نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - حريميص .. وغلفيص .. ومعاناة لاتنتهي .. !!

فرصه ضايعه · #23 23/10/2007, 02:25 AM

ماشاء الله ماشاء الله

نشاط وقوة وحيويه ولمعان أكيد مع كلاسيكو <<< دعايه شامبو

موضوع حلو ويحمس الواحد يناقش فيه

...

أما الأسماء فعد واغلط ياما مروا علينا ناس عليهم أسماء مدري وش تبي

عندي وحده من صديقاتي اسمها غريب

وكل ماقالوا لها وش اسمك تقول رثعاء

على طول يسألونها عن معناه
طبعاً هي مجهزة نفسها ومألفه لها معنى من راسها

تقول على طول الأرض المرتويه بالماء

<<< ماتعوق معها الكذبة

طبعاً هي حاقده على اسمها

لأن كل أخواتها اسمائهم حلوة ودلع

تقول بس وش أسوي مسميني على جدتي بما أني الكبيرة

حنا عاد ندلعها بـ رثوع << امحق دلع

بنت خالتها حاقده أكثر منها اسمها رجساء << الله لا يبلانا

تقول المشكله أن اللي أكبر مني اسمها عادي مالقوا يسمون على جدتي إلا يوم جيت

يعني صديقتي أهون عشانها الكبيرة طاحت براسها بس ذي بالوسط

الزبدة
يعني للحين فيه ناس يسمون على امهاتهم حتى لو اسمهم مخيس

يوم كنت بالمتوسط معنا وحده اسمها فاغيه

مدري وش معناته واذكر كانت تقوله للمدرسات مدري من جدها ولا تستهبل زي رثعاء

أمي شافتها تقول حرام البنت مزيونه وخفيفه دم بس مخربها اسمها

وحدها اعرفها كبيرة بالسن اسمها خزنه

قايله لعيالها وبناتها أي واحد بيسمي بنته علي بجيب لبنته خزنه واملاها ذهب تستاهل

ولحد الحين محد سمى عليها ياعيب الشوم مع أن أغلب نسلهم بنوتات

مع أن اسمها مب ذاك الشين

ومرة ذكرت اسم وحده نعرفها الله يرحمها عند بنات خالتي وأخوالي
قعدوا يضحكون يحسبوني استهبل

اسمها زليخه

الله يستر علينا باكر نسمي عيالنا اسماء يضحكون علينا العالم

خلصت اللي عندي نرجع لأسئلتك <<< بدري

إقتباس


	هل يعجبكـ اسمكـ ؟ ولو أردت تغير اسمك ماالاسم الذي سيكون ؟

اسمي حلو وشين بنفس الوقت

أيام أكرهه وأيام أحبه

<<< انفصام بالشخصيه

أكرهه لأنه منتشر بكثرة بدولة معينه

بس جد تجيني مرات أفكر أغيرة بس لاقعدت أفكر بأسم ماالقى
لي شي يصلح مع شخصيتي غير اسمي

الله يخلينا لبعض ولا يحرمنا

<< استخفت

إقتباس


	ماهي كنيتك الآن ..؟ وهل فعلاً ستسمي كما تكنى به ؟(اقصد بالكنيه مثلاً أبو فلان) أو (أم فلان ) ؟

ماعندي كنيه لحد الحين

بما أن الموضوع مب بيدي أكيد

فليش أتعب عمري

بس عندي اسماء أحبها وناويه اسميها عيالي
أن الله أحيانا ووافق عليها أبو الشباب

لأن عندنا اسماء العيال من اختصاص الرجال أكثر والبنوتات من اختصاصنا

طبعا أكيد فيه مشاورة بس لا صارت أزمه كلن يمسك تخصصه

إقتباس


	هل تعتقد بأن الاسماء فعلاً تؤثر على نفسية الانسان ؟

أتوقع إيه بس مب شرط

ياما ناس أشوفهم ناجحين بحياتهم مع أن أسمائهم مدري وش تبي

يعني الواحد على حسب نفسيته وتقبله لأسمه مب يخليه أزمه بالنسبه له

والحين اللي مب عاجبه اسمه بإمكانه يغيرة مافيش مشكله من الناحيه دي

يعطيك العافيه على الموضوع الأكثر من رائع
لاعدمناك مشرفنا

سلاااااااااااااااااااااام ,,