| أقوووول ياعشاق الجانرز .. كيفكم .. ان شاء الله منيحييين ؟
الزبدة .. وبما إني أحب المدفعجية ... بقوول لكم موقف حصل لي أمس مع شخص بريطاني انجليزي
في محل بأحد الأسواق .. طبعا دخلت المحل وكان واقف يكلم عامل المحل ويتناقش معه ومن ثم جلس يكلم بالجوال طبعا .. عمره على ماأظن في بداية الثلاثينيات وأنيق ببدلة .. كان واضح إنه مسؤول عن المحل أو مدير في الشركة صاحبة المحل .. انا كان معي أخوي الصغير .. لابس لبس الهلال ... المهم كنا قريبين مره من الرجال .. شاف أخوي الصغير.. وقال ... nice ... ثم التفت يسار ورجع ناظر اخوي باستغراب ...وقال ::
آآآآوووووووووهـ .. تشيلسي ؟!!!!!
عاد أنا ابتسمت في وجهه وقلت .. نو ... هذا زعيم آسيا الهلال ==>>>طبعا بالانجليزي ولاتدققون ..
المهم قلت له وش تشجع انت ؟
قال : ليفربول ...
قلت له : ليفربول هالسنة ليس جيدا ..
قال : آآآووهـ تتابعهم أنت ...
قلت : إيه .. بس أنا أحب الأرسنال .. وأشجعهم ...
قال : آآآآوووهـ ... نو .. نو .. نو ... " وهو يهز رأسه بشكل جعلني أضحك " انت شفت مباراة ليفربول أمس ضد ايفرتون ... بنأخذ الصدارة .. وقال : للإمام ليفربول ...
قلت له : لا هالسنة .. بإذن الله الأرسنال رقم وااحد في الدوري الإنجليزي .. وبياخذ اللقب ..
وسألته : قلت الليفر بيلعب الإربعاء في الشامبينز على ماأظن .. وقلت له .. أنا ماأكره اليفر بالعكس بالتوفيق لهم ...
وطبعا من فهاوتي نسيت اتوووعدهـ الاسبوع الجاي مباراتنا ضدهم بالدوري ... المهم ...
اللي معي طلعوا من المحل .. فقلت له .. nice to meet you يعني سعدت بلقائك .. وطلعت
حبيت أقووول لكم هالموقف .. وكم تمنيت أن يحصل يوم وأحضر مباراة في الدوري الانجليزي ..
أحس حماس غير طبيعي .. هذا وانا اتكلم مع الرجال في الرياض حسيت بحبه الشديد للكرة ولليفربول خاصة ..
المهم .. بالتوفيق للجانرز الثلاثاء وامام الليفر وفي كل وقت ...
::: عبدالرحمن ::: رابطة برشلونة ::: | 