[poet font="Tahoma,4,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هاك كل القصايد .. هاك وأقريهن=لاتقولين وش آخرهن وش أوّلهن
كلّهن فدوةٍ لك هاك قولي=في لسانك ترى لسانك..يجملّهن
غيبتك أثّرت في حال راعيهن=قطعة أيام عيّا لايتحملّهن
بس يمكن ثلاث أيام غبتيهن=لعنبو..هالثلاث أيام..ماأطولهن
طالعي في فعايلهن وشوفيهن=تحت عيني تبيّن لك فعايلهن
ماارحمنّي بعد ماطحت في يديهن=بهدلّني جعل ربي يبهدلهن
ماهقيت أني اسلم من بلاويهن=كان سيئ معي جداً تعاملهن
وتهت حتى القصايد قمت اعنّيهن=يكملن..وانسى واعوّد واكملّهن
والمعاني غريبة قمت أنقّيهن=عقب ماكنت من قبل اتحايلهن
وقلت مادامهن جنّي برجليهن=باتشرّط عليهن وآخذ أجملهن
إتركي هالثلاث أرجوك خلّيهن=سولفي بأي حاة..بنتجاهلهن
إنسي أيامهن وإنسي لياليهن=همّليهن وأنا مثلك باهمّلهن
لاتجيبين سيرتهن وطاريهن=أنزعج حيل..لاقمت اتخيّلهن
[/poet]
هاك كل القصايد
وهذي صوت للقصيده اللي وضعتها شهد
ما بيّن بعينك

[c]تقبلوا تحياتي





[/c]