[ .. الـوالد .. ]

اقوى ضرب جاني ايام اولى متوسط ، كان يوم خميس ودق عليّ ولد خالتي الصغير وقالي بجي عندك قلت له اوكي

وبعدها بـ 5 دقايق دق عليّ ولد عمي يقولي انا جاي عندك .. انا انبسطت و وقتها كنت احب ولد عمي اكثر لانه قدّي في السن ويتابع الـكورهـ

المهم قلتله حياك وقررت اتصل على ولد خالتي و اقوله : خلاص لا تجي << عينه قوويه !

اتصلت على ولد خالتي قلت له انت جاهز ؟ قالي ايه خلاص الحين نازل السياره وجاي عندك .. قلت له معليش خلها يوم ثاني وقالي طيب

وبعد مرور 10 دقايق وفي غفله مني .. جات الوالده تصارخ فوق راسي بأعلى صوت " انت ما تستحي على وجهك ، ولد عمك كل يوم وهو عندك ، عيب عليك ذا اللي سويته مع ولد خالتك ، وأبقول لـ أبوك السالفه كلها يوم يصحى من النوم " .. ! << والظاهر والله اعلم ان امه اتصلت على امي تعاتبها على الحركه هذي ! عشان كذا هي زعلت !

انا كنت مصدووم وبزر مو مستوعب حجم الغلط اللي سويته !

راحت الوالده اتصلت على ولد عمي وقالت له : لا عاد تجي عندنا !

وانا في الحاله هذي خسرتهم الاثنين : ولد خالتي + ولد عمي !

وصحى الوالد وعرف بالسالفه .. وجلدني جلـد ابن كلـب .. قسم بالله صار جسمي كله خطوط حمـرا !

ومن بعدها صار مالي عين اتصل على اقاربي واقولهم جاي عندكم او انتوا تعالوا عندي

......

2 - هذا موقف بسيط .. !

كنت العب كوره في الصاله واللمبات كانت جديده .. !

وبالغلط جات الكوره في وحده منهم وانكسرت ..

وجا ابوي يلاحقني في البيت كله لين وصلت لـ مكان مسدود ..

ومسكني ابوي و وفقع وجهي

وهذي كانت آخر مـرهـ انضـرب فيهـا !

..

[ .. الوالـده .. ]

وانا في ثاني متوسط اعتقد ، كنت جالس العب بلاي ستيشن ( ويننج اليفن ) و دوري وحماااس وقررت افوز بـ البطولات كلها اللي في الشريط .. الا وشوي طلع لنا ولد الجيران البزر هو و أمـه .. !

وهم خارجين من عنـدنا قالي : عطني ذا االشريط اللي تلعب فيه ما عندي مثله !

قلت له : العب دوري وما اقدر اطفي الجهاز .. !

وهـ الكلام كان قدام امي وامه ..

المهم وفجـأه جات الوالده كسرت رااسي وفقعت وجهـي وخرجت الشريط من السوني وعطته ولد الجيران !!

راح هو نزل بيته .. وانا انهمرت في البكااء .. ! < متعوب عليها

وربي حسيت بـ ظلم فظيع وقتها .. !

حتى اني جلست اهوجس واقول هذولي شكلهم جابوني من الشارع انا مو ولدهم !

..

وبس هذي هي أبرز المواقف الي صارت لي .. !

يعطيك العافيه أبو طـلال