إقتباس الرسالة الأصلية كتبت بواسطة هلالي متيم20 ياحبيبي ياأبو طلال . سامحني التهنئه ــ بفارس ــ الله يصلحه ويتربى في عز والديه . شوي متأخرهـ ــ السماح أخوي الصغير أبو طلال . الطقه وقصتها أليكم . لما كنت في ثاني ثانوي . قبل تقريبآ أربع سنوات . ومن زود حب أبوي لي ــ الله لايعيدها ذا المحبه ــ المهم .. شراء لي سيارهـ . موديل السنه . يابختي مين قدي . وبعد مضي فتره من الزمن . وكان معي أعـــز أصدقائي . وحتى تحلو القصه . لقبه ــ بلش . هذا لقب صاحبي الغالي . والله على قلبي . المهم ..... قررت أنا والدبشه نروح بعد الفجر ــ يعني في الصبح ــ يبيلها بعد كلام . وكان الوقت في نهاية الصيفيه . وأبوي ــ الله يحفظه ــ شراء لي السياره في أول الصيفيه . بعد مانجحت في الأمتحانات . وتأهلت للدور النهائي من البطولة التعليميه . وبعد ماغريت أمي عليه . وأزعجته الأ يشتريها لي السنه هذي مو السنه الجايه . يعني بعد التخرج . أخوكم المتهور . قرر بقيادة صاحبه وحبيبه . بلش . أنه يستعرض في تلك الحاره . لأسباب لن أذكرها . وبعد الأستعراض والهجوله ــ البايخه ــ قلت لبلوشي . خلاص والله تعبت من الفر والشمس والجو مايساعد . خلنا نروح للبيت أصرف ونلعب بلاستيشن . أصرف . أبوي لما يصحا ولا يحصلني راح يحط لي محاظره في المسئوليه وأنه راح يزوجني بنت عمي . أذا ماأنظبت . الى أخره , وبعدها زعل ــ بلش ــ وقال . والله من الذل اللي مقطع قلبك . لعنبو أبليسك تقول بنت كويتيه . دايمآ .... أبوي . أبوي . كن ماجاب أبوك الأ أنت شف أخوك عزوز صايع بالحواري . وأمك . وحتى أبوك . مايقولونه شي . تدري ليش . قلت : ليش . قال : لأن شخصيته أقوى من شخصيتك . يادلوعة أبــــــــــوهــــــــا . وأنا اللي أتهور . ولف السياره وهي على سرعتها . وراس . حبيبي . بلوشي . يطخ في القزازه ويصيح . ووووورااااااااااااااك منتب صاحي . قلت : أوريك من هو البنت الكويتيه . ومنهو دلوعة أبوه . قال : خـــــــــــــــــــلاص . أنت منتب بنت أنت ضب وبدوي وووووووووســـــــــــــــــخ . وقف لعنبو بليسك لاتضبحنا . وبعد ذيك اللفه . الأ وذاك الوايت اللي ملنبق عند ورشة حدادهـ . والله لو أني ماتصرفت لكان نهايتنا تحت وايت . ولفها والرصيف يقول لي . أرحـــــــــــــــب . أقلط مرحبآ والله ومسهلآ . وينك ياخوي مبطين ماشفناك أنت وصاحبك ... الفاغر . وثلاثة أيام وأنا عند جدي . والله ماشفة الحاره ولاحتى توهقت وفكرت مرهـ وحده أمر من ذاك الشارع . تدرون ليش . لأني أعدمة السياره ــ الجديده ــ وبعد الوسايط من جدي وعمي ــ قرر أبــــوي ــ الله يهديه ــ أنه مايضربني . الأ بعـــصــا جدي . وتخيلو عصا الشيبان . والله أنها أسبوع وزياده وأنا أعرج من رجلي . أتقولون واااااطي لــــــغـــــم . . . . . . القصه طويله ماهيك . تحملوني .

هلا بااخوي الغالي هلالي متيم ولاتتعذر حبيب قلبي واصله وعارف وش اللى عندك يابعدي ... وشاكر لك المباركه وعقبالك يارب .... عزيز وغالي والله

سالفتك :

متهووور ... ماقلت لكم ان السعوديين عندهم مهاره في القياده

وعندهم تهور اكثر من المهاره

ليته والله ماتدخل عمك وجدك ... ومخلين ابوك ملين العصى على ظهرك .. مو علشانك بغيت تموت مع هالتهور لا .. بس حرام فلوس السياره اللى راحت بلاك مادفعت فيها ولا ريال

لو دافع فيها اقساط انت وابليس ( خويك ) كان ماتعديت السرعه 20 بالدائري

لكن يالله .. الجد عاد حمدالله على السلامه وربك ستر ... وارفق على عمرك شكلك من النوع اللى يطير بالعجه .. وخويك اللى راضع مع ابليس وش تبي فيه

شاكر لك اخوي حضورك ومرورك ..

إقتباس بنت عبد الله & لا الحمدلله ماقد انطقييت من امي وابوي امي حنونه على نياتها وحتى ابوي بس جاني كف في التمهيدي عاد تعرفون يعني اولاد وبنات كان لهم مراجيح واحنا يا البنات لنا والاولاد يروحون حق البنات والبنات يروحون حق الاولاد عاد انا انتظر دوري في (الزحليقه) جا دوري وانا اغني ويقالك سندريلا وانا توني باجلس عشان (اتزحلق)جتني الفضوليه التفت وراي الا والكف جاني<<تراني متحمسه المهم هذا ولد حسبي الله علييهم ذا الاولاد شايفين البنات لعبه عشان يطقونا<<كأني لمحت عين طالعهالمهم هو طقني والا ما طقني قمت وطقيته وبعدين تزحلقت وانا متنكده يوم جت الطلعه ويناظرني بحقد بس ماسوالي شي مشكوووووووووور ابو طلال على الموضوع الرووووووووعه

منتب عاقله يالسيندريلا قبل الكف سيندريلا بعد الكف قلبتي ساحره مشعوذه ووجهك قلب مرعب

وانتم يالبنات .... العيال سوو .. العيال عملوو ... والعيال ضربووا ... عاد ماشالله مااشوفك سامحتي وتركتي حقك ... كفختيه ورديتيها بكف اقوى .. ومن القسوه اللى فيكم كملتي لعب .. والله القلب الصخر

بنت عبد الله .. ربي يحفظك ماقصرتي .. اسعدني حضورك ومرورك

إقتباس الفراس يازين اباء اول مايستعملون الا الضرب وكان هذاك الوقت كل الناس تتعلم بسبب الضرب -ضرب الاباء يمكن يكون نافع ويمكن يكون ضار - --- نافع مثلي انا يعني كنت انضرب في الابتدائي من الوالد وكان مدرس ويدرسني في المدرسة اللي عندنا في وسط المدينة الجميلة بعيدة عن بيتنا شوي بس كنت اروح معه للمدرسة ولين طلعنا ركبت معه ورجعنا وكان شي لم يكن ---حتى كان يوصي المعلمين اللي يدرسوني في المدرسة اللي عندنا في وسط المدينة الجميلة اللي بعيده عن بيتنا يضربوني يعني معطيهم الخيط والمخيط -------- مو مثل اباء الحين اللي المدرس لو يضرب ولده او يقبصه او يخصم عليه قوم الدنيا وماقعدت ----فيازين ايام اول --والحين ولله الحمد لو لله ثم ابوي وامي كان ماوصلت الى ماوصلت اليه ---انا الحين موظف حكومي وراتبي ممتاز طبعا بعد مادرست المتوسط والثانوي والكلية سنتين ودبلوم حاسب على حساب الوالد ----وصلت الى ماوصلت اليه ----- فالضرب اما يكون نافع اوضار ----ضار يعني يسبب للولد امراض نفسية او عقوق لا سمح الله او توصل الى مايحمد عقباه شي اعظم مخدرات او قتل او او عافانا الله واياكم

بالعكس حتى اباء الحين زينين يااخي

كلامك جميل والله .. واتذكر ايامنا ملحطين .. اذكر مقولة : لكم اللحم والجلد .. ولنا العظم ... وكنت مبتسم .. احسبها مدحه ذاك الوقت ...

بس والله المعلمين اول فيهم طيبه .. تربويين بمعنى الكلمه ... عموما موضوعنا مو معلمين .. اباء .. والشي بالشي يذكر

معلمين اول هم اباء اول .. هم الشعب الاول ... ياويلي بس على كل شي قديم ...

حتى اعضاء الزعيم اول ( بداء يخوور ) امزح عاد .. كلكم خير وبركه ياكباتن

شاكر لك حضورك ومرورك اخوي .. بس وين الموقف وخل عنك الوظيفه والراتب الممتاز ... نبي المهم .. متى اخر طقه وليش .. وفي اي منطقه بعد .. سؤال جديد هذا

إقتباس أبو فيصل الرحيمي هلا والله وغلا من أول مشاركة يعطيك العافية أبو طلال مواضيعك فللللة >> متآبع ووبقووة المهم مالنا بالطويلة ضرب ضرب صريح لا لا أعني من الوالد يعني كلها كم كوووب وإلا بيالة مدرعمة ع الراس المهم ضربة والله ما راح مو من أبوي وإلا من الوالدة من أخوي الكبير (( دابلن تسبدي للحين )) المهم يلعب بالكورة وأنا يالمقروود داخل عليه وتجيني ذيك الشوووتة بدال مايشوت الكووورة >> طبعا متعمدة وتستاهل كرت أحمر وتوقيف زي أبو عزيز المهم الأخو الزي هو أنا منسدح على الأرض بغى يمووت المهم قمت وهو يضحك فكانت ردة الفعل مني قوووية بحيث إني كنت صغير الحجم وهو جدار بحاله الله لا يضره وأجيك أنا يالسنافي وأتعلق على رجله من تحت وأقررط في رجوووله هنا علي الباقي منه ومعروووفة وش يبي يسوي طووووووووووووووووووووووووووووووووووووووووووووووووت

اخوي فيصل .. اهلا بالمشاركه الاولى واللى تشرفت جدا كونها عندي وفي موضوع خطها العبد الفقير الى الله ابو طلال

وإن شالله يعجبك هالموضوع وغيره في هالمنتدى الرائع .. وروعته سرها في حضوركم وتواجدكم الكريم

نجي لموقفك ... هات اشوف

فهمت كل شي .. يوم جاء المقطع المهم في السالفه قطع الخط .........

الله لايهينك .. ارجع كمل الباقي ..... والا عطنا موقف ثاني كامل لاتمسه مقص الرقابه

شاكر لك حضورك ومرورك .. ولاتحرمنا منه يالغالي




وللحديـــــــــــــــــــــــــــث بقيه : مع انتظار المزيد من المشاركات .. الموضوع قرب ينتهى ... اللى ماجاه طق يروح يتحرش باخوه الكبير .. يسوي شطانه .. يولع زقاره عند ابوه ؟؟ المهم يدبر عمره ويجي