نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلالي الظهران · #8 15/10/2007, 10:58 PM

السلام عليكم ورحمة الله ..

من العايدين ومن الفايزين .. وماودي اقول شي ثاني لان البارحه وانا جالس جنب الوالده اتصلت على برنامج وقلت للمقدمه كل عام وانتي الحب .. ردت وانت الحب وماحسيت الا برجفة البياله وهي شاطفه قذلتي

..

ايه اعتذر عن التاخير اشد الاعتذار.. بصراحه كنت حاسب اني ابنتهي من الموضوع قبل العيد بس ماحسبت حساب ان عمر حساباتي ماضبطت

وهذا كله من تحت راس واحد شايب يقاله ريكي الهاوي واعدني في مره ولطعني ثلث ساعه وتعلمت منه

..

ماعلينا.. ابرد عليكم هالحين وبكره ابضيف الجزء الاخير ان شاء الله..

فرصه ضايعه

حيا الله البزنس ويمن فرصه اند قامبل ليمتد

..

إقتباس


	هلا بالغايب الحاضر أحسن شي فيك تغيب تغيب بس ترجع بموضوع يعني تبي تسكتنا فيه والله ياعليك مقدمه إكه على مايقولون طبعاً ردي بيكون مختصر مب زي العاده لأن الوقت مايسمح لي ادندر زيك وبيكون جامع الموضوعين اللي نزلت

والله انتي مشكلتك اللي حواليك كلهم من فئة الذكور ولهذا فيك عرق عربجه

.. أجل اكه لا وحاطه الهمزه بعد.. طيب هذا مختصر الحين؟! ماشاء الله اطول رد بالردود كلها مااقول الا لا عدمتش

..

طيب طال عمرك والاجزاء الباقيه مالها رب يعني .. ولا اللي بالوسط بختهم ضايع؟! ايه دول كلهم زي عيالي مابحبش تفرئوا بينهم جاتك الئرف

..

إقتباس


	والله أنك صادق .... ياخي في بعض الدول أروح لها ماأحس أني غريبه بعكس دول ثانيه اعد متى بس أرجع لديرتي تهقى من وشو

ايه اهقى انك تغيرين مكان اقامتك

.. خصوصا وان مدة تحرير الرد انتهت

..

إقتباس


	أما المساقط والله ياهم ياخذون المركز الأول مع مرتبه الشرف أنا عندي ثنين من أخوالي مااحب أركب معهم لأنهم لاجوا يسقطون على الواحد تحسهم يلحّمون فيه من ورى الين يفسح لهم وعقب عاد يلصقون فيه شوي وتحك المرايه الجانبيه مع بعض كل ماركبت معهم احس أني شاده على رجليني وراصه عليها قوووه كني بهدي من سرعتهم الله يهديهم

خخخخخخخ خوالك هذول كأنهم انا قبل التوبه << مهو بعاقل ابو زقم

بس الحين اقتنعت تماما ان العربجه مهيب عرق الا متاصله فيك.. والا وش عرفك بالتلحيم والتلصيق والرص ههههههههه ياحليلك والله

..

ذكرتيني برجل اختي .. يقول اختك نشبتلي وراك مهدي.. ادعس.. اسقط.. لايتجاوزك.. يقول اول مره اشوف وحده تدور الرعب.. بلاه مايدري انها كانت قطو أليف مثلك وشرواك بس واحد الله يسامحه لعب بالسيستم عندها

..

إقتباس


	بقولك سالفه والعهدة على الراوي يقول ...أذكر في إحدى دورات المياة وانا مبوبز وماخذن راحتي على الاخير واطالع في الباب لفت انتباهي كلمه مكتوبه .. عزيزي العميل ... انظر الى يمينك مباشرة !! طبعا بحكم اللقافه .. التفت على اليمين لقيت مكتوب .. أنظر للأعلى سبع بلاطات ... طلعت فوق سبع بلاطات وقريت مكتوب .. التفت للجهه المباشره واقرا ماكتب ... رحت الجهه المباشره وقريت أنزل تحت ثلاث بلاطات ... نزلت ثلاث بلاطات ... ولقيت مكتوووووووب رح يمين أربع بلاطات ... رحت يمين وقررررييييت وش مكتوب ... لقيت بالله ماتستحي على وجهك وانت مطامر ورى ذا الكلام .. ياخوي خلّص ز$ك وأطلع ... بالله وش ترجي من وراهم ....

ههههههههههههههههههههههههههههههههههههه
ههههههههههههههههههههههههههههههههههههه

هذول اخويا صدى الامس اللي يدعيلهم بالخير.. أكيد بعد هالحوسه الواحد يخلص أموره وهو ماحس بالخيسه.. بالعكس انا اشد على أياديهم مادام الهرج مافيه قلة حيا

..

إقتباس


	الحمد لله زي هالحركات مب موجودة عندنا ياربي لك الحمد جارنا القديم كنت ارحمهم مجمعين عليهم أهل الديرة كلهم الداجين جايين يبون الرزق يبونه يوظفهم

والله العاده ماتصير معنا الا فيما ندر.. بس مادري وشلون عرف العنوان مع ان اهلي مالهم كم شهر من نقلوا للبيت الجديد!

إقتباس


	ههههههههههههههههههههههههههههههههههههههه هههههههههههههههههههههههههههههه أما اطلع بالتلفزيون ... تقوله صادق ولا بهارات

والله لابهارات ولا مكسرات.. بلاك ماعرفتي ساير وأمثاله .. اجل بالله احد يسمي ساير!

إقتباس


	الحين أنت معتمر بوقت الزحمة ....ولا تبيه مطاقق ومرافس يعني كان صليت التراويح وعقب اعتمرت بيكون أخف شوي ياخي الزحمة الحين بكل وقت .... حتى بالعطله مرررة زحمة... أنا مدري ليه فتحوا المجال للحملات من الخارج أي وقت يجون منول كان مخصص لهم أوقات معينه وكنا مرتاحين من شرهم وزحماتهم الحين عطله ولا رمضان كله واحد دايم الحرم زحمة الله يكون بعونهم

ههههههههه اعنبوا ابليسك اكثر من كذا تناقض ماشفت .. انتي شكلك تفكرين بصوت مكتوب.. يعني اللي يدور بمخك تكتبيه مباشره.. فاكيد اني ماصليت التراويح واعتمرت بعدها الا لانه مثل ماقلتي الزحمه الحين بكل وقت

..

بالعكس كنت احسب ان وقت التراويح بيكون افضى.. بس تدرين انا مااقول الا الله يعين العوايل واللي معهم

..

إقتباس


	الله يعطيك العافيه ياأبو الدرداء ننتظر باقي دندرتك

الله يعافيك فرصه .. وعندكم باقي الدندره

..

حياك الله فروووصوووووه

..

سمو الهلال الملكي

حياك الله أبوي ومشكور على مرورك وعلى توسيطك للرد

..

alhawey

حياك الله ياخلفهم ياقوي.. بأمانه ماجرتك اللقافه ترسل للرقم الثاني؟

بعدين ياحياتي قبل تقرأ الموضوع بليييز سامحني لاني حشيتك قبل شوي بأحد الردود

..<< ابوك يالاخلاق مايحش الا باستئذان

ياخي وانت واحشنن بعد ياالزلابه وخويك اديب الغفله حياتي الثاني.. وبدال المخطه خذ هالجغفه

..

ك.س مزوج وجنبك ماجد

ماجد مقبل

حيا الله الحبيب الاريب ماجد أديب الغفله ..

ياخي مقدر على كذا وراهم حبايبي يجون ورا بعض؟ اخاف يجيني السكر << اقول بلا نصب القولون ويخب عليهم

إقتباس


	ها قد ظهر القمر لله درك ياعمر لغة ولا كل اللغات خبر ولا اي خبر ... ماذا اقول لك يا اخي ** انت هنا ولنا قدر

استلم بس

..

ظهر القمر ولاماظهر ×× انت ماجد وانا عمر

انبسطت او لم تنبسط×× انت البدر وانا القمر

مثل الحلاو عند البزر×× الله لايفرقنا طول العمر

إقتباس


	هلا وغلا اخوي هلالي الظهران وبصراحة موضوعك يبيله موضوع لرد عليه اقف معك بعنف فيما ما ذكرت .... واتمنى ان اجد معكم حجزاً كي نفرنقع سوية الى ديار الافرنجه الله يعطيك العافية عمر وهذا حضور اولي ولي عودة ان شاء الله

والله وخربتوا من تالي .. كل واحدن فيكم مسعسع لديرة مافيه الا رمضان يقضبكم ياحوش

..

الله يعافيك ابو مقبل .. بالانتظار

..

juve1897

حياك الله أبو حميد ..منور ياحلو..

ياخي بما اني في صدد تاليف الكتاب ابزاعط شوي واقول قرائي

.. طبعا ياأحمد انت رقم 1 .. طبعا واحد هو الاول والاخير بعد

..

إقتباس


	هلا و الله بالغالي هلال الظهران يا زين هالطلة يا أخي لك وحشة الظاهر ما لنا غير نربط بسلاسل علشان ما تطلع من المنتدى المهم ودي أرد على موضوعك بس تعرف السكوت في حضرة الجمال جمال <<< نصاب تراه صايم و ما عنده خلق يرد الحين المهم متى ما فطرنا و مخمخنا , رجعنا نتكتك على موضوعك و نروق عليه بواحد معسل تفاحتين و عصير برتقال و صاروخ شاورما <<< لا تفهمون غلط

المهلي مايولي .. صب القهوه يادهمان..

احمد اعنبوا ابليسك كل هذا تفطر وتمخمخ .. أجل كم يبيلك تشفط بذا التفاحتين وتبلع بالبرتقال؟

اصلا انا اول ماشفت ردك استغربت .. العاده اكتب الموضوع وارجع علشان اشوف الملخص اللي تكتبه

..

حبيبي ومهجة فؤادي حياك الله وبالانتظار ياافندم..

القيصر رهيب

الله حيه قيصرنا ..

بالله أصرفلي بطلين من النبيذ الاحمر وارفقهم بجاريتين صبابتين حتى أدز اكثر واكثر

..

حياك الله ولاعدمتك على هالمتابعه..

صدى الامس

حياك الله ياعقيد نوبتن ثانيه..

إقتباس


	ههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههه اجل اميرة موناكو ههههههههههههههههههههههههههههههههههههههههههههههههههههههههههه ليتنا من حجنا سالمين والله الله يخس ابليسك تساني مت من الضحك وش العمرة هذي كلها مشاكل × مشاكل وآخرتها ترقيم بعد ماقلت لك انك ابو سباستيان في كل حزة وكل حين او على قولة واحد من الشباب كل بتله على طول

ياخي لاتحطها عناد ولا علي بالحرام اني اذبح سباستيان

..

يابو شهاب خلاص ثبت عندك ابو الدرداء كل حين وحين << توهق بعمره

حياك الله عميدنا ولاعدمت هيك تواصل ومتابعه..

دلع-20

حياك الله اختي دلع .. شرفتي ياست هانم..

إقتباس


	طيب أنت الحين تكلمت عن كل شيء بقلبي وأقول صح لسانك وصح كل شيء فيك وتكلمنا عن كل شيء يقهرنا بس السؤال الأهم انو وبعدين الى متى واحنا نتكلم ونستانس اننا طلعنا اللي بقلبنا وهو بالاساس ماتغير المجتمع كل يوم القى مصيبه بالمجتمع أكبر من اللي قبلها يعطيك العافيه

طيب يامي هدي اعصابك وروقي المنقا الحين .. بسم الله خاشه في عيني .. انا وش ذنبي اذا انتي ساكنه بزمن أغبر

..

خلاص شربتي المنقا؟!

يابنت الحلال كلامك على عيني وراسي بس وانا اخوك هذا اللي طلع بيدي!! يعني اروح اسوي مظاهره مثلا او اطلع برا الديره واسب المسئولين في التلفزيون؟! انا عبد ضعيف طالب مثلي مثلك ولاتحت يدي اي سلطه .. كل اللي اقدر اسويه اني اكتب هنا او بأي مكان ثاني عسى الله ان يسخر مسئول ويقرأ او احد يوصل له .. وان بقى هالكلام بيننا على الاقل الواحد وسع صدره وسوا اللي عليه.. والرسول اللهم صلي وسلم عليه وصانا باللي يرى منكر يغيره بيده وان لم يستطع بلسانه وان لم يستطع بقلبه

..

حياك الله دلع ولا تحرميني هالطله..

badori999

حياك الله اخوي بدر ..

عزيزي الجميل تواجدك ومتابعتك ..والعفو ياالغالي..

حياك الله وبانتظار متابعتك ياحلو..

الخيال2006

حياك الله ومشكور على مرورك ومتابعتك..

الكلاسيكي

حيا الله حبيبنا عادل .. منور ياحلو ومااقول الا عسى الله يعطيك الصحه والقوه ولاننحرم من مجهوداتك

..

إقتباس


	هلا فيك اخوي هلالي الظهران .. سباستيان .. نورت المجلس بحروفك الهرطقيه .. وبقفشاتك اللولبيه ..

المهلي مايولي.. النورك نورك ..

إقتباس


	انا قريت الجزئين مع بعض .. والصراحه ما اقول الا " احبك ياوطني بكل عيوبك " والصراحه كل السلبيات اللي صارت في كم هالساعه واقعيه وللأسف .. لا الدورات .. ولا غزل الاطفال .. ولا الهمج في الملاعب .. ولا بزاريينا الغثيثين .. ! ولكن مانقول الا الله يزين الحال .. ويعدل الاحوال .. وعاشت بلادي والحاضرين ! لي عوده ع الجزء الثاني .. !

امين امين..

عادل والله ياني حاس بمعاناتك .. احسك تركض ويالله يالله تلحق .. ماشاء الله تبارك الله عليك الله لايضرك ويخليك لهالمنتدى

..

إقتباس


	عدنا .. اما هرطقتك الثانيه .. ما اقول الا كان الله في عونك .. والصراحه زحمة الحرم وهمجية وجهل بعض الناس تسبب لنا مشاكل .. ولكن على اجر باذن الله .. تقبل فائق احترامي يابو سباستيان .. والف شكر ع الموضوع اللي لامس واقع نعيشه .. دمت بخير .. لاعدمناك ..

حياك الله يابعدي .. والعفو ماسوينا شي! الواحد يشوف اللي تسوونه ويستحي منكم والله

..

لاعدمتك عادلـــــــــ

والحين اسمحوا لي بريك زغنن ولي عوده لردودكم باذن الله..