إقتباس الرسالة الأصلية كتبت بواسطة حتى ظلالي هلالي احسن شي إني بنت وما احد يضربني ،، عاد تصدقون ابوي لو بس يصرخ فوجهي اني اكرة نفسي احس اني مسوية جريمة ،، أتوقع ان ابوي لو يضرب أحسن من (الهواش) ،، <<من وجهة نظري بس الحمدلله ماقد ضربني ولاقد ضرب اخواني العيال ،، <<لان فيه البديل القوي (الهواش) لكن حتى الهواش قليل لان حنا عارفين القوانين والقواعد ولانتعدى الحدود ،، << لان العقاب معروف وهو محاظرة تسمعه لمدة لاتقل عن نصف ساعه واستهتار لمدة يومين << لكن بصوت مرررررررررررررتفع وطبعا الوالد الله يصلحه عنده مشكله وحده ودايم يهاوش عليها،،بس مو لدرجه الهواش اللي يخوف،، ألا وهي النووووووووووم،، عقدته بالحياة يجي ويلقانا نايمين ،، لكن وش نسوي النوم سلطان << مب انت يالمشاغب انا اعني النوم .. .. .. تقبل مروري ابو طلفارس

احسن شي انك بنت ؟؟ امحق افضيله!! ياحول لاتطلعون ولاتجون ولاتسوقون .. حتى الدشره وهي الدشره والسعسعه بالشوارع ماتعرفونها .. مالكم فيها الا اسمها صحيح العيال ينقطون .. لكن الحريه موجوده واللى بالراس لازم يطيح
ودي تذوقين الضرب وتحسين بالمتعه اللى يحسونها العيال ... حياتك يصير فيها اكشن وحركه .. وبالحركه بركه ...
اما الحياة البارده لاطق .. ولاهواش ليل ونهار .. حياة كئيبه .. شوفي مشاغب ماشالله عليه وماجد مقبل من كثر الطق كيف مبدعين الحين

شاكر لك اختي حضورك ومرورك .. ونتمنى حادثه هاليومين ( كفخه ) قبل مايقفل الموضوع .. ترى كل شي جايز . .انا اعرف واحد قعد كل عمره ابوه ماطقه ولاحتى هاوشه .. وماجته الطقه الا قبل عرسه بيوم يعني لاتقولين ماجاني شي .. يمكن يجيك حقك اليوم بكرا .. تحري له ( مثل مانتحرى رؤيه هلال ذى القعده )

إقتباس الرسالة الأصلية كتبت بواسطة عالم الهلال ياعيني عليكم انواع الضرب الحمدلله حنا يالبنات عموما مؤدبات والله ما اذكر ان الوالد ضربني الله يحفظه (قل آمين ) بس الوالدة الله يطول بعمرها محاضرات على هواش الصبح قبل لانروح المدرسة بس شد من الشعر ولافيه غيره الحمدلله تقول امي اني ماعذبتها << قلت لك مؤدبة الله يرزقك ببنت ان شاء الله وراح تشوف الفرق والله يحفظ لك طلال وفارس يارب..

وهذي ثانيه تقول وحنا يالبنات !!! ترى مهيب ميزه <<<<<<<< طاقتن تسبدي ليه ماينطقن
الله يخليلك الوالد ........... وشد الشعر مايدخل ضمن الطق يعني اصلا طق البنات معروف ياشد شعر ياتقبيص ... اشوى حسبته ماجاك شي ابد
إن جتني بنت مستحيل اطقها .. حرام ... بس طلول بيقوم بالواجب .. معروف البنات مايجيهم الطق من الابو .. يجيهم من الأخو .. لبى قلووب الاخو ياشيخ ( بالعربي نبي موقف لك مع اخوك مثلا )

وشاكر لك حضورك ومرورك

إقتباس الرسالة الأصلية كتبت بواسطة !!هلالي الرس!! تؤبش الب الب الب البي يأبو طلال توي أدري أن لك عيال وأحترمت طلال لأنه أكبر من فارس وحطيته بتوقيعي والله آخر مره وانا أخوك قريبه تقريبا بأيام رمضان السبب: في أاحد الأيام الهادئه قمت من النوم برمضان طبعا والله البيت كله نايمين طبعا آخر يومين بالدراسه برماضان وغاييبين المهم قمت كلي نشاط والله يقلع هالنشاط الي جاني دورت أبوي والله مهوب موجود قلت بأخذ الجمس أدور شوي لين يجي أخذتالجمس وفرفره من حاره الى حاره من شارع الى شارع الى أن استقريت على شارع تفحييط قرييب من بيتنا وقداام بقااله المهم البقاله هذي كان أبوي دايم يتقضى منه بدايه الفلم: كنت أمش بالجمس وفجأه الى بفان هاونداي ناطل وشاطفني ومن ثم نطله أخرى ومن ثم تشبيكه المديور أنا قفلت معي وش حيث أمه ينطل وانا لا((الحركهالي سواها راعي فان معناها حركه تحدي يعني يتحداني ومنتشره بين المفحطين الله يهديهم>>طالع منه المهم البقاله كان الوالد الله يطول عمره بوسط البقاله يتقضى وانا ماكنت أدري المهم وصلت لآخر الشارع وكبست لراعي الفان يعني بأعطيك الشوط الحين أو بمعنى آخر بأرد الشطفه وأنا الي أجيك مجلعد وعط الأولى يالذيب وعط الثانيه وأدي الثالثه وبعدها المديور كل هذي الحركات كان الوالد يتابع من وسط البقاله وانا ماكنت أدري وش السالفه وأكررها مره ومرتين وثلاث المهم كان الفان يعطي شوط وأنا أعطي شوط الى أن قدر الله لراعي الفان ودخله بسياره واقفه على قارعه الطريق أنا حطيت رجلي للبيت لبقت الجمس ولامن شاف ولامن دري جاء الوالد عقبي بـ10 دقايق قال شيل المقاضي وبعدها أدخل الملحق وجبلي الجريده قلت أبشر شلت المقاضي ودخلتها البيت ودخلت على نياتي بأجيب الجريده مادري الى الوالد حبيب الشعب مسكر الباب وقافله ومطلع محبوبه الجميع عصا المكنسع وخذها جلد وأنكسر العصا حاولت أزبن لكن ماش الباب مقفل وكان يضربني ضرب الييم ويبه والله مأعووده خلاص ماعد أسووق بس فكني المهم طول الفلم الين طلع الشايب طبعا عقبها أخذت أسبوع كامل تأهيل جسدي عشان أعرف أمسي زين وتأهيل نفسي بعد الكلام الجمييل الي جاني من أبوي وبعدها كلمني وعطاني محااضره ومن ذاك اليوم وأخوكم في الله يكره السوااقه وتحياتي للجميع !!هلالي الرس!!

هلا وغلا هلالي الرس .. بالنسبه للتوقيع ماعندي مانع .. بس ماادري دفعت الرسوم !؟ تراها عند البرنس وكل من زرف توقيع لولدي دفع رسوم .. او اشتراك شهري ( زي شوتايم )

وحياك الله ... وبالنسبه لقصتك متعوب عليها .. بس تدري .. والله تستاهل الطقه .. ( مزدي فين ) ابوك
افرض وانت شاطفه لاقدر الله قلبت والا صدمت ... بس الوالد شكله معجبه التفحيط ..!! شلون صبر لين ماطاح اللى براسك ووصلت للبيت .. انا لو مكانه حديتك بسيارتي ونزلت وتشويت قدام الناس .. علشان بكرا اذا شافوك عيال الحاره يقولون ( العبيط اهو اهو .. العبيط اهو اهو ) علشان ماتتعودلها
موقف جميل .. بس متهور الله يعين ابوك عليك والله يخليه لك ان شالله

وشاكر لك حضورك يابطل ومرورك الجميل