرز لعبوا لعبتهم على أرضهم وتكفيخ ودفاعات ومادري ايش .. يعني حتى مافتحوا الملعب علشان نقول أوكي .. مباراة اليوم للأسف ماكان على كيفهم الموضوع وسواء فتحوه ولا بنوا أسوار حديد عند حارسهم .. واصلتهم الصواريخ يعني واصلتهم .. كنت اتمنى من كل كل قلبي ان مدربهم يقول دامها خاربانه خربانه .. خل نخربها زود ويالنا ياعلينا .. ويفتح الملعب ويهاجمون .. بصراحة من زمان ودي أشوف بويول مستانس على هاتريك ..


مستوى جدا ممتاز من جميع الاعبين .. خلاف فالديز الي مباراة عن مباراة ويوم عن يوم يأكد أنه الأفضل بلا منازع .. وسلامي الحار على العجوز الي مفضل غيره عليه .. لكن حلو انه مايشوف فالديز ويفضل غيرهم عليه .. على الأقل نحافظ عليه لايجيه مثل ماجاء غيره من فسروسهم لابارك الله فيهم .. هذا بالنسبة لفالديز والي كنت دايم أراهن عليه من الموسم الي راح .. بالرغم من نجاحاته الكبيره الموسم الي راح الا ان البعض كان يتمنى خروجه بأسرع وقت .. وقتها كنت أقول اذا تبونه يسوي اكثر من كذا .. اصبروا للموسم الجاي وبتشوفونه .. وهذا الموسم بدأ وشفناه .. وشفنا أسباب الأهداف في الدوري وعدم انسجام المدافعين .. كل مباراة تشكيلة غير .. بويول مع ميليتو ولا ماركيز مع ميليتو ووو ..

أما بالنسبة للاعبين ككل فـ لاجديد .. إبداع وإمتاع من جديد .. بويول ظهير أيمن مميز صاير .. اختراقات وسرعه لابأس فيها .. ولو انه يعيبه أهم ميزه في الظهير والي هي الاوفرات .. اوفراته دايم تكون قصيره وغالبا بينّّيه .. وهالشي ماينفع معه الا إيتو .. هو الي يعز البينيات .. واحد بينيه واثنين هدف باللهي .. لكن لابأس فيه كـ ظهير .. لكن وجوده كـ قلب إلى جانب تورام يعطي الدفاع هيبه كبيره .. لكن مع وجود ميليتو والي بدا ينسجم مع الفريق .. مع تورام طبعا .. وبيدال ظهير أيسر .. ممكن يكمل بويول الناقص ويلعب ظهير أيمن .. حتى موعد عودة زامبروتا .. والي كمل الباقي وانصاب أيضا للأسف ..

تفاهم روني وهنري أصبح من الأشياء الملاحظه في أواخر مباريات البارسا .. التفاهم بينهم صار واضح وصاروا متأقلمين مع بعض بشكي لابأس فيه .. لكن المشكله ان طريقة لعب هنري واتفاقه مع روني .. يختلف كثييييير عن طريقة لعب ايتو واتفاقه وتفاهمه مع روني .. اتفاق الأول مع روني من ناحية الجناح .. بينما اتفاق الثاني مع روني ( ايتو ) .. اتفاق هجمات وكذا ..

الاهم في الموضوع هو عودة مستوى روني ولله الحمد والي بدأ تدريجيا يرجع لنا روني الي عرفناه .. روني قبل موسمين وثلاثه .. روني الي يتحرك ويصارع على كورته كانها جزء منه وملك له مايرضى أحد ياخذها منه .. روني الي يوزع كورات في جميع أنحاء الملعب بالإضافه الى رجوعة لصناعة الاهداف أو الفرص بالاحرى .. إضافة الى هوايته المحببه .. التهديف ..