اسمعو قصتي مع الهلال
انا ( وبحكم السن ) اشجع الهلال من ايام ابراهيم اليوسف وبدايات النعيمة ، حتى فهودي كان ايامها يعتبر نجم جديد
وخلال رحلتي في تشجيع الهلال من هذيك الايام الى وقتنا الراهن .. مرو على الهلال علل كثيرة ولاعبين يرفعون الضغط
العلل اللي جلسو على قلوبنا بالجيل الاول كانو مثل ابراهيم اليوسف ، وسلطان مهنا ، وحسين البيشي ..
الجيل اللي بعده جاء سلطان الثنيان ومنصور الرحمة ثمن جانا سعود الحماد
الجيل اللي بعده جانا عبدالله البرقان ويوسف جازع
الجيل اللي بعده جانا حسين المسعري وحسن العتيبي
الجيل الحالي من كثرهم خلوني اقول كلهم باستثناء ياسر والغامدي وعزيز
لكن قسم بالله ... قسم أحاسب عليه يوم القيامة ... مثل المفرج .. والله ما عمره مر علي لاعب أسوأ منه لعب في الهلال
لاعب هش واي اشترك رغم انه مدافع هو اللي يتعور
لاعب حتى ركضته بالملعب مهب ركضة لاعب
جبان ودائما يبتعد وينتظر لاعب آخر يتداخل مع المهاجم
كثير التوجيه للمحاور والأظهرة ، وهذا منبعه خوفه من وصول المهاجم إليه
أكثر لاعب يطلع للكورنر ولا عمره جاب هدف
أكثر لاعب يوجه ، رغم أنه هو من يحتاج توجيه
دائماً يفشل ، بضم الياء ، نصب مصيدة التسلل
إذا واجه مهاجم .. والتف المهاجم ... عشان يلتف المفرج معه تقول مدوير تريله
ويبقى السؤال الذي طرحته مراراً وتكراراً وزهقت من كثر طرحه
في حال تم عرض المفرج على قائمة الإنتقال .. أين سيتجه !!!!
