الف مبروك الفوز أمس يالربع
والحمد لله تريزي رجع للتهديف وعشقه الجميل
هو صحيح إذا رجع رجع مرة وحدة ماشاء الله تبارك الله لكن مايخالف أهم شيء يرجع
بالنسبة للمباراة ماتابعتها صراحة لكن النقل عن المباراة قريته والأهم كلام أحمد عنها
يعني المستوى ممتاز والنتيجة جيدة جدا بالنسبة لنا على هالتوليفة الجديدة تقريبا
وبالنسبة للاعبين اللي واضح من التشكيلة فقط وإلا موتقييم مباشر لي:
1- لاعب أول مرة يلعب أساسي في الكالتشيو ولليوفي وهذا الموسم.>>تياغو
2- لاعبين في غير خانتهم واحد منهم له مدة مالعب أساسي والثاني عدد مبارياته الأساسية قليل >>كريشتو وبراندلي.
3- اللي ودي أعرفه وش سالفة زبينا، توقعت وجهة نظر لرانييري في تفضيله لحسن، بس براندلي، والله غريبة، كان المفروض أمس زبينا ولما ينزل كامو يرجع حسن لو بغى يطلع زبينا ولايجازف ببراندلي.
4- صناعة الهدفين الأخيرين - الهدف الأول والتمريرة الدون لوب من بالادينيو مو من تياغو، ممايعني إن تياغو أمس لعب في مكان صانع اللعب ورا المهاجمين ، اللي مافيه نية لاشراكه فيها، لاسيما برجعة نيدفيد وقوة اللقاء القادم تخليني احس إن تياغو على الدكة من اللقاء القادم.
5- أتمنى بالادينيو وياكيونتا وتريزي من اللقاءات الجاي أو بالأخص اللقاء الجاي أساسيين، مع احترامي لأبوتوبياس، مع إن لقاء القمة يحتاج لخبرة بس مو لحالها، مع لياقة، واللياقة أهم.
